2 कोरिन्‍थ 8:9 - पुना गच्छरना NT (BSI)

⁹ नीम गा नम्है उर्बस येसु मसीसी मया आबोन अख़दर का, आस उरुब रहचका ती हूँ निम्‍है चड्डे कीड़ा मंजस, ईगेका नीम आसी कीड़ा मन्ना ती उरुब मना ओंगोर।

2 कोरिन्‍थ 8:9 ပူးပေါင်းရင်းမြစ်များ

मत्तायोस 17:27

अन्नु हूँ इदगेका नाम आरिन अम्‍बोत मूड़त'आ। औंगे नीन समुदर नू कला ती गरी बॆचा। अरा एका इंजो मुन्‍द बझर'ओ अदिन हो'आ। अदही बइय्यन चलख़'आ, निंगा ओन्‍टा ढिबा ख़क्‍ख्र'ओ। अदिनिम हो'आ ती एंग्‍हा अरा निंगा गे चि'अके उइय्के।”

मत्तायोस 20:28

एन्‍देरगेका मनवा ख़द्दन ऎन आलारिन तेतर-सुसर नन्त'आ गे मला आलर गे तेतर-सुसर नना गे, अरा आलारिन तम्‍है पाप ही दंडे ती नाड़ा गे दाँड़े लेक्‍खा एंग्‍है मने ती खे'आ गे ख़ॆख़ेल नू बरचकन।”

मत्तायोस 8:20

येसुस आसिन बाचस, “सिकटा गुट्ठी ही लाता र'ई, अरा ऒड़ा गुट्ठी ही खोता र'ई, लिकिन मनवा ख़द्दन एंगा गे कुक्‍कन हूँ बेड़त'आ ती ख़न्न ऎख़ा गे अड्डा मलकी।”

मरकुस 6:3

ईस बढ़ाईस मलदस का?, नाम अख़दत का ईस गा मरियम ही तंग्‍दस, अरा ईसी तंग्ड़िबगर याकॊब अरा यॊसॆस अरा यूदस अरा सिमॊन हिकनर। अरा ईसी बहिनोर हूँ नम्‍है पद्दा नू र'अनर।” एन्ने बाचर ती आर आसिन एन्ने म‍ईन मल नंजर।

लू‍कस 16:11

औंगे नीम ख़ॆख़ेल ता खुर्जी नू पत्त'अना जॊगे मल र'अदर होले नॆ निमन मेर्ख़ा ता मानिम खुर्जी नू पत्त'ओर?

लू‍कस 8:3

अरा हॆरॊदॆसी भंडारी ख़ूसासी तंग्‍आली यॊअन्ना अरा सूसन्ना अरा बग्गे नन्‍ना मुक्‍कर हूँ रहचर। ईर तम्‍है खुर्जी ती येसुस अरा आसी चेलर गे संगरा नना लगियर।

लू‍कस 9:58

लिकिन येसुस आसिन बाचस, “सिकटा गुट्ठी ही लाता र'ई, अरा ऒड़ा गुट्ठी ही खोता र'ई, लिकिन मनवा ख़द्दन एंगा गे कुक्‍कन हूँ बेड़त'आ ती ख़न्न ऎख़ा गे अड्डा मलकी।”

यॊहनस 1:10

आस ख़ॆख़ेल नू रहचस। अरा ख़ॆख़ेल आस तिम गढ़रा, अन्नु हूँ ख़ॆख़ेल आसिन मल चिन्‍हचा।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:17

एन्‍देरगेका धर्मेसी पॆसका मूसस ती चीतारा, लिकिन मया अरा मानिम येसु मसीस ती बरचा।

यॊहनस 12:30

ख़ने येसुस आरिन बाचस, “आ सड़ा निमा दौ गे रहचा, एंगा गे मला।

यॊहनस 16:15

बंगासी उर्मी एंग्‍है दिम हवे। ख़नेम ऎन बाचकन का आस एंग्है ती ख़क्‍खदस ती अदिन निमन तेंगोस।

यॊहनस 17:19

अरा ऎन आर ही चड्डे एंगन नेम्‍हा दाँड़े बेसे निमा गे चि'अदन, का आर हूँ निंग्‍है मानी ती नेम्‍हा मना ओंग्‍नर।

