2 कोरिन्‍थ 7:1 - पुना गच्छरना NT (BSI)

¹ अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

2 कोरिन्‍थ 7:1 ပူးပေါင်းရင်းမြစ်များ

मत्तायोस 12:33

मन्‍न अदही ख़ंजपा तिम चिन्‍हर'ई। मन्‍न बॆस र'ई होले अदही ख़ंजपा हूँ बॆस र'ओ। महले मन्न पयहा र'ई होले अदही ख़ंजपा हूँ पयहा र'ओ।

मत्तायोस 5:48

औंगेम नीम बड़ियर मना, एकासे निम्‍है मेर्ख़ा ता बंगस उर्मी गुन्न नू बड़ियर र'अस।’

मत्तायोस 5:8

नॆख'आ जिया सफा र'ई, आरिन धर्मेस आसीस ननोस, आर धर्मेसिन ऎरोर।

त‍इरकर 9:31

आ उल्‍ला सौंसे यूदेया गलिलेया अरा समारिया नू कलीसिया नू सान्‍ति ख़क्‍खरा अरा बड़ियर मन्नुम केरा। अरा पत्त'उर उर्बासी एल्‍चना नू उज्‍जा लगियर। अरा आर नेम्‍हा बॊलतासी जिया सालना ख़क्‍खियर ती गन्‍ती नू परदनुम काला लगियर।

रोमी 5:20

आलर तमन एवंदा पपहा र'अनर अदिन अख़'आ गे आर गे धर्मेसी पॆसका चितारा। लिकिन आलर अउरिम कोड़हे पाप नंजर अरा धर्मेसी मया हूँ कोड़हे मंजा।

1 कोरिन्‍थ 6:20

एन्‍देरगेका नीम कोड़हे दाम चि'अरकी ख़ॆन्‍द्रकादर। औंगे नीम निम्‍है मॆद ती धर्मेसी महबा नना।

2 कोरिन्‍थ 1:20

येसु मसीस धर्मेसी उर्मी गच्‍छरना गे “हाँ” ब'अदस। औंगेम धर्मेसी महबा गे ऎम आस ती “आमेन” ब'अदम।

इफेसुस 2:3

अबड़र ही मझी नू नाम ओर्मत हूँ मुन्द ओंग्होल नम्है कया ही चिबाख़ारना ही लेक्‍खा उज्जा लिक्‍कत, कया अरा जिया ही मने गुट्ठी लेक्‍खा नना लिक्‍कत। अरा बछ्रका उर्मी आलर लेक्‍खा धर्मेसी कैर ही तबे नू रहचकत।

1 थेस्‍सलोनिकॆयर 3:13

इकला नम्‍है उर्बा येसुस तंग्‍है उर्मी नेम्‍हा आलर गने बर'ओस, आस नम्‍है धर्मेस अरा बंगस ही मुन्‍दहारे नीम बिगर बदी ही आलर अरा नेम्‍हा आलर र'आ गे निम्‍है जियन बड़ियर नन्‍दस नेक‍अन।

1 थेस्‍सलोनिकॆयर 4:7

एन्‍देरगेका धर्मेस नमन नेम्‍हा उज्‍जना उज्‍जा गे मीख़कादस, सोतबोड़'आ उज्‍जना उज्‍जा गे मल्‍ला मीख़का।

1 थेस्‍सलोनिकॆयर 5:23

अक्‍कु कोड़े चि'ऊ धर्मेस दिम निमन उर्मी तरा नेम्‍हा नन्‍दस नेक‍अन। अरा नम्‍है उर्बस येसु मसीसी किर्रना बेड़ा गूटी नम्‍है बॊलता अरा जिया अरा मॆद दौ गने अरा बिगर बदी ही र'अन नेक‍अन।

इब्रानी 12:23

नीम धर्मेसी जेट्ठर ख़ॊंड़रना ही कलीसिया नू बरचकादर। ई जेट्ठर ही नामे मेर्ख़ा नू लिख्रकी र'ई। अरा नीम उर्मी आलारिन नेंवई ननू धर्मेस गुसन बरचकादर। अरा नीम पखड़ मंजका उजगो आलर ही बॊलता गुट्ठी र'ऊ अड्डा गे बरचकादर।

