2 कोरिन्‍थ 6:9 - पुना गच्छरना NT (BSI)

⁹ ऎम चिन्‍हार मल्‍कम एन्ने सोचना ती हूँ बॆस चिन्हार आलम र'अदम। ऎम खे'आ बेद्दालदम एन्ने सोचना ती हूँ उज्‍जू आलम र'अदम। ऎम पस्‍का कोड़रका र'अदम, लिकिन मल पिटरदम।

2 कोरिन्‍थ 6:9 ပူးပေါင်းရင်းမြစ်များ

त‍इरकर 17:18

अरा एपिकूरी अरा स्‍तोईकी धरम ता जोक्‍क सिखाब'उर आसी गने कत्‍था बरता मना हेलरर। अरा जोक्‍कोर बाचर, “ई पोरपोरोस एन्‍देर ब'आ बेद्ददस?” अरा नन्नर बाचर, “ईस गा नन्ना देंवता गुट्ठी ही कत्‍था तिंगुस लगदस।” एन्‍देरगेका पौलुस येसुसी अरा आसी उज्‍जा चो'अना ही पत्त नू तेंगा लगियस।

त‍इरकर 19:26

लिकिन नीम ऎरदर अरा मेना लगदर का आ पौलुस गा इफेसुस नू लेका मला लिकिन गोट्टा आसिया नू कोड़हे आलारिन बुझाबाचस ती तंग्‍है आकुस नू नंजस, अरा ब'अदस का ख़ेक्खा गुट्ठी ती कमर‍का देंवता गुट्ठी मानिम धर्मे मल्‍दस।

त‍इरकर 25:19

लिकिन आर तम्‍है धरम ही पत्त नू जोक्‍क कत्‍था गुट्ठी नू अरा येसु नामे ओन्‍टा केचका आलासी पत्त नू आनानख्रर, लिकिन पौलुस येसुसिन उज्‍जा लगदस ब'अदस।

त‍इरकर 25:26

नम्‍है उर्बस कोहाँ बॆलस कैसरस गे ईसी पत्त नू लिख'आ गे इन्द्रिइम हूँ ठौका कत्‍थन अरगम ख़क्‍खका। इदगे ऎन ईसिन निम्है मुन्दहारे नू अरा कोड़हे गा बॆलायो अग्रिप्‍पा, निंग्‍है मुन्‍दहारे ओन्‍द्रकन। नाम ईसिन बिढ़चका ख़ॊख़