2 कोरिन्‍थ 7:11 - पुना गच्छरना NT (BSI)

¹¹ नीम ऎरा का, नीम एका दुक्खेन धर्मेसी मने ही लेक्खा इंझ्रकर, अत्रु ती निमा एवंदा भगती आबोन कुन्द्रा। नीम बिगर बदी आलर एन्ने ऎद'आ गे एवंदा अंगियारदर, अरा एवंदा कैर नन्दर, अरा एवंदा इल्‍चदर, अरा एवंदा चीबाख़ारदर, अरा एवंदा रिझ, अरा नेंवई मन्नन ऎरा गे एवंदा मने नन्दर। ई लेक्‍खा नीम ई पत्त नू उर्मी तरती बिगर बदी मना गे पुरुब नंजकादर।

2 कोरिन्‍थ 7:11 ပူးပေါင်းရင်းမြစ်များ

मरकुस 3:5

आस आरिन कैर ती ईरियस। आर ही जिया ही बेड़हा चड्डे आसी जिया उल्‍लिया। ख़ने आस आ आलासिन बाचस, “निंग्‍है ख़ेक्खन लमाब'आ।” आस तंग्‍है ख़ेक्खन लमाबाचस, अरा आसी ख़ेक्खा कोड़े मंज ख़च्चिया।

यॊहनस 2:17

ख़ने आर ही चेलर गे “निंग्‍है एड़पा ही पत्त ता एंग्‍है चोन्‍हा एंगा नू चिच्‍ची बेसे ऊली” एन्ने नेम्‍हा पुथी नू लिख्रका कत्‍था सुरता बरचा।

त‍इरकर 17:16

पौलुस अथॆने नू सीलास अरा तीमोथियुसी पाब ऎरा लगियस ख़ने, आ नगरे नू मूर्ती गुट्ठिन निन्‍दिका ईरियस ख़ने आसी जिया उल्‍लिया।

रोमी 11:20

मानिम दिम हिके। अबड़र मल पत्त‍'अना चड्डे खंडरकी तरकूटी नन्तारकी र'ई, अरा नीम पत्त'अना ही जोर ती दिम अक्‍कु गूटी बड़ियर र'अदर। औंगे ई चड्डे अमा फुल‍ई नना लिकिन चिहुंक र'आ।

रोमी 14:18

एका ओर्तस ई लेक्‍खा मसीसी तेतर-सुसर नन्‍दस, आस धर्मेसिन रिझाब'अदस अरा आलर आसिन सहरारनर।

रोमी 3:5

एकाबारी नाम बिड़दो नन्‍दत, आद फरीफरी ईद'ई का धर्मेस उजगो र'अदस। औंगे जोक्‍कोर ब'आ ओंग्दर का धर्मेसी नमा गे दंडे चि'अना ठौका मलकी। ईद आलर ही सोचना लेक्‍खा र'ई।

1 कोरिन्‍थ 12:25

ईद इदगे मंजा का मॆद नू ख़ाड़रना अम्‍बो मना, अरा अदही उर्मी अंग गुट्ठी ओन्‍टा ओन्टा गे संगरा ननो।

1 कोरिन्‍थ 5:13

धर्मेस गा बहरी ता आलारिन नेंवई ननोस। लिकिन नेम्‍हा पुथी नू लिख्रका लेक्‍खा, “नीम मलदौ आलारिन निम्‍है मझी ती ओथ्रना र'ई।”

1 कोरिन्‍थ 5:2

अन्नु हूँ नीम गा फुल‍ई ननुर हिकदर। इदगे नीम जिया दोलख़्रना ती एन्ने नलख नंजका आलासिन निम्‍है मझी ती ओथ्रना रहचा।

2 कोरिन्‍थ 13:7

अक्कु ऎम धर्मेसिन गोहरारदम का नीम एकअम मलदौ मल ननोर। इदगे मला का ऎम जंचना नू जितचका ऎथ्र'ओम, लिकिन इदगे गोहरारदम का ऎम जंचना नू हार मंजकम एन्ने ऎथ्रना ती हूँ, नीम दौ ननोर।

2 कोरिन्‍थ 2:6

एन्ने आलस गे निम्‍है ती बग्‍गेर दंडे चिच्‍चकानर, आद जुक्‍की मल्‍ला।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

2 कोरिन्‍थ 7:7

आसी बरना ती लेका मला, लिकिन नीम एका लेक्खा आसिन रिझाबाचर एन्ने मेंजकम ती हूँ ऎम जिया सालना ख़क्खम। नीम एंगन ऎरा गे ऎ बग्गे पत्तारदर, अरा नीम ऎ बग्गे दुक्खे सारदर, अरा नीम एंग्है मइय्याँ ऎ बग्गे तिहा उइय्दर, अबड़ा पत्त नू आस एमन तिंगियस, ख़ने ऎन अउरिम कोड़हे रिझ्र'आ हेलरकन।

