2 कोरिन्‍थ 8:19 - पुना गच्छरना NT (BSI)

¹⁹ ईद लेका मला, अरा उर्बासी महबा गे अरा संगरा नना गे एमा गे र'अना अंगिय'अना आबोन ऎद'आ गे ऎम दान आबोन येरुसलॆम हो'ओम ख़ने, एम्है डहरे ऎकना नू एम्है गने संगे चि'आ गे कलीसिया आसिन चज्जकी र'ई।

2 कोरिन्‍थ 8:19 ပူးပေါင်းရင်းမြစ်များ

त‍इरकर 14:23

अरा आर उर्मी कलीसिया नू नॆकन आर पत्ताचर आरिन बिन्‍ती अरा उपास नंजर ती सेयान कमचर अरा आरिन उर्बासी ख़ेक्खा नू चिच्‍चर।

त‍इरकर 15:22

तहाँ त‍इरकर अरा सेयान आलर कलीसिया ता उर्मिर गने तिगचर का नम्‍है ती जोक्‍क आलारिन चाजोत ती पौलुस अरा बरनबास गने अन्‍तियोख़ेया त‍इय्योत। आर इबड़र हिकनर का बरसब्‍बास बारना यूदस अरा सीलास, ईर पत्त'ऊ आलर नू मुध रहचर।

त‍इरकर 15:25

औंगे ऎम ओर्मर ही मने ती तिगचकम का जोक्‍क आलारिन चाजोत ती आरिन पौलुस अरा बरनबास गने त‍इय्योत।

त‍इरकर 19:22

आस तंग्‍है ती मुन्‍द तंग्‍है सहाड़ा ननुर ती ऎंड़ आलारिन तीमोथियुस अरा एरस्‍तुसिन मकेदोनिया त‍इय्यस। लिकिन तान जोक्‍क उल्‍ला गूटी आसिया नू रहचस।

त‍इरकर 19:29

अरा सौंसे नगरे नू हुलहुली मंजा केरा। आर पौलुस गने डहरे ऎकना नू संगे मंजका मकेदोनिया ता आलर गायोस अरा अरिस्‍तरख़ोसिन धरचर ती अखड़ा टोंका नू बोंगर।

रोमी 5:11

ईद लेका मला अक्‍कुन धर्मेस गने निभ्रनन चिच्का नम्‍है उर्बस येसु मसीस ती नाम धर्मेस नू कोड़हे रिझ्रदत।

रोमी 5:3

अरा ईद ती लेका मला नाम नम्‍है खिलपत नू हूँ रिझ्रदत। एन्‍देरगेका नाम अख़दत का खिलपत ती सहना,

2 कोरिन्‍थ 4:15

इबड़ा उर्मी निमा दौ गे दिम र'ई। अरा एकासे धर्मेसी मया बग्गे ती बग्गे आलर नू अंड़सत'ई, अन्नेम धर्मेसी महबा गे धन्‍यवाद ही गोहरारना हूँ बग्‍गे मन्नुम क'ओ।

2 कोरिन्‍थ 8:11

औंगे आ नलखन ऒड़ नना गे निमा एवंदा अंगिय'अना रहचा, आद अदन नन्ना मुंजा गे हूँ र'अना र'ई। अक्कु निमा गुसन ऎ बग्गे र'ई अत्रु ती अदिन नंज मुंजके।

2 कोरिन्‍थ 8:12

अन्ति ओर्तस गे दान चि'आ गे अंगिय'अना र'ई होले, तंग्है औसान लेक्‍खा इन्‍द्रिइमन हूँ चीतारदस, धर्मेस अदिन इंझ्रदस। नॆख'आ तिम हूँ एन्ने असरा मल नन्तार'ई का आस अपन औसान ती बग्‍गे चि'ओस।

2 कोरिन्‍थ 8:20

ई बरार आबोन ऎम ख़ट्टरकी चि'अना बारी, नॆ हूँ एमन अदही पत्त नू बदी अम्बोर नना बेद्ददम।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

2 कोरिन्‍थ 9:8

धर्मेस उर्मी बरकतन निन्दका ती निमा चि'आ गे उंगू र'अस। औंगे निमा चाड़ र'ई अबड़ा उर्मिन उर्मी उल्ला ख़क्खोर, अरा उर्मी दौ नलख नू नीन्द्र'ओर क'ओर।