2 कोरिन्‍थ 9:8 - पुना गच्छरना NT (BSI)

⁸ धर्मेस उर्मी बरकतन निन्दका ती निमा चि'आ गे उंगू र'अस। औंगे निमा चाड़ र'ई अबड़ा उर्मिन उर्मी उल्ला ख़क्खोर, अरा उर्मी दौ नलख नू नीन्द्र'ओर क'ओर।

2 कोरिन्‍थ 9:8 ပူးပေါင်းရင်းမြစ်များ

त‍इरकर 9:36

अक्‍कु योप्‍पॆ नगरे नू तबिता नामे ओन्टा पत्त'ऊ आली रहचा। युनानी भखा नू इदही नामे दोरका हवे। आद नगदे दौ नलख नना लगिया अरा कीड़र गे संगरा नना लगिया।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 13:3

नीम गा इदही सबुती बेद्ददर का मसीस एंग्है त्रु ब'आलदस। अरा मसीस निम्है तरती पयहा मल्‍दस, लिकिन आस निम्है नू सवंगिय र'अस।

2 कोरिन्‍थ 8:19

ईद लेका मला, अरा उर्बासी महबा गे अरा संगरा नना गे एमा गे र'अना अंगिय'अना आबोन ऎद'आ गे ऎम दान आबोन येरुसलॆम हो'ओम ख़ने, एम्है डहरे ऎकना नू एम्है गने संगे चि'आ गे कलीसिया आसिन चज्जकी र'ई।

2 कोरिन्‍थ 8:2

आर कोड़हे खिलपत ही बिढ़्रना बेड़ा नू हूँ कोड़हे रिझ्रर। अरा आर कोड़हे कूल कीड़ा नू हूँ, गोट्टा जिया ती चि'अना ख़ट्टना नू बग्गे ती बग्गे चिच्चर।

2 कोरिन्‍थ 8:7

अक्कु गा नीम उर्मी कत्‍था नू पर्दका ऊसुका र'अदर, पत्त'अना नू, कत्था नू, लूर नू, उर्मी रकम ही चिहुंक नू, एम्है मइय्याँ ता निम्है चोन्हा नू पर्दका ऊसुका र'अदर। अन्नेम नीम ई बरारन चि'अना नू हूँ पर्दना ऊसकना र'ई।

2 कोरिन्‍थ 9:11

ई लेक्‍खा नीम उर्मी रकम ही खुर्जी ती उरुब मनोर ती हरग जिया ती चि'आ गे उंगू मनोर। ईद ती निम्है दान एम्है सिरे ख़ट्टररकी दानन ख़क्ख'उर धर्मेस गे धन्यवाद चि'आ गे चड्डे मनो।

इफेसुस 2:10

एन्‍देरगेका नाम दौ नलख गुट्ठिन नना गे मसी येसुस नू पुना गढ़्रका धर्मेसी करिगरी र'अदत। अबड़न नमा नना गे धर्मेस मुन्द तिम अबड़न सपड़ाचकादस।

इफेसुस 3:20

अक्कु नाम ने'अना ती महले सोचना ती कोड़हे बग्गे, नम्है नू नलख ननू आसी सवंग ही लेक्खा नमा गे नना गे सवंगिय र'अस, आस गे

फिलिप्‍पी 4:11

एन्ने मला का ऎन एंग्‍है मलका चड्डे एन्ने ब'अदन। एन्देरगेका ऎन एकअम दसा नू हूँ रिझी ती र'आ गे सिख्रकादन।

कोलोस्से 1:10

होले नीम एन्ने रकम ही उज्जना उज्जोर का आद उर्बासिन उर्मी रकम नू मईन नन्त'ओ अरा रिझ्रत'ओ। अरा नीम उर्मी रकम ही दौ नलख ही ख़ंजपन चि'ओर, अरा नीम धर्मेसी लूर नू परदनुम क'ओर।

2 थेस्‍सलोनिकॆयर 2:17

आस निम्‍है जियन डिढ नन्‍दस अरा निमन उर्मी दौ नलख नू अरा ब'अना नू बड़ियर नन्‍दस नेक‍अन।

2 तीमोथियुस 2:21

एक‍अम ओर्तस मलदौ नलखन अम्‍बदस ती तंगन निमन ननोस होले, आस महबा ही संजगी मनोस, अरा आस नेम्‍हा मनोस ती उर्बासी नलख नू ब‍उरार'ओस। अरा एकअम मदहे बॆस नलख गे सपड़ारका र'ओस।

2 तीमोथियुस 3:17

इत्रु धर्मेसी आलस बड़ियर मन्दस अरा उर्मी दौ नलख नना गे सपड़ारका र'अदस।

तीतुस 2:14

आस तान तंगन नमा चिच्‍चस उइय्यस, होले आस नमन उर्मी रकम ही पाप ती नाड़ा गे दाम चि'आ ओंग्दस। अरा नमन नेम्‍हा ननरकी तंगा गे एन्ने जाती कमदस, एकदा दौ नलख गुट्ठिन नना गे सगरो सपड़ारकी र'ई।

तीतुस 3:14

नम्‍है आलर हों चाड़ गुट्ठिन पुराब'आ गे बॆस नलख नू ल‍इक्‍का र'आ गे सिख्रना र'ई। आर ही उज्‍जना बिगर ख़ंजपा ती अम्‍बो र'आ।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।