2 कोरिन्‍थ 7:2 - पुना गच्छरना NT (BSI)

² ऎम मुन्द तिंका लेक्खा नीम निम्है जिया नू एमा गे अड्डा चि'आ। ऎम नॆख'अन हूँ मलदौ मल नंजकम। ऎम नॆख'अन हूँ मल बगड़ाचकम। ऎम नॆख'अन हूँ मल ठकचकम।

2 कोरिन्‍थ 7:2 ပူးပေါင်းရင်းမြစ်များ

मत्तायोस 10:14

अरा एकअम ओर्तर निमन मल परघ'ओर महले निम्‍है कत्‍थन मल मेनोर होले नीम आ एड़पा महले आ नगरे ती उरखो बारिम निम्‍है ख़ेड्डे ता रीड़ोन ख़ेत्तके चि'अके।

मत्तायोस 10:40

एकास निमन इंझ्रदस आस एंगन इंझ्रदस अरा एंगन इंझ्र'उस एंग्‍है त‍इय्युस एंग्‍है बंगासिन इंझ्रदस।

लू‍कस 10:8

एका पद्दा नू कोर'ओर अरा आलर निमन परघ'ओर होले आर इन्द्रिइम ओना मॊख़ा गे चि'ओर अदिन ओनके मॊख़के।

त‍इरकर 20:33

ऎन नॆख'अम चाँदी महले सोना महले किचरी गे मल चिबाख़ारकन।

रोमी 16:18

एन्‍देरगेका का एन्ने आलर नम्‍है उर्बस मसीसी मला तम्‍है कूल ब'ई ही तेतर-सुसर नन्नर। अरा एम्‍बा एम्‍बा अरा भुरिय'अना कत्‍था ती बोको जिया आलारिन बेड़ाब'अनर चि'अनर।

2 कोरिन्‍थ 1:12

अक्‍कुन ऎम ख़ॆख़ेल नू अरा कोड़हे गा निम्‍है गने ता नता नू, धर्मेस चिच्का नेम्‍हा अरा मानिम गने ईक्‍कम, इदगे दिम ऎम फुल‍ई मन्‍दम। इदगे एम्‍है लखना गोवाह चि'ई। ऎम अदन ख़ॆख़ेल ता लूर ती मला, धर्मेसी मया तिम नंजकम।

2 कोरिन्‍थ 11:16

ऎन अउरिम ब'अदन नॆ हूँ एंगन बोया अमके सोच'आ। लिकिन अन्ने नीम सोचदर होले, एंगन बोया बेसेम इंझ्र'आ, ख़ने ऎन हूँ अउर कटिक फुलई मना ओंग्दन।

2 कोरिन्‍थ 11:9

अरा ऎन निम्है गने र'अना बारी एंगा गे चाड़ मंजा ख़ने, ऎन अदगे नॆकन हूँ दुक्खे मल चिच्‍कन। एन्देरगेका एंगा एन्देर चाड़ रहचा, अबड़ा उर्मी गे मकेदोनिया ती बरचका भइय्योर दिम चि'अरकी संगरा नंजर। ऎन मुन्द एकासे रहचकन अन्ने बरना उल्ला नू हूँ एंग्है चाड़ गे एका तरती हूँ ऎन निमा गे ओत्था मल मनोन।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

फिलिप्‍पी 2:29

औंगे उर्बस नू कोड़हे रि‍झ ती आसिन परिघ'आ, अरा ईसी लेक्खा आलारिन मईन नना।

कोलोस्से 4:10

अरिस्‍तरख़ोस नॆ एंग्‍है गने जेहेल नू हॆंरकादस, आस निमा गे मोंजरा नन्दस। अरा मरकुस नॆ बरनबासी अंड़सका भई मन्दस, आस निमा गे मोंजरा नन्दस। मरकुसी पत्त नू नीम मुन्द दिम पॆसका ख़क्‍खका रहचकर, आस निम्है गुसन बर'ओस होले, नीम आसिन परघ'अके।

1 थेस्‍सलोनिकॆयर 2:10

नीम पत्त'ऊ आलर ही मझी नू एम्‍है उज्‍जना ओक्‍कना एकासे नेम्‍हा अरा उजगो अरा बिगर बदी ही रहचा। नीमिम गोवाह र'अदर अरा धर्मेस हूँ गोवाह र'अदस।

फिलॆमॊन 1:12

एंग्है कोड़हे चोन्हा ही ओनॆसिमोसिन ऎन निंग्है गुसन किर्त'अर तइय्दन।

फिलॆमॊन 1:17

औंगे नीन एंगन मसीसी चड्डे निंग्है सखी एन्ने सोचदय होले, एंगन इंझ्रना बेसे आसिन हूँ इंझ्र'आ।

2 यॊहन 1:10

एकअम ओर्तस निम्है गुसन बर'ओस ती मसीसी ई सिखाब'अना ती नन्ना कत्थन सिखाब'अदस होले, आसिन निम्है एड़पा नू अमा परघ'आ अरा आसिन मोंजरा हूँ अमा नना।