2 कोरिन्‍थ 8:2 - पुना गच्छरना NT (BSI)

² आर कोड़हे खिलपत ही बिढ़्रना बेड़ा नू हूँ कोड़हे रिझ्रर। अरा आर कोड़हे कूल कीड़ा नू हूँ, गोट्टा जिया ती चि'अना ख़ट्टना नू बग्गे ती बग्गे चिच्चर।

2 कोरिन्‍थ 8:2 ပူးပေါင်းရင်းမြစ်များ

मत्तायोस 20:15

एन्‍देर ईद जॊगे मल्‍ला का ऎन एंग्‍है जिनिस ती एन्‍देर नना बेद्दोन अदिन ननोन? नीन एंग्‍है दौ र'अना चड्डे एंगन अड्डे ऎरदय का?’

रोमी 12:8

एकास गे रिझाब'अना ही ख़ंजपा र'ई, आस नन्नारिन रिझाब'अना नू बोथ्रका र'अना र'ई। अरा एकास गे दान चि'अना ही ख़ंजपा र'ई आस चि'अना नू हरकट मन्ना र'ई। एकास गे कड़हाब'अना ही ख़ंजपा र'ई आस गे अदिन मानिम गने नन्ना र'ई। एकास गे सोग्‍गे ऎदना ही ख़ंजपा र'ई, आस गे अदिन रिझ ती नन्ना र'ई।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 2:9

नीम उर्मी कत्‍थन पॆस्रदर का मला एन्ने निमन बिढ़'आ गे ऎन एंग्‍है चिठी नू एन्ने लिखचकन।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

2 कोरिन्‍थ 9:11

ई लेक्‍खा नीम उर्मी रकम ही खुर्जी ती उरुब मनोर ती हरग जिया ती चि'आ गे उंगू मनोर। ईद ती निम्है दान एम्है सिरे ख़ट्टररकी दानन ख़क्ख'उर धर्मेस गे धन्यवाद चि'आ गे चड्डे मनो।

2 कोरिन्‍थ 9:13

निमा ई सुसर'अना नलख ती नीम निमन पुरुब मंजका र'अदर। आर धर्मेसी ओहमा ननोर, ईगेका नीम उर्मी पॆस्रना गने मसीसी दौ कत्‍थन इंझ्रकर, अरा आर ही गने अरा ओर्मर ही गने हरग जिया ती दानन ख़ट्टकर चिच्कर।

1 थेस्‍सलोनिकॆयर 1:6

अक्‍कु नीम गा कोहाँ सस्ती नू हूँ नेम्‍हा बॊलतासी रिझ गने कत्‍थन इं‍झ्रकर ती एम्‍है अरा उर्बस लेक्‍खा ऎका हेलरकर।

1 थेस्‍सलोनिकॆयर 2:14

भईरो, यूदेया जिला नू मसी येसुस नू र'ऊ अबड़ा धर्मेसी कलीसिया गुट्ठी लेक्‍खा नीम हूँ उज्‍जालिक्‍कर। एकासे आर यहूदीर ती खिलपत मंजर अन्ने नीम हूँ निम्‍है राजी ता आलर ती खिलपत मंजकर।

याकॊब 2:5

अना एंग्‍है चोन्‍हा भईरो, मेना, एन्‍देर धर्मेस ई ख़ॆख़ेल ता कीड़ा आलारिन पत्त'अना नू उरुब मना गे, अरा तंग्है मइय्याँ चोन्हा ननुर गे तान गच्छरका राजी ही अदिया मना गे मल्ला चज्जिका का?

दहदर मंजका कत्‍था 2:9

ऎन निंग्‍है खिलपत आबोन अरा कीड़न अख़दन, लिकिन मानिम नू नीन उरुब र'अदय। अरा नॆ तमन यहूदी ब'अनर ती निंगन निंदा नन्नर अदिन हूँ ऎन अखदन, लिकिन आर मानिम नू यहूदी मलनर, आर गा सैतान ही गोड़हा एड़पा ता र'अनर।