2 कोरिन्‍थ 7:16 - पुना गच्छरना NT (BSI)

¹⁶ उर्मी कत्था नू एंगा निम्है मइय्याँ असरा र'ई, इत्रु ऎन रिझ्रदन।

2 कोरिन्‍थ 7:16 ပူးပေါင်းရင်းမြစ်များ

रोमी 2:19

नीन सोचदय का नीन अन्धहा आलर ही कड़हाब'उर अरा ऊख़ा नू र'उर ही बिल्‍ली।

2 कोरिन्‍थ 2:3

औंगे ऎन निमा गे एन्ने चिठी लिखचकन का, एंग्‍हा बरना ती नॆखा ती एंगा रिझ मन्‍ना रहचा, आर ती ऎन दुक्‍खे मना मल बेद्ददन। नीम ओर्मर एंग्‍है रिझ्रना नू मेस्रोर, एन्ने निम्‍है ओर्मर ही पत्त नू एंगा असरा र'ई।

2 थेस्‍सलोनिकॆयर 3:4

ऎम पॆसकादम अबड़न नीम नना लगदर फिन ननोर अन्नेम ऎम उर्बस ती असरा ननालदम।

फिलॆमॊन 1:21

ऎन निंग्‍है पॆस्रना मइय्याँ असरा नन्दन ती निंगा गे इदन लिखदन। अरा ऎन अख़दन का नीन एन्देर नना गे ऎन निंगन आनदन अदही ती बग्गे नीन ननोय।

फिलॆमॊन 1:8

औंगे ऎन पौलुस पच्चका केरकादन ती, अरा अक्कु मसी येसुसी पत्त ता दौ कत्थन तेंगना ही चड्डे जेहेल नू हॆंरका ती, निंगा एन्देर नन्ना र'ई अदन निंगा गे आना गे मसीस नू एंगा बग्‍गे डिढ र'ई। अन्नु हूँ अन्ने मल ननरकी चोन्हा ती निंगन ने'अदन।