2 कोरिन्‍थ 8:8 - पुना गच्छरना NT (BSI)

⁸ ऎन इदन ओन्टा पॆसका लेक्खा मल ब'अदन। लिकिन नन्नर संगरा नन्ना नू एका लेक्खा अंगियारनर, इदन निमा गे ऎदना ती निम्है चोन्हा एका लेक्खा मानिम र'ई एन्ने अख़'आ गेम ऎन बेद्ददन।

2 कोरिन्‍थ 8:8 ပူးပေါင်းရင်းမြစ်များ

रोमी 12:9

निम्‍है चोन्हा मानिम चोन्‍हा मन्ना र'ई। मलदौ आबोन ख़ाँड़'आ अरा दौ नना गे मने नना।

1 कोरिन्‍थ 7:12

नन्‍नर ही पत्त नू उर्बस मला ऎनिम एन्ने ब'अदन का, ओर्त पत्त'ऊ आलासी मुक्‍का मल पत्त'ऊ आली र'ई, अरा आद आस गने र'आ गे पत्तार'ई होले, आस अदिन अम्‍बोस अम्‍बा।

1 कोरिन्‍थ 7:25

अक्‍कु डिंडा कुक्‍केर ही पत्त नू एंगा उर्बस ती एन्‍देर पॆसका हूँ मल्‍ला ख़क्‍ख्रका। लिकिन ऎन पत्त'अना जॊगे मना गे उर्बासी सोग्‍गे ती एंग्‍है सलहा चि'अदन।

1 कोरिन्‍थ 7:6

लिकिन ऎन इबड़न पॆसका बेसे मला सलहा बेसे ब'अदन।

2 कोरिन्‍थ 6:6

नेम्हा र'अना नू, लूर नू, सहना नू, सोग्गे ऎरना नू, नेम्‍हा बॊलतस एम्है नू र'अना नू, मानी चोन्‍हा नू,

2 कोरिन्‍थ 8:10

ई पत्त नू ऎन निमन ओन्टा सलहा चि'अदन का, इतिंगाली एका दौ नलखन नीम ऒड़ नंजकर, अदिन अक्‍कु नन्ना मुंजना दिम निम्‍है दौ र'ई। अदिन नन्ना नू लेका मला अदिन नना गे मने नन्ना नू हूँ नीमिम मुध रहचकर।

2 कोरिन्‍थ 8:24

औंगे निम्है चोन्हन अरा ऎम निम्है पत्त नू फुलई मन्ना ती बाचका कत्था गुट्ठिन कलीसिया ही मुन्दहारे आर गे पुरुब ऎद'आ।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

2 कोरिन्‍थ 9:7

औंगे ओर्मर तान तंग्है जिया नू चि'आ गे एकासे तिगचकानर अन्नेम दान चि'अना र'ई, कुटमुटर'आ ती मला अरा बड़पेलहा ती मला, एन्‍देरगेका रिझ ती चि'उरिन धर्मेस चोन्‍हा नन्दस।

इफेसुस 4:15

ऊजी नू चोन्‍हा गने मानी ब'अना ती उर्मी कत्था गुट्ठी नू आसी मॆद कलीसिया ही कुक्कु मसीस नू पर्दनुम क'ओम।

इफेसुस 6:24

नॆ नम्‍है उर्बस येसु मसीसिन मल मुंज्रना चोन्‍हा ती चोन्हा नन्नर, आर ओर्मर मइय्याँ धर्मेसी मया मनन नेकअन।

इब्रानी 10:24

नाम चोन्‍हा नन्ना नू अरा दौ नलख नन्ना नू एकासे तंग्‍है ती नन्नारिन रिझ्रत'आ ओंगोत अदही पत्त नू सोचना र'ई।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।