2 कोरिन्‍थ 7:9

लिकिन अक्‍कु ऎन रिझ्रदन। नीम दुक्खे सारचकर इदगे मला, निम्है दुक्खे निम्है नू जिया किर्त'अनन ओन्द्रा, इदगे ऎन रिझ्रदन। नीम आ दुक्‍खेन धर्मेसी मने लेक्‍खा इंझ्रकर, ख़ने एम्है तरती निमा गे एन्देर हूँ मल बगड़ारा।

2 कोरिन्‍थ 9:2

एन्‍देरगेका संगरा नन्ना ही निमा अंगिय'अना आबोन ऎन अक्कन। मकेदोनिया नू र'उर ती एन्ने बाचकन ती फुलई मंजकन का, अख़ाया चक नू र'ऊ नीम पत्त'उर इतिंगाली ही दिम संगरा नना गे सपड़ारका र'अदर। निम्‍है ई अंगिय'अना आर ही ती कोड़हे आलारिन संगरा नना गे रिझाबाचा।

इफेसुस 4:26

अरा नीम निम्है कैरारना नू पाप अमा नना। बीड़ी पुत्तना ही मुन्द निम्है कैरन एत्त'आ चि'आ।

इफेसुस 5:11

अरा ऊख़ा ही ख़ंजपा मलका नलख गुट्ठी नू अमा मेस्र'आ, लिकिन आलर गे ऎद'आ का अबड़ा नलख गुट्ठी मलदौ हवे।

फिलिप्‍पी 2:12

औंगे अना एंग्है चोन्हा आलारो, नीम सगरो एंग्‍है पॆसका गुट्ठिन पॆस्रनुम बर'आ लगदर, अन्नेम एंग्‍है र'अना बेड़ा नू लेका मला, अक्‍कु ऎन निंग्‍है ती गेच्‍छा र'अना नू हूँ अउर कोड़हे पॆस्र'आ। अरा निम्है नाड़रना पूरा मना गे इल्‍चनुम अरा असरनुम नलखन नन्नुम कला।

1 थेस्‍सलोनिकॆयर 4:6

इबड़ा कत्‍था गुट्ठी ती नॆ हूँ तंग्‍है भईरिन अरा ताक अम्‍बोर ऎरा अरा अम्‍बोर ठक'आ। एन्‍देरगेका उर्बस इबड़ा उर्मी कत्‍थन ननुर गे दंडे चि'ऊ र'अदस। ई पत्त नू ऎम मुन्‍द तिम आनका अरा तिगाबाचका चिच्का रहचकम।

1 तीमोथियुस 5:20

लिकिन एकअम सेयान आलर पाप ननतेम र'ओर होले, ओर्मर ही मुन्‍दहारे आरिन बुझाब'अके। होले इत्रु नन्नर हूँ एल्‍चोर।

2 तीमोथियुस 2:15

नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

तीतुस 3:8

इबड़ा कत्‍था गुट्ठी मानिम हिके। अरा ऎन बेद्ददन का आलर इबड़ा कत्‍था गुट्ठी ही पत्त नू बड़ियर लगे बुझ्रनर। होले एकार धर्मेसिन पत्त'अनर, आर दौ नलख नू ल‍इक्‍का र'आ गे चिहुंक ननोर। इबड़ा कत्‍था गुट्ठी बॆस अरा ओर्मर गे धार'ई।

इब्रानी 4:1

धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

याकॊब 3:17

लिकिन एका लूर धर्मेस गुस्ते बर'ई, आद मुन्द गा नेम्हा र'ई। फेन आद सान्ति आबोन बेद्दू, अरा लुदऊ मनू, तबे नू र'ऊ, अरा सोग्‍गे अरा दौ ख़ंजपा ती निंदका, अरा तीना मल ख़ाँड़ू, मानिम गने र'ऊ र'ई।

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।

1 पतरस 2:2

अरा पुना कुन्‍द्रका ख़द्दर दुदही गे तरसारनर अदही लेक्‍खा नीम हूँ सुध बॊलता ही दुदही गे तरसारना नू र'आ, होले आद ती नीम निम्है नाड़रना नू पूरा परद'ओर।

यहूदा 1:23

अरा नन्नर नॆकन नीम अख़दर, आरिन जनमजुग चिच्ची ही दंडे ती बड़पेलहा बछाब'आ। अरा नन्नर मइय्याँ इल्चका गने सोग्गे ऎरा, लिकिन आ बारी नीम चिहुंक र'आ का नीम आर ही पाप नू अमा खत्र'आ, आर ही किचरी हूँ आर ही पाप नलख ती दगहा मंजकी र'ई।

दहदर मंजका कत्‍था 3:19

ऎन नॆकन चोन्‍हा नन्दन आरिन केबदन अरा कोड़दन। औंगे चॆत लगे र'आ अरा जियन किर्त'आ।