2 कोरिन्‍थ 7:7 - पुना गच्छरना NT (BSI)

⁷ आसी बरना ती लेका मला, लिकिन नीम एका लेक्खा आसिन रिझाबाचर एन्ने मेंजकम ती हूँ ऎम जिया सालना ख़क्खम। नीम एंगन ऎरा गे ऎ बग्गे पत्तारदर, अरा नीम ऎ बग्गे दुक्खे सारदर, अरा नीम एंग्है मइय्याँ ऎ बग्गे तिहा उइय्दर, अबड़ा पत्त नू आस एमन तिंगियस, ख़ने ऎन अउरिम कोड़हे रिझ्र'आ हेलरकन।

2 कोरिन्‍थ 7:7 ပူးပေါင်းရင်းမြစ်များ

मत्तायोस 26:75

ख़ने पतरस गे येसुसी आ बाचका कत्‍था सुरता बरचा, “ख़ॆर चींख़ना ही मुन्‍द नीन तीन हॆल ऎन निंगन बलदन ब'ओय।” अरा आस बहरी केरस ती चींख़ियस।

मत्तायोस 5:4

नॆ दुक्‍खे सारनर, आरिन धर्मेस आसीस ननोस, आर सान्‍ति ख़क्‍खोर।

लू‍कस 22:44

अरा आस अउरिम कोड़हे सस्‍ती ती उकुलबुकुल मंजस गोहरार'आलियस अरा आसी एरचरना ख़ॆंस ही कोहाँ टिप्‍पा लेक्‍खा ख़ॆख़ेल नू खत्तरा।]

त‍इरकर 11:23

बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

रोमी 1:12

ऎन एन्‍देर ब'आलदन का नम्‍है नू र'ई आ पत्त'अना ती नाम नन्नारिन सहाड़ा नना ओंगोत।

1 कोरिन्‍थ 5:2

अन्नु हूँ नीम गा फुल‍ई ननुर हिकदर। इदगे नीम जिया दोलख़्रना ती एन्ने नलख नंजका आलासिन निम्‍है मझी ती ओथ्रना रहचा।

2 कोरिन्‍थ 1:4

आस दिम उर्मी कलपारना ती नमन जिया सालत'अदस। औंगे ऎम धर्मेस तरती ख़क्ख्रका जिया सालना ती, एकअम कलपारना नू र'उरिन जिया सालत'आ ओंग्‍दम।

2 कोरिन्‍थ 2:9

नीम उर्मी कत्‍थन पॆस्रदर का मला एन्ने निमन बिढ़'आ गे ऎन एंग्‍है चिठी नू एन्ने लिखचकन।

2 कोरिन्‍थ 5:2

नाम अक्कु ता ई मॆद नू रेकदत, अरा नाम पुना किचरी लेक्खा ता नम्है मेर्ख़ा मॆदन अत्ता गे चीबाख़ारदत।

2 कोरिन्‍थ 7:6

अन्नु हूँ लुदऊ आलर गे जिया सालना चि'ऊ धर्मेस, तीतुसी बरना ती एमा सल चिच्‍चस।

2 कोरिन्‍थ 7:8

ऎन निमा लिखचका चिठी निमा गे दुक्खे चिच्चा होले हूँ, ऎन अदिन लिखचका ती मल पस्तारदन। एंग्है चिठी निमन दुक्खे चिच्चा एन्ने ऎन अक्कन ख़ने, ऎन मुन्द पस्तारकन। नीम जुक्‍किम घड़ही लेका दुक्खे सारचकर।

2 कोरिन्‍थ 8:16

ऎन निम्है मइय्याँ एका लेक्खा अंगिय'अना ती रहचकन, अन्नेम धर्मेस तीतुस गे आ अंगिय'अना आबोन चिच्का ती ऎन धर्मेसिन धन्‍यवाद नन्दन।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

कोलोस्से 2:5

एन्‍देरगेका ऎन गा कया नू निमन ती गेच्‍छा र'अदन, लिकिन बॊलता नू निम्‍है गनेम र'अदन। निम्‍है दौ उज्जा ओक्कनन अरा मसीस नू निमा उइय्का पत्त'अना नू नीम एंवदा बड़ियर र'अदर, अदिन ऎरदन ती रिझ्रदन।

1 थेस्‍सलोनिकॆयर 3:6

लिकिन अक्‍कु तीमोथियुस निम्‍है गुसते एम्‍है गुसन बरचकादस, अरा निम्‍है पत्त'अना अरा चोन्‍हा ही पत्त ता दौ कत्‍थन ओन्‍द्रकादस। अरा आस बाचस का नीम सगरो चोन्‍हा गने एमन सुरत'अदर, अरा एकासे ऎम निमन ऎरा गे खसतारदम अन्ने नीम हूँ एमन खसतारदर।

1 थेस्‍सलोनिकॆयर 3:8

नीम धर्मेस नू पत्त'अना नू बड़ियर मन्नुम कादर, ईद एमा गे पुना उज्‍जनन चि'ई।

इब्रानी 2:1

औंगे नाम एका मानी कत्‍थन मेंजकादत अबड़न नमा बॆस लगे चिहुंक ती नन्ना र'ई। एन्ने अम्‍बन मना का ना‍म अबड़ा मानी ती बेहड़ार'ओत कालोत।

याकॊब 5:17

धर्मेसी कत्‍था तिंगू एलियस नम्‍है लेक्‍खा आलस रहचस। लिकिन आस सौंसे जिया ती गोहरारस का साढ़े तीन बच्‍छर अम्बो पुंइय्याँ, अरा आ राजी नू साढ़े तीन बच्‍छर चॆप मल पुंइय्याँ।

2 यॊहन 1:4

धर्मे बंगस ती ख़क्ख्रका पॆसका ही लेक्खा निंग्है ख़द्दर ती जोक्कोर मानी नू ऎकनन ईरकन ती ऎन कोड़हे रिझ मंजकन।

यहूदा 1:3

अना एंग्है दुलारो, एका नाड़रना नू नाम मेस्रकत, ऎन अदही पत्त नू कोड़हे रिझ गने निमा लिख'आ बेद्दा लिक्कन। लिकिन अक्कु एंगा चाड़ मंजा का ई चिठी ती ऎन निमन आनोन ती रिझ्रत'ओन का नीम आ पत्त'अनन ख़ापा गे चिहुट नना, एकदा धर्मेसी नेम्हा आलर गे ओंग्होल लेका चीरकी र'ई।