2 यॊहन 1:5 - पुना गच्छरना NT (BSI)

⁵ अनय आली, ऎन अक्कु निंगा गे पुना पॆसकन मल लिखदन। नाम ऒड़ तिम ख़क्ख्रका पॆसकन दिम लिखदन ती निंगन गोहरारदन का नाम ओर्त ओर्त गने चोन्हा नन्ना र'ई।

2 यॊहन 1:5 ပူးပေါင်းရင်းမြစ်များ

यॊहनस 15:12

एंग्‍है पॆसका ईद का एकन्ने ऎन निमन चोन्‍हा नंजकन अन्नेम नीम ओर्त ओर्त गने चोन्‍हा नना।

यॊहनस 15:17

नीम ओर्त ओर्त गने चोन्‍हा नना, ईदिम एंग्‍है पॆसका हवे।

गलातिया 5:22

लिकिन बॊलतासी ख़ंजपा चोन्‍हा, रिझ, कोड़े, सहना, सोग्‍गे ऎरना, दौ नन्ना, पत्त'अना,

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

1 थेस्‍सलोनिकॆयर 4:9

अउर हूँ ऎम निमा गे भईरिन चोन्‍हा नन्ना ही पत्त नू लिखना ही चाड़ मलकी, एन्‍देरगेका तम्है ती नन्नर संगे चोन्‍हा ती र'आ गे धर्मेस निमन मुन्‍द तिम सिखाबाचका चिच्कादस।

इब्रानी 13:1

तंग्‍है ती नन्नारिन भ‍ई बहिन बेसे चोन्‍हा नन्ना नू बन्चका र'आ।

1 पतरस 4:8

उर्मी ती कोहाँ गा ओर्त ओर्त गने कोड़हे चोन्हा नना, एन्देरगेका चोन्हा कोड़हे पाप गुट्ठिन भुलाब'अती चि'ई।

2 पतरस 1:7

अरा भगती गने भई बहिन चोन्हा, अरा भई बहिन चोन्हा गने चोन्हन जोड़'आ।

1 यॊहन 3:11

नाम ओर्त ओर्त गने चोन्हा नन्ना र'ई, ईदिम नीम ऒड़ तिम मेंजका रहचका कत्था हवे।

1 यॊहन 3:23

अरा नाम आसी ख़द्दस येसु मसीसी नामे नू पत्त'अना र'ई, अरा आस नमन पॆसका रहचका लेक्खा ओर्त ओर्त गने चोन्हा नन्ना र'ई। ईदिम आसी पॆसका हवे।

1 यॊहन 4:20

एकअम ओर्तस “ऎन धर्मेसिन चोन्हा नन्दन” ब'अदस, लिकिन तंग्है संगे मसी भईसिन ख़ाँड़दस होले, आस ठक'उस र'अदस। एन्देरगेका तान ईरका तंग्है संगे मसी भईसिन चोन्हा मल ननुस, तान मल ईरका धर्मेसिन चोन्हा नना पोलदस।

2 यॊहन 1:1

ई चिठी ऎन यॊहन सेयान आलन तरती र'ई। ऎन इदन धर्मेस ती चज्ज्रका मुध आली अरा अदही ख़द्दर गे लिखदन। मानिम नू ऎन निमन चोन्हा नन्दन। ऎन लेका मला, एकार धर्मेसी मानिमन अख़नर, अबड़ा ओर्मर निमन चोन्हा नन्नर।