2 कोरिन्‍थ 9:6 - पुना गच्छरना NT (BSI)

⁶ सुरता उइय्या का, नॆ जुक्‍की चाँख़दस आस जुक्‍की ख़ॊयोस, अरा नॆ बग्‍गे चाँख़दस आस बग्‍गे ख़ॊयोस।

2 कोरिन्‍थ 9:6 ပူးပေါင်းရင်းမြစ်များ

लू‍कस 6:38

चि'आ, होले निमा हूँ धर्मेस ती चीतार'ओ। धर्मेस निमा गे अरबा अरबा अरा नुकुच नुकच अरा बीजरना बेसे दौ जो‍खना ती निम्‍है कोरा नू चि'ओस। नीम एका जोखना ती जोख'ओर आ जोखना तिम निमा गे हूँ धर्मेस ती जोखतार'ओ।”

1 कोरिन्‍थ 1:12

एंग्‍है ब'अना ईद र'ई का, निम्‍है ती जोक्‍कोर ब'अनर, “ऎन पौलुसी चोख़र'ऊ हिकदन” नन्नर ब'अनर, “ऎन अप्‍पोल्लॊसी चोख़र'ऊ हिकदन” नन्‍नर ब'अनर, “ऎन पतरसी चोख़र'ऊ हिकदन” अरा नन्नर ब'अनर, “ऎन मसीसी चोख़र'ऊ हिकदन।”

1 कोरिन्‍थ 15:20

लिकिन मानिम नू मसीस केचका ती उज्‍जा चॊचकादस, अरा केच्‍चकर मधेर ती उज्‍जा चो'अना नू पहिल आल मंजस।

1 कोरिन्‍थ 7:29

लिकिन भईरो! ऎन निमन एन्‍देर ब'अदन का बेड़ा गा जुक्‍की र'ई। औंगे अक्‍कु ती नॆ बेंज्रकानर, आर मल्‍ला बेंज्रका लेक्‍खा उज्‍जनर नेकअन।

2 कोरिन्‍थ 9:10

धर्मेस दिम चाँख़'उर गे बिहनी अरा ओना-मॊख़ा गे ओन्ना-मॊख़नन चि'अदस। अन्नेम आस निमा चाड़ ही बिहनी चि'ओस ती अदिन पर्द'आ गे ननोस, अरा निम्है नू हरग जिया ती दान चि'अना ही कोड़हे ख़ंजपन कुन्द्रत'ओस।

2 कोरिन्‍थ 9:5

औंगे ऎन सोचकन का, ऎन इबड़ा भईरिन एंग्है ती मुन्द निम्‍है गुसन तइय्या गे चाड़ र'ई। आर क'ओर ती नीम चि'आ गे गच्छरकादर आ बरारन ख़ॊजरकी सराजमा ननोर। होले ईद ढेवाँ ढेवाँ ती मला लिकिन उर्मी जिया ती रिझ गने चि'अना बरार मनो।

गलातिया 3:17

ऎन आनदन, एका गच्‍छरकन धर्मेस अब्राहमस गने पोकता नंजकाचस। अदिन नॆग चार सौ तीस बछर ख़ॊख़ा बर'अरकी तरकूटी नना पुल्‍ली का गच्‍छरना अनभनियाँ मनो।

गलातिया 5:16

औंगे ऎन ब'अदन नेम्‍हा बॊलतासी तिंका नू ऎका, होले नीम कया ही चिबाख़ार'आ गे नलख मल ननोर।

इफेसुस 4:17

औंगे ऎन निमन इदन ब'अदन ती उर्बासी नामे नू निमन चेताब'अदन, नीम अक्‍कु ती नन-यहूदीर ही नन्ना लेक्खा आर ही अनभनियाँ सोच नू अमके उज्जा।

कोलोस्से 2:4

इदन ऎन निमन इदगे तेंगदन का नीकईम निमन लहर'अना कत्‍था गुट्ठी ती अम्‍बोर ठग'आ।

इब्रानी 6:10

धर्मेस गा मलदौ नेंव‍ई ननू मलदस। नीम आस गे एका कोड़हे नलख नंजकर अरा नीम अक्‍कु नन्ना लेक्‍खा एकासे आसिन पत्त'ऊ आलर गे संगरा नन्ना ती निम्‍है आसी म‍इय्याँ ता चोन्‍हा आबोन ऎदकादर, अदिन आस मल मोधर'ओस।