इब्रानी 12:28

औंगे नाम गा नुकतार'आ पोलना राजिन दिम ख़क्‍खालदत। ई चड्डे नाम धन्‍यवाद ननरकी म‍ईन अरा इल्चका गने महबा ननरकी धर्मेसिन रिझ्रत'अदत नेक‍अन।

इब्रानी 4:1

धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

इब्रानी 6:9

बॆस संगेरो! ऎम ई लेक्‍खा ब'आ लगदम, अन्नु हूँ निम्‍है पत्त नू नीम इदही ती कोड़हे बॆस नलख गुट्ठिन ननोर अरा नाड़रना ही डहरे नू ऎकोर, एन्ने एमा पखड़ असरा र'ई।

याकॊब 4:8

नीम धर्मेस हेद्दे बरा, होले आस हूँ निम्है हेद्दे बर'ओस। अना पपहा आलारो, नीम निम्‍है उज्जना नू मलदौ नलख गुट्ठिन अम्बा चि'आ। दुइभिदया आलारो, निम्है जियन निमन नना।

1 पतरस 1:15

निमन चुनचका धर्मेस एकासे नेम्‍हा र'अस, अन्नेम नीम हूँ निम्है सौंसे उज्‍जना ओक्‍कना नू नेम्‍हा र'आ।

1 पतरस 1:17

अरा बिगर तीना ख़ाँड़ना ती उर्मी आलारिन अपन अपन नंजका नलख ही लेक्खा नेंवई ननू मेर्ख़ा बंगासिन नीम गोहरारदर। औंगे इसन ख़ॆख़ेल नू नीम जोक्क उल्ला गे र'उर लेक्खा उज्जना बेड़ा गूटी इल्चका अरा कोड़हे मईन गने उज्जा ऎका।

1 पतरस 1:22

अक्‍कु गा निम्है जिया गुट्ठी मानिमन पॆस्रका ती सुध मन्रकी र'ई। ख़ने नीम निम्है भई बहिनर ही मइय्याँ मानिम चोन्‍हा उइय्कादर। औंगे नीम ओर्त ओर्त गने मानिम जिया गने कोड़हे चोन्‍हा नना।

1 पतरस 2:11

अना चोन्हा आलारो, नीम ख़ॆख़ेल नू जोक्का उल्ला गे र'उर अरा बहरीतर लेक्खा र'अदर। औंगे ऎन निमन आनदन का नीम मॆद ही रिझ रंग गुट्ठी ती तरकूटी र'आ, एकदा निम्है बॊलता ही बिड़दो अरबा-नख्र'ई।

1 पतरस 5:10

अक्कु उर्मी दसा नू उर्मी रकम ही संगरा ननुस धर्मेस निमन मसी येसुस नू ता निम्है पत्त'अना ही चड्डे तंग्है मल मुंज्रना महबा नू मीख़ियस। नीम जोक्क घड़ी सस्ती सारका ख़ॊख़ा आस तानिम निमन पोकता ननोस, अरा बड़ियर ननोस, अरा सवंग चि'ओस ती बड़ियर इज्जत'ओस।

1 यॊहन 1:7

लिकिन धर्मेस बिल्ली नू र'अना लेक्खा नाम हूँ बिल्ली नू उज्जोत होले, मेस्रना नाम ओर्त ओर्त गने र'ओ, अरा आसी ख़द्दस येसुसी ख़ॆंस नमन नम्है उर्मी पाप ती नॊड़ो।

1 यॊहन 1:9

लिकिन नाम नम्है पाप गुट्ठिन आसिन तेंग्र'ओत होले, आस नम्है पाप गुट्ठिन छमा नना गे, अरा नमन नम्है उर्मी मलदौ ती निमन नना गे पत्त'अना जॊगे अरा पूरेम दौले र'अस।

1 यॊहन 3:3

एका ओर्तस आस मइय्याँ एन्ने लेक्खा असरा उइय्दस, आस मसीस नेम्हा र'अना लेक्खा तंगन नेम्हा उइय्दस।