2 यॊहन 1:2 - पुना गच्छरना NT (BSI)

² नम्है नू र'अना आ मानी ही चड्डेम ऎम ई लेक्खम चोन्हा नन्दम। ई मानी नम्है गने हुल्लो गूटी बन्चका र'ओ।

2 यॊहन 1:2 ပူးပေါင်းရင်းမြစ်များ

यॊहनस 14:16

अरा ऎन बंगस गुस्‍ते ने'ओन, अरा आस निमा अउर ओन्‍टा सालत'उसिन चि'ओस। आस सगरो निम्‍है गने र'ओस।

यॊहनस 15:7

नीम एंग्‍है नू बन्चका र'अदर अरा एंग्‍है कत्‍था गुट्ठी निम्‍है नू बन्चकी र'ई होले, इन्द्रिइम हूँ निम्‍है मने मनो अदिन ने'आ, आद निमा गे चितार'ओ।

1 कोरिन्‍थ 9:23

ऎन दौ कत्‍था ही आसीस नू बटा मना गेम दौ कत्‍था ही चड्डे ऎन इबड़ा उर्मिन नन्‍दन।

2 कोरिन्‍थ 4:5

एन्‍देरगेका ऎम एमानिम तेंगा मल कुद्दम, लिकिन येसु मसीसिन उर्बस अरा एमन गा येसुस चड्डे निम्‍है जॊंख़ एन्ने तेंगा कुद्दम।

कोलोस्से 3:16

मसीसी कत्‍था निम्है नू सोच नलख उर्मी नू बग्‍गे ती बग्‍गे मड़'अन नेकअन। आ कत्था ही उर्मी लूर गने ओर्त ओर्त गे सिखाब'आ ती तिगाब'आ। अरा तम्है तम्है जिया नू धन्यवाद गने धर्मेस गे अस्‍सना-पाड़ना डंडी गुट्ठिन अरा ओहमा डंडी गुट्ठिन अरा बॊलता ही डंडी गुट्ठिन पाड़ा।

2 तीमोथियुस 1:5

अरा ऎन निंग्‍है मानिम पत्त'अनन सोचदन, एकदा मुन्‍द निंग अज्‍जी लॊइस, अरा निंग्यो युनीके नू रहचा। आ पत्त'अना निंग्‍है नू हों र'ई।

2 पतरस 1:12

औंगे इबड़ा कत्था गुट्ठिन सगरो सुरता नन्ताते र'ओन। नीम इबड़न मुन्द तिम अक्कादर, अरा अक्कुन इबड़ा कत्था गुट्ठी नू मानिम नू बन्चका र'अदर। अन्नु हूँ अउरिम सुरता नन्त'आ बेद्ददन।

1 यॊहन 1:8

नम्है नू पाप मलकी ब'अदत होले, नाम नमानिम ठकदत, अरा नाम मानी लगे मल उज्जालदत।

1 यॊहन 2:14

अना चोन्हा ख़द्दारो, नीम धर्मे बंगासिन अक्का र'अना ती ऎन निमा लिखदन। अना बंगारो, एकास ऒड़ तिम र'अस, आसिन नीम अक्का र'अना ती ऎन निमा लिखदन। अना जॊंख़ारो, नीम पत्त'अना नू बड़ियर र'अना ती, अरा धर्मेसी कत्था निम्है जिया नू मड़चकी र'अना ती, अरा मलदौ आबोन नन्त'उस सैतान मइय्याँ नीम जीत ख़क्खका र'अना ती ऎन निमा लिखदन।

1 यॊहन 2:17

ख़ॆख़ेल अरा अदही चिबाख़ारना आबो मुंजुर'ओ क'ओ। लिकिन धर्मेसी मनेन ननुस गा जनमजुग गे बन्चका र'ओस।