2 कोरिन्‍थ 7:10 - पुना गच्छरना NT (BSI)

¹⁰ एन्देरगेका एका दुक्‍खे धर्मेसी मने ती नमा इंझ्रना मनी अदही ऊजी जिया किर्त'अना मनी, अरा जिया किर्त'अना नाड़रना तरा कड़हाब'ई, अरा अत्रु खोबरारना मल मनी। लिकिन ख़ॆख़ेल ता दुक्‍खे ही ऊजी खे'अना मनी।

2 कोरिन्‍थ 7:10 ပူးပေါင်းရင်းမြစ်များ

मत्तायोस 26:75

ख़ने पतरस गे येसुसी आ बाचका कत्‍था सुरता बरचा, “ख़ॆर चींख़ना ही मुन्‍द नीन तीन हॆल ऎन निंगन बलदन ब'ओय।” अरा आस बहरी केरस ती चींख़ियस।

लू‍कस 15:10

ऎन निमन ब'अदन, एन्नेम ओन्‍टा जियन किर्ताचका आलासी पत्त नू धर्मेसी पैकर ही मुन्‍दहारे रिझी मनी।”

लू‍कस 18:13

लिकिन ऊज'उस गेच्‍छम इज्‍जस ती मेर्ख़ा तरा मॆन ऎरा हूँ मल बिद्दियस, अन्‍ति तंग्‍है एवंख़न ठोकोर ठोकोर बाचस, ‘अना धर्मे! ऎन पपहा आलन म‍इय्याँ सोग्‍गे ऎरा।’

त‍इरकर 11:18

अबड़ा कत्‍थन मेंजर ख़ने, आर कलेकले मंजर केरर। अरा आर एन्ने ब'अनुम धर्मेसी ओहमा नंजर, “धर्मेस नन-यहूदीर गे हूँ जियन किर्त'अना ती उज्‍जनन ख़क्‍खा गे मोका चिच्‍चस।”

त‍इरकर 3:19

औंगे नीम जियन किर्त'आ, होले धर्मेस निम्‍है उर्मी पापन छमा ननोस।

2 कोरिन्‍थ 12:21

अरा एन्ने अम्बो मना का ऎन निम्है गुसन अउर बरना बारी, एंग्‍है धर्मेस निम्‍है मुन्दहारे एंगन किय्या नन्त'ओस, अरा एंगा अबड़ा बग्‍गे आलर गे कलपारना मनो का नॆ मुन्द नंजका पाप ती सोतरा मन्ना, पेहरन ही सोतरा नलख, पसड़ा गुट्ठी ती जिया मल किरताचर।

2 कोरिन्‍थ 7:9

लिकिन अक्‍कु ऎन रिझ्रदन। नीम दुक्खे सारचकर इदगे मला, निम्है दुक्खे निम्है नू जिया किर्त'अनन ओन्द्रा, इदगे ऎन रिझ्रदन। नीम आ दुक्‍खेन धर्मेसी मने लेक्‍खा इंझ्रकर, ख़ने एम्है तरती निमा गे एन्देर हूँ मल बगड़ारा।

इब्रानी 12:17

नीम अख़दर का ख़ॊख़ा आस तम्‍बस ती जेट्ठा ही आसीस ख़क्‍खा बिद्दियस ख़ने, आस ख़ाँड़रस केरस। आस ई आसीस आबोन चींख़ा चींख़ा बेद्दना नू हूँ आस गे आसी आ दसा बदलार'आ पोल्‍ला।