2 कोरिन्‍थ 8:12 - पुना गच्छरना NT (BSI)

¹² अन्ति ओर्तस गे दान चि'आ गे अंगिय'अना र'ई होले, तंग्है औसान लेक्‍खा इन्‍द्रिइमन हूँ चीतारदस, धर्मेस अदिन इंझ्रदस। नॆख'आ तिम हूँ एन्ने असरा मल नन्तार'ई का आस अपन औसान ती बग्‍गे चि'ओस।

2 कोरिन्‍थ 8:12 ပူးပေါင်းရင်းမြစ်များ

मत्तायोस 25:17

एन्नेम ऎंड़ थइला सोना ढिबा ख़क्‍खकाचस, आस हूँ ऎंड़ थइला सोना ढिबा अउरिम अर्जाचस।

मत्तायोस 25:22

तहाँ नॆका ऎंड़ थइला सोना ढिबा ख़क्‍ख्रकीचा, आस हूँ बरचस ती बाचस, ‘अना उर्बायो, नीन एंगा ऎंड़ थइला सोना ढिबा सोंपचकाचकय, ऎरा, ऎंड़ थइला सोना ढिबा अउरिम अर्जाचकादन।’

लू‍कस 16:10

एकास जुक्‍की नू पत्त'अना जॊगे र'अस आस बग्‍गे नू हूँ पत्त'अना जॊगे र'अस, अरा एकास जुक्‍की नू उजगो मल र'अदस आस बग्‍गे नू हूँ उजगो मल र'अदस।

2 कोरिन्‍थ 8:11

औंगे आ नलखन ऒड़ नना गे निमा एवंदा अंगिय'अना रहचा, आद अदन नन्ना मुंजा गे हूँ र'अना र'ई। अक्कु निमा गुसन ऎ बग्गे र'ई अत्रु ती अदिन नंज मुंजके।

2 कोरिन्‍थ 8:13

एंगा एन्ने मने मल्ला का, नन्नर रिझाब'ओर अरा नीम दुक्खे मनोर। ओर्मर ओन्टा लेक्खा र'आ गे दिम ऎन बेद्ददन।

2 कोरिन्‍थ 8:19

ईद लेका मला, अरा उर्बासी महबा गे अरा संगरा नना गे एमा गे र'अना अंगिय'अना आबोन ऎद'आ गे ऎम दान आबोन येरुसलॆम हो'ओम ख़ने, एम्है डहरे ऎकना नू एम्है गने संगे चि'आ गे कलीसिया आसिन चज्जकी र'ई।

2 कोरिन्‍थ 9:7

औंगे ओर्मर तान तंग्है जिया नू चि'आ गे एकासे तिगचकानर अन्नेम दान चि'अना र'ई, कुटमुटर'आ ती मला अरा बड़पेलहा ती मला, एन्‍देरगेका रिझ ती चि'उरिन धर्मेस चोन्‍हा नन्दस।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।