2 कोरिन्‍थ 8:23 - पुना गच्छरना NT (BSI)

²³ तीतुसी पत्त नू गा आस एंग्है सझा र'अस अरा निमा गे सुसर नन्ना नू एंग्है संगे नलख ननू र'अस। अरा एम्‍है भइय्योर ही पत्त नू गा आर कलीसिया ती तइरका पैकर अरा मसीस गे महबा आबोन ओन्द्र'ऊ र'अनर।

2 कोरिन्‍थ 8:23 ပူးပေါင်းရင်းမြစ်များ

लू‍कस 5:10

सिमॊनसी संगे नलख ननू जेबदयुसी तंग्‍दस याकॊब अरा यॊहनस हूँ अकबक मंजर। ख़ने येसुस सिमॊनसिन बाचस, “अमा एल्चा, नीन अक्‍कु ती एंग्‍है तरा आलारिन ओन्‍द्रना ही नलख ननोय।”

लू‍कस 5:7

ख़ने आर तंग्‍है संगेरिन नॆ नन्ना डोंगा नू रहचर आरिन ख़ेक्खा ती मीख़ियर का बर'अरकी एमन सहाड़ा नना। अरा आर बरचर ती दुयो डोंगा नू निन्‍दर का डोंगा मुलख़ा बेद्दालिया।

यॊहनस 13:16

ऎन निमन मानिम ब'अदन, जॊंख़स तंग्‍है उर्बस ती कोहँस मलदस, अरा तइरकस आसिन तइय्युस ती कोहाँ मलदस।

1 कोरिन्‍थ 11:7

मॆतस गे कुलकुटुरना चाड़ मलकी, एन्‍देरगेका आस धर्मेसी रूपे अरा महबा हिकदस। लिकिन मुक्‍का मॆतासी महबा र'ई।

2 कोरिन्‍थ 12:18

ऎन तीतुसिन निम्है गुसन बर'आ गे आनकन अरा आस गने एम्है नन्ना ओर्त भईसिन हूँ तइय्कन। एन्देर नीम ब'आ ओंग्दर का तीतुस निम्है ती इन्द्रिइम नफा होच्चस? ऎम इरबारिम ओन्टेम बॊलता नू मल उज्जकम उक्कम का? अरा ओन्टे डहरे नू मल ईक्‍कम का?

2 कोरिन्‍थ 7:6

अन्नु हूँ लुदऊ आलर गे जिया सालना चि'ऊ धर्मेस, तीतुसी बरना ती एमा सल चिच्‍चस।

2 कोरिन्‍थ 8:16

ऎन निम्है मइय्याँ एका लेक्खा अंगिय'अना ती रहचकन, अन्नेम धर्मेस तीतुस गे आ अंगिय'अना आबोन चिच्का ती ऎन धर्मेसिन धन्‍यवाद नन्दन।

2 कोरिन्‍थ 8:18

ऎम आसी गने ओर्त भईसिन हूँ तइय्यालदम, नॆ दौ कत्‍था तेंगा कुद्दना चड्डे उर्मी कलीसिया नू कोड़हे नामे ख़क्खका र'अस।

2 कोरिन्‍थ 8:19

ईद लेका मला, अरा उर्बासी महबा गे अरा संगरा नना गे एमा गे र'अना अंगिय'अना आबोन ऎद'आ गे ऎम दान आबोन येरुसलॆम हो'ओम ख़ने, एम्है डहरे ऎकना नू एम्है गने संगे चि'आ गे कलीसिया आसिन चज्जकी र'ई।

2 कोरिन्‍थ 8:22

इबड़ा इरबर गने ऎम अउर ओन्टा एम्है भईसिन हूँ तइय्यालदम। ऎम घड़ीम घड़ी बिढ़चकम ती अक्कम का आस कयनो पत्त नू संगरा नना गे अंगिय'अना गने र'अस। अक्कु आस गे निम्है मइय्याँ कोड़हे असरा र'अना ती आस संगरा नना गे मुन्द तिम कोड़हे अंगिय'अना गने र'अस।

2 कोरिन्‍थ 8:6

औंगे ऎम तीतुसिन नॆचकन का आस एका दौ नलखन निम्‍है मझी नू ऒड़ नंजकाचस, अदिन मुंजा गे आस बर'अरकी निमन रिझ्रत'ओस।

फिलिप्‍पी 2:25

लिकिन एंग्है चाड़ नू एंगा गे संगरा नना गे नीम तइय्का निम्है पैकस एपाफ्रोदितोसिन निम्है गुसन किर्तर तइय्या गे चाड़ र'ई एन्ने ऎन सोचदन। आस एंग्है भईस, अरा एंग्‍हा गने सुसर नलख ननुस, अरा एंग्है गने ओन्टा सैनस लेक्खा दौ कत्था तेंगना नू संगरा ननुस र'अदस।

फिलिप्‍पी 4:3

हाँ, सुसर नन्ना नू एंग्है संगे मंजका एंग्है मानी संगी निंग ती हूँ ऎन गोहरारदन का अबड़ा मुक्‍कर गे संगरा नना, एन्‍देरगेका आर क्‍लॆमॆस अरा एंग्‍है गने सुसर ननू नन्ना ओर्मर गने मेस्ररकी दौ कत्‍था तेंगा कुद्दना नू एंग्‍है गने अजम अरजाचर। इबड़ा ओर्मर ही नामे उज्‍जना ही पुथी नू लिख्रकी र'ई।

कोलोस्से 1:7

ई दौ कत्थन नीम एम्है गने सुसर ननू एम्है चोन्हा भई एपाफ्रास ती सिख्रकर। आस एम्है ऊजी नू निम्है मझी नू मसीसी पत्त'अना जॊगे सुसर ननुस हिकदस।

1 थेस्‍सलोनिकॆयर 2:2

लिकिन नीम अख़दर का मुन्‍द फिलिप्‍पी नगरे नू सस्‍ती सारना पीख़्रना नू हूँ एम्‍है धर्मेस एमा गे एन्ने डिढ चिच्‍चस का ऎम बिगर अटकरका धर्मेसी दौ कत्‍थन तिंकम।

2 तीमोथियुस 4:10

एन्‍देरगेका दॆमस ई ख़ॆख़ेल ता उज्‍जना नू मॊंहरस ती एंगन अम्‍बियस चिच्‍चस ती थेस्‍सलोनिकॆ नगरे नू किर्रिमबिच्‍चयस। क्रॆसकॆस गलातिया राजी गे अरा तीतुस दलमतिया राजी गे किर्रिमबिच्‍चयस।

तीतुस 1:4

नम्‍है मझी नू र'ऊ पत्त'अना नू एंग्‍है मानिम ख़द्दस तीतुस गे ऎन पौलुस लिखदन। धर्मे बबस अरा नम्‍है बछाब'उस मसी येसुसी मया अरा कोड़े निं‍गा मनन नेक‍अन।

फिलॆमॊन 1:17

औंगे नीन एंगन मसीसी चड्डे निंग्है सखी एन्ने सोचदय होले, एंगन इंझ्रना बेसे आसिन हूँ इंझ्र'आ।

फिलॆमॊन 1:24

अन्नेम एंग्है गने सुसर नलख ननू मरकुस, अरा अरिस्‍तरख़ोस, अरा दॆमस, अरा लूकस हूँ निंगन मोंजरा नन्नर।

3 यॊहन 1:8

औंगे नाम एन्ने आलर गे संगरा नन्ना ही चाड़ र'ई। एकत्रु नाम मानिमन तेंगा कुद्दना नू आर ही गने संगे नलख ननू मना ओंग्दत।