2 यॊहन 1:4 - पुना गच्छरना NT (BSI)

⁴ धर्मे बंगस ती ख़क्ख्रका पॆसका ही लेक्खा निंग्है ख़द्दर ती जोक्कोर मानी नू ऎकनन ईरकन ती ऎन कोड़हे रिझ मंजकन।

2 यॊहन 1:4 ပူးပေါင်းရင်းမြစ်များ

1 कोरिन्‍थ 13:6

चोन्‍हा उजगो मलका नू मल रिझ्र'ई, लिकिन मानी नू रिझ्र'ई।

गलातिया 2:14

ऎन ईरकन का आर ही उज्‍जना ओक्‍कना दौ कत्‍था ही मानिम ती बिड़दो र'ई। ख़ने ऎन ओर्मर ही मुन्‍दहारे पतरसिन बाचकन, “नीन यहूदीर नू कुन्‍द्रकादय, यहूदीर ही लेक्‍खा मला, लिकिन नन-यहूदीर ही लेक्‍खा उज्‍जदय। होले नीन नन-यहूदीरिन यहूदीर ही नॆग आबोन धर'आ गे एकासे ब'आ ओंग्दय?

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

फिलिप्‍पी 4:10

ऎन उर्बस नू अकय रिरयारकन का, अक्‍कु ढ़ॆर उल्ला ही ख़ॊख़ा एंगा गा संगरा नना गे निमा गे घोख अउरिम बरचा। ऎन अख़दन का नीम सगरो एंग्है पत्त नू घोख नू गा र'अदर, लिकिन निमा एंगा गे संगरा नना गे मोका गा मल ख़क्ख्रा।

1 यॊहन 2:6

औंगे एकास तान धर्मेस नू बन्चका र'अदन ब'अदस, आस येसुस एकासे नना लगियस अन्नेम तान हूँ उज्जना र'ई।