2 कोरिन्‍थ 8:10 - पुना गच्छरना NT (BSI)

¹⁰ ई पत्त नू ऎन निमन ओन्टा सलहा चि'अदन का, इतिंगाली एका दौ नलखन नीम ऒड़ नंजकर, अदिन अक्‍कु नन्ना मुंजना दिम निम्‍है दौ र'ई। अदिन नन्ना नू लेका मला अदिन नना गे मने नन्ना नू हूँ नीमिम मुध रहचकर।

2 कोरिन्‍थ 8:10 ပူးပေါင်းရင်းမြစ်များ

मत्तायोस 10:42

नीकईम इबड़ा सन्नी मधेर ती नॆख'आनिम आस चेलस ब'अरकी ओन डुबहा कीरना अम्मु हूँ ओन्त'ओस होले, मानिम ऎन निमन ब'अदन आस एकन्ने नू हूँ तंग्‍है मूल्‍लीन मल एबस'ओस।”

यॊहनस 11:50

अरा नीम मल बुझुरदर का नम्‍है गोट्टा राजी नठारना काना ती, नम्‍है आलर गे ओर्तोस खे'अना काना बने र'ई।”

यॊहनस 16:7

लिकिन ऎन निमन मानिम कत्‍थन तेंगदन, निम्‍है दौ गे दिम ऎन निमन ती कादन, एन्‍देरगेका ऎन मल क'ओन होले, सालत'उस मल बर'ओस। लिकिन ऎन क'ओन होले ऎन आसिन निम्‍है गुसन तइय्योन।

यॊहनस 18:14

ई कैफस दिम यहूदी मुद्धर गे सलहा चिच्का रहचस का, “ओर्त आलस उर्मी आलर गे खे'अना दौ हवे।”

1 कोरिन्‍थ 10:23

निम्है ती जोक्कोर ब'अनर, “उर्मिन एंगा नना गे अदिया र'ई।” लिकिन उर्मिन नन्‍ना नू फैदा मलकी, उर्मिन एंगा नना गे अदिया र'ई, लिकिन उर्मी गा परदा गे सहाड़ा मल चि'ई।

1 कोरिन्‍थ 16:2

उर्मी हप्‍ता ही पहिल उल्‍ला नीम ओर्त ओर्त तंग्‍है अर्जाचका ती जोक्को भिने उइय्‍के, अरा अदन सैत'आ। औंगे ऎन बरना बेड़ा नू दान ख़ॊजना ही चाड़ मल मनो।

1 कोरिन्‍थ 6:12

“जम्मन नना गे एंगा बधा मलकी” एन्ने नीम ब'आ ओंग्दर। लिकिन उर्मी गा दौ मलकी। जम्मन नना गे एंगा बधा मलकी, लिकिन ऎन एकअम जिनिस ही जॊंख़ मल मंज ख़च्‍चोन।

1 कोरिन्‍थ 7:25

अक्‍कु डिंडा कुक्‍केर ही पत्त नू एंगा उर्बस ती एन्‍देर पॆसका हूँ मल्‍ला ख़क्‍ख्रका। लिकिन ऎन पत्त'अना जॊगे मना गे उर्बासी सोग्‍गे ती एंग्‍है सलहा चि'अदन।

1 कोरिन्‍थ 7:40

अन्नु हूँ एंग्‍है सलहा ईद र'ई का, आद बिगर बेंज्रका ती अन्नेम रही क'ओ होले, आद कोड़हे बरकत ख़क्‍खू आली र'ई। ऎन पत्त'अदन का धर्मेसी बॊलता एंग्‍है मइय्याँ र'ई।

2 कोरिन्‍थ 12:1

एंगा अउर हूँ फुलई मना गे चाड़ र'ई होले, ऎन फुलई मनोन, लिकिन अत्रु ती एन्द्रा हूँ दौ मल्‍ली। अन्नु हूँ उर्बस ती एंगा ख़क्ख्रका देखार अरा दहदर गुट्ठिन ऎन तेंगोन।

2 कोरिन्‍थ 8:6

औंगे ऎम तीतुसिन नॆचकन का आस एका दौ नलखन निम्‍है मझी नू ऒड़ नंजकाचस, अदिन मुंजा गे आस बर'अरकी निमन रिझ्रत'ओस।

2 कोरिन्‍थ 8:8

ऎन इदन ओन्टा पॆसका लेक्खा मल ब'अदन। लिकिन नन्नर संगरा नन्ना नू एका लेक्खा अंगियारनर, इदन निमा गे ऎदना ती निम्है चोन्हा एका लेक्खा मानिम र'ई एन्ने अख़'आ गेम ऎन बेद्ददन।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

फिलिप्‍पी 4:17

ईद एन्ने मला का ऎन निम्है ती इनाम बेद्ददन, लिकिन ऎन इदन बेद्ददन का निम्है खता नू निम्है दौ नलख ही ख़ंजपा बग्गे बॆन्दनुम क'ओ।

इब्रानी 13:16

अरा दौ नना गे अरा निम्‍है जिनिसन चाड़ नू र'उर गे ख़ट्टा गे अमा मोध्र'आ, एन्‍देरगेका एन्ने लेक्‍खा दाँड़े गुट्ठी तिम धर्मेस रिझ्रदस।