रोमी 11:12

अक्‍कुन यहूदीर ही अक्‍का-बलका सौंसे ख़ॆख़ेल ता आलर गे कोड़हे बरकत ओन्‍द्रा, आर ही फोकरना नन-यहूदीर गे अजगुत मनी। होले सौंसे यहूदीर दौ कत्‍थन इंझ्रका ती एवंदा अजगुत बरकत ओन्‍द्र'ई।

रोमी 15:3

मसीस हूँ तान तंगानिम रिझ्रनुम मल उज्‍जियस, एकासे का नेम्‍हा पुथी नू लिख्रकी र'ई, “निंग्‍है निंदा ननुर ही निंदा एंग्‍है म‍इय्याँ बरचिम बिच्‍चिया।”

रोमी 5:8

लिकिन नाम पपहा र'अना बेड़ा नू मसीस नमा गे केच्‍चस। इत्रु ती धर्मेस नम्‍है म‍इय्याँ ता तंग्‍है चोन्‍हन दहदर नन्‍दस।

रोमी 8:32

धर्मेस तंग्‍है ख़द्दासिन हूँ मल अम्‍बियस, आसिन नमा ओर्मर गे थोपचस चिच्‍चस। होले इवंदा चिच्का ख़ॊख़ा हूँ आस एकासे नमा गे तंग्‍है ख़द्दासिन चिच्‍चस अन्नेम नम्‍है उर्मी चाड़न सिथियम चि'ओस।

1 कोरिन्‍थ 1:4

नीम मसी येसुसी र'अना ती धर्मेसी मया निमा गे चितारा, अदगे ऎन निमा चड्डे उर्मी बारी धर्मेस गे धन्‍यवाद नन्‍दन।

1 कोरिन्‍थ 15:47

पहिल आलस ख़ॆख़ेल ता हिकदस ख़ज्‍जो ती कम्रकादस। दोसर आलस मसीस मेर्ख़ा ता हिकदस।

2 कोरिन्‍थ 13:14

उर्बस येसु मसीसी मया अरा धर्मेसी चोन्हा अरा नेम्‍हा बॊलतासी मेस्रका नीम ओर्मर गने र'अन नेकअन।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

इफेसुस 2:7

आस मसी येसुस नू नम्है मइय्याँ ऎदका सोग्गे ती तंग्‍है मया ही कोहाँ खुर्जिन बरना परिया गुट्ठी नू ऎद'आ गेम इदन नंजस।

इफेसुस 3:19

अरा नीम मसीसी चोन्‍हन अख़दर नेकअन, एकदा अख़ना लूर ती गेच्‍छा र'ई। ई लेक्‍खा नीम धर्मेसी उर्मी लेक्खा निंदका ती निंद्रदर नेकअन।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 तीमोथियुस 6:18

अरा आरिन तेंगा का आर गे तंग्‍है खुर्जिन दौ नलख नू ब‍उर'अना र'ई, अरा दौ नलख गुट्ठी नू उरुब मन्ना र'ई। अरा चाड़ र'ऊ आलर गे मुट्ठी बिछर'अरकी चि'आ गे अरा सौंसे जिया ती तम्‍है खुर्जिन ख़ट्टा गे सपड़ारका र'अना र'ई।

इब्रानी 1:2

लिकिन अक्‍कु इबड़ा छेद उल्‍ला नू धर्मेस नम्‍है ती तंग्‍है ख़द्दस ती कछनख्रस। धर्मेस आसिन उर्मी जिनिस ही मइय्याँ जिमा कमचस, अरा आस ती गोट्टा सौंसेन गढ़चस।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

दहदर मंजका कत्‍था 2:9

ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।

दहदर मंजका कत्‍था 3:18

औंगे ऎन निंगा गे सलहा चि'अदन का, नीन चिच्‍ची नू धुकचका सोना एंग्‍है गुस्‍ते ख़ॆन्दा, ख़ने नीन उरुब मनोय कालोय। अरा नीन एंग्हा ती पंडरू किचरी ख़ॆन्दा का, अदिन अत्तोय ती निंग्‍है मॆद ठेठेंगे अम्‍बो र'आ अरा लज्‍जे मल मॊख़ोय। अरा निंग्‍है ख़न्न नू नना गे सुरमा ख़ॆन्दा का, अदिन ननोय होले निंग्‍है ख़न्न रफ'ओ।