2 यॊहन 1:10 - पुना गच्छरना NT (BSI)

¹⁰ एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।

2 यॊहन 1:10 ပူးပေါင်းရင်းမြစ်များ

त‍इरकर 15:23

अरा आर ही ख़ेक्खा नू ई चिठिन त‍इय्यर: “अन्‍तियोख़ेया अरा सीरिया अरा किलिकिया ता नन-यहूदी पत्त'ऊ भइय्योर गे ऎम त‍इरकर अरा सेयान आलर अरा येरुसलॆम ता पत्त'ऊ भइय्योर ही मोंजरा।

1 कोरिन्‍थ 16:22

नेक‍ईम उर्बासिन चोन्‍हा मल नन्‍दस होले, धर्मेस आस गे दंडे चि'अदस नेकअन। एम्‍है उर्बायो बरा।

1 कोरिन्‍थ 5:11

लिकिन अक्‍कुन ऎन निमा गे लिखदन का नीकईम तंगन पत्त'ऊ ब'अरकी आस पेहरन ही सोतरा नलख ननू महले लोभिया महले मूर्तिन ऒड़ लग्‍गू महले केबर'ऊ महले उंखू महले ठक'ऊ र'अदस होले, आस गने अमके मेस्र'आ, अरा एन्ने बेसे आलर गने ओन्‍ना मॊख़ना नू हूँ अमके मना।

2 थेस्‍सलोनिकॆयर 3:14

एकअम ओर्तस ई चिठी नू लिख्रकी र'ई अदिन मल पेस्रदस होले आसिन ऎरनुम र'आ। अरा आसी गने अमा मेस्र'आ का आस ई चड्डे लज्‍जे मोख़्र'ओस।

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।

तीतुस 3:10

आलारिन छिंडुसिन ओंग्‍‍होल, दुई हॆल तिगाब'आ ती तरकूटी र'आ।

2 यॊहन 1:11

एन्देरगेका एका ओर्तस एन्ने आलासिन मोंजरा नन्दस, आस आसी मलदौ नलख गुट्ठी नू मेस्रदस।

3 यॊहन 1:10

औंगे ऎन असन बर'ओन होले, आस एन्देर नंजस अदही पत्त नू ऎन ओर्मर गे तेंगोन। आस मलदौ सोच ती एम्है पत्त नू मलदौ ब'अदस। इत्रु हूँ आसी जिया मल बोधर'ई। अइय्या बरना भईरिन हूँ मल परघ'अदस, अरा आरिन परघ'आ बेद्दुरिन हूँ छेंकदस, अरा एन्ने ननुरिन कलीसिया ती हूँ हिगड़'अदस।