4 आर एमन कोड़हे अरजी गने नॆचर का येरुसलॆम ता नेम्हा आलर ही संगरा नना गे सुसर नलख नू भागी मना गे तमा गे हूँ मोका ख़क्ख्र'ओ।
नीकईम इबड़ा सन्नी मधेर ती नॆख'आनिम आस चेलस ब'अरकी ओन डुबहा कीरना अम्मु हूँ ओन्त'ओस होले, मानिम ऎन निमन ब'अदन आस एकन्ने नू हूँ तंग्है मूल्लीन मल एबस'ओस।”
एन्देरगेका एका ओर्तर एंग्है मेर्ख़ा बंगासी मने लेक्खा ऎकनर, आरिम एंग्है भई अरा एंग्है बहिन अरा एंग्है अयंग हिकनर।”
होले ऎन बॆलन आरिन किर्त'अर ब'ओन, ‘ऎन निमन मानिम ब'अदन, नीम इबड़ा एंग्है सन्नी ती सन्नी भइय्योर नॆखअम गने नंजकर अदिन एंग्है गनेम नंजकर।’
कीड़र निम्है गने सगरघड़ी र'ओर, होले नीम इकला ओंगोर आ उल्ला आर गे दौ नना ओंग्दर। लिकिन ऎन निम्है गने बग्गे उल्ला मल र'ओन।
तहाँ पत्त'ऊ आलर यूदेया राजी ता भइय्योर ही सहाड़ा गे ओर्मर तम्है ओंगना लेक्खा रुपया तइय्या गे सलहा मंजर।
आद तंग्है गोट्टा एड़पातर गने नॊड़रा। ख़ने आद एमन गोहरार'आ, “नीम एंगन उर्बासी पत्त'ऊ आली बुझ्रदर होले, एंग्है गुसन गुचा ती र'आ।” अरा आद एमन बड़पेलहा ती होच्चा केरा।
कयनो बछर गूटी नन्ना देस नू रहचका ही ख़ॊख़ा ऎन एंग्है आलर गे दान अंड़सत'आ गे अरा धर्मेसी मन्दिर नू दाँड़े अरग'आ गे येरुसलॆम बरचका रहचकन।
ख़ने ऎन यूदेया ता मल पत्त'उर ती बछ्रका र'ओन, अरा एकदन ऎन येरुसलॆम ता पत्त'ऊ आलर गे बरार आबोन ओन्द्रदन अदिन आर रिझ गने इंझर'ओर।
अक्कु येरुसलॆम ता नेम्हा आलर गे ख़ॊजना बरार ही पत्त नू एंग्है ब'अना ईद र'ई का, गलातिया जिला ता कलीसिया गुट्ठी गे नना गे ऎन एन्देर पॆसकादन, अदन नीम हूँ नना।
अना भईरो! नीम स्तेफनासी एड़पातारिन अख़दर, आर अख़ाया चक नू मसीसिन इंझ्रका पहिल आलर हिकनर। अरा आर नेम्हा आलर ही तेतर सुसर गे तमन चिच्का र'अनर। औंगे ऎन निमन ने'अदन का,
येरुसलॆम ता नेम्हा आलर ही सहाड़ा गे नन्ना ई सुसर ही पत्त नू ऎन अउरिम निमा लिखना ही चाड़ मलकी।
आर ही ब'अना रहचा कीड़ा आलारिन सहाड़ा नना गे अमके मॊधर'आ ऎन हूँ एन्नेम नना बेद्दालिक्कन।
औंगे एका गूटी नमा मोका ख़क्ख्र'आ लगी, नाम ओर्मर ही दौ ननत र'ओत, कोड़हे गा पत्त'अना नू र'अनर नम्है भइय्योर गे दौ नना।
अरा आद दौ नलख गुट्ठी ती बॆस नामे ख़क्खकी र'ऊ आली मन्ना र'ई। एकाद ख़द्द-ख़र्रन पूसकी र'ओ, अरा पाहियर ही तेतर-सुसर नंजकी र'ओ, अरा नेम्हा आलर ही ख़ेड्डेन नूड़की र'ओ, अरा दुक्खे सार'ऊ आलर ही सहाड़ा नंजकी र'ओ, अरा उर्मी दौ नलख नू मने नंजकी र'ओ अन्ने आली मन्ना र'ई।
धर्मेस गा मलदौ नेंवई ननू मलदस। नीम आस गे एका कोड़हे नलख नंजकर अरा नीम अक्कु नन्ना लेक्खा एकासे आसिन पत्त'ऊ आलर गे संगरा नन्ना ती निम्है आसी मइय्याँ ता चोन्हा आबोन ऎदकादर, अदिन आस मल मोधर'ओस।