2 यॊहन 1:6 - पुना गच्छरना NT (BSI)

⁶ नाम धर्मेसी पॆसका गुट्ठिन पॆस्रना ती उज्जना र'ई, ईदिम चोन्हा हवे। अरा नीम ऒड़ तिम मेंजका लेक्खा नीम चोन्हा नन्ना ही उज्जनन उज्जना र'ई, ईदिम आसी पॆसका हवे।

2 यॊहन 1:6 ပူးပေါင်းရင်းမြစ်များ

यॊहनस 14:15

नीम एंगन चोन्‍हा नन्‍दर होले, नीम एंग्‍है पॆसका गुट्ठिन मन'ओर।

यॊहनस 14:21

नॆ एंग्‍है पॆसका गुट्ठिन इंझ्रदस, अरा अबड़न मनदस, आस दिम एंगन चोन्‍हा ननू र'अदस। नॆ एंगन चोन्‍हा नन्‍दस आसिन एम्‍बस चोन्‍हा ननोस। अरा ऎन आसिन चोन्‍हा ननोन ती एंगन आस गे दहदर ननोन।”

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 15:10

ऎन एम्‍बासी पॆसका गुट्ठिन मनचका ती आसी चोन्‍हा नू बन्चका र'अदन। अन्ने नीम एंग्‍है पॆसका गुट्ठिन मनदर होले, एंग्‍है चोन्‍हा नू बन्चका र'ओर।

यॊहनस 15:14

ऎन एन्‍देर एन्‍देर पॆसकन अदिन नीम नन्‍दर होले, नीम एंग्‍है संगेर र'अदर।

1 यॊहन 2:24

ऒड़ नू नीम एन्देर कत्था मेंजकर, आद निम्है नू बन्चकी र'अना र'ई। अरा एका कत्थन नीम ऒड़ नू मेंजकादर आद निम्है नू बन्चकी र'ई होले, नीम हूँ ख़द्दस अरा बंगस नू बन्चका र'ओर।

1 यॊहन 2:5

लिकिन एकास धर्मेसी कत्थन पॆस्रदस ती उज्जदस, आस ऎद्ददस का धर्मेस आसिन मानिम अरा बड़ियर लगे चोन्हा नन्दस। नाम धर्मेस नू र'अदत एन्ने ईद ती अख़दत।

1 यॊहन 2:7

अना दुलारो, ऎन निमन पुना पॆसकन मल लिखदन, लिकिन ऒड़ तिम निमा ख़क्ख्रका पच्चा पॆसकन दिम लिखदन। आ पच्चा पॆसका गा नीम मुन्द मेंजका कत्था दिम हवे।

1 यॊहन 5:15

अरा नाम इन्द्रिइम ने'अदत अदिन आस मेन्दस एन्ने नाम अख़दत होले, नाम इदन हूँ अख़दत का नाम एन्द्रा ने'अदत आद ख़क्ख्रकी र'ई।

1 यॊहन 5:3

धर्मेसी पॆसका गुट्ठिन पॆस्रना दिम धर्मेसिन चोन्हा नन्ना हवे। अरा आसी पॆसका गुट्ठी ओत्था मलकी।

2 यॊहन 1:5

अनय आली, ऎन अक्कु निंगा गे पुना पॆसकन मल लिखदन। नाम ऒड़ तिम ख़क्ख्रका पॆसकन दिम लिखदन ती निंगन गोहरारदन का नाम ओर्त ओर्त गने चोन्हा नन्ना र'ई।