2 कोरिन्‍थ 9:13 - पुना गच्छरना NT (BSI)

¹³ निमा ई सुसर'अना नलख ती नीम निमन पुरुब मंजका र'अदर। आर धर्मेसी ओहमा ननोर, ईगेका नीम उर्मी पॆस्रना गने मसीसी दौ कत्‍थन इंझ्रकर, अरा आर ही गने अरा ओर्मर ही गने हरग जिया ती दानन ख़ट्टकर चिच्कर।

2 कोरिन्‍थ 9:13 ပူးပေါင်းရင်းမြစ်များ

मत्तायोस 5:16

एन्नेम निम्‍हा बिल्‍ली आलर गुसन बिलचते र'अन नेक‍अन, का आर निम्है दौ नलखन ऎरोर ती निम्‍है मेर्ख़ा ता बंगासी महबा ननोर।

मत्तायोस 9:8

इदिन ईरयर ती आलर इल्‍चियर केरर अरा धर्मेसी ओहमा नना हेलरर एकास आलर गे एन्ने आकुस चिच्कादस।

लू‍कस 6:46

नीम एंग्‍है ब'अनन मल पॆस्रदर, होले हूँ एंगन अना उर्बायो, अना उर्बायो, एन्‍देरगे ब'अदर?

यॊहनस 15:8

नीम कोड़हे ख़ंजपा चि'अदर ती एंग्‍है चेलर एन्ने ऎद'आ। इत्रुतिम एंग्‍है बंगस महबा ख़क्खोस।

त‍इरकर 11:18

अबड़ा कत्‍थन मेंजर ख़ने, आर कलेकले मंजर केरर। अरा आर एन्ने ब'अनुम धर्मेसी ओहमा नंजर, “धर्मेस नन-यहूदीर गे हूँ जियन किर्त'अना ती उज्‍जनन ख़क्‍खा गे मोका चिच्‍चस।”

त‍इरकर 4:21

ख़ने आर पतरस अरा यॊहनसिन फिन एलेकताचर ती अम्‍बियर चिच्‍चर। अरा आर आरिन दंडे चि'आ गे एन्‍देर ओट्टा हूँ मल ख़क्‍खरा, एन्‍देरगेका ई मंजका पत्त नू उर्मी आलर धर्मेसी ओहमा नना लगियर।

रोमी 10:16

अन्नु हूँ ओर्मा इस्राऎलर दौ कत्‍थन मल इंझ्रर। होले धर्मेसी कत्‍था तिंगू यसायास एन्ने बाचस, “उर्बायो! नॆ एम्‍है कत्‍थन पत्ताचर?”

रोमी 12:8

एकास गे रिझाब'अना ही ख़ंजपा र'ई, आस नन्नारिन रिझाब'अना नू बोथ्रका र'अना र'ई। अरा एकास गे दान चि'अना ही ख़ंजपा र'ई आस चि'अना नू हरकट मन्ना र'ई। एकास गे कड़हाब'अना ही ख़ंजपा र'ई आस गे अदिन मानिम गने नन्ना र'ई। एकास गे सोग्‍गे ऎदना ही ख़ंजपा र'ई, आस गे अदिन रिझ ती नन्ना र'ई।

रोमी 15:31

ख़ने ऎन यूदेया ता मल पत्त'उर ती बछ्रका र'ओन, अरा एकदन ऎन येरुसलॆम ता पत्त'ऊ आलर गे बरार आबोन ओन्‍द्रदन अदिन आर रिझ गने इंझर'ओर।

रोमी 16:26

ईद गा अक्‍कुन जनमजुग धर्मेसी पॆसका ती धर्मेसी कत्‍था तिंगुर ही पुथी गुट्ठी ती ईद उर्मी जातियर नू चलख़रा अरा अख़तारा, औंगे उर्मी जातियर इदिन पत्त'अना ती आस गे मन'आ ओंगनर।

2 कोरिन्‍थ 10:5

अत्रु ती ऎम आनानख्रना गुट्ठी अरा धर्मेसी पत्त ता लूर ही बिड़दो नू चॊचकी र'ऊ उर्मी फुलई मन्नन खंडदम। अरा ओर्मा सोचनन मसीसिन पॆस्र'आ गे हॆंरदम।

2 कोरिन्‍थ 2:12

एकाबारी ऎन मसीसी दौ कत्‍था मेन्‍त'आ गे त्रोआस नगरे नू बरचकन ख़ने, असन उर्बस एंगा गे ओन्‍टा बली तिसगस चिच्‍चस।

2 कोरिन्‍थ 8:4

आर एमन कोड़हे अरजी गने नॆचर का येरुसलॆम ता नेम्‍हा आलर ही संगरा नना गे सुसर नलख नू भागी मना गे तमा गे हूँ मोका ख़क्ख्र'ओ।

2 कोरिन्‍थ 9:14

आर कोड़हे चोन्हा गने धर्मेस गुसन निमा गे गोहरार'ओर, एन्‍देरगेका आर अख़नर का धर्मेस निमन एका कोड़हे मया चिच्कादस।

गलातिया 1:24

अरा अबड़ा कलीसिया एंग्‍है पत्त नू धर्मेसी ओहमा नना लगिया।

1 तीमोथियुस 6:12

एकासे बॆस सैनस तंग्‍है लड़ाइन लड़दस अन्ने नीन पत्त'अना ही दौ अरबानखर'आ अरा जनमजुग ही उज्‍जनन धर'आ। इदगेम नीन मॆख़रकादय, अरा बग्‍गे गोवाह आलर ही मुन्‍दहारे निंग्‍है पत्त'अनन बॆस ऎदकादय।

1 तीमोथियुस 6:13

ओर्मर गे उज्‍जना चि'ऊ धर्मेसी अरा पोन्‍तियु पिलातुसी मुन्‍दहारे तंग्‍है बॆस गोवाह चिच्का मसी येसुसी मुन्‍दहारे ऎन निंगा गे जिमा चि'अदन।

इब्रानी 10:23

अरा नॆ नमा गे गच्‍छरनन चिच्कादस आस पत्त'अना जॊगे र'अदस। औंगे नाम गोवाह चि'ऊ असरा आबोन ठिमठिम गने धरचका र'ओत।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।

इब्रानी 3:1

औंगे मेर्ख़ा नू आसी गने र'आ गे धर्मेसी मॆख़रना नू ख़टर'ऊ नेम्‍हा भ‍ईरो! ‍धर्मेस ती तइरका अरा कोहाँ नैगस येसुसी पत्त नू चिहुंक लगे सोच'आ, आसी पत्त नुम गा ऎम तेंगा लगदम।

इब्रानी 4:14

नमा गे ओन्‍टा कोहाँ नैगस र'अस, आस मेर्ख़ा कोरचस। आसिम धर्मेसी ख़द्दस येसुस हिकदस। औंगे नाम आसी म‍इय्याँ ता नम्‍है पत्त'अना नू बड़ियर र'अदत नेक‍अन।

इब्रानी 5:9

आस बड़ियर मंज ख़च्‍चियस ती अरा धर्मेस ती मेलख़िसेदेक लेक्‍खा कोहाँ नैग ही अड्डा ख़क्‍खियस ती नॆ आसिन पॆस्रनर, आर ओर्मर गे जनमजुग गे नाड़रना ही चड्डे मंजस केरस।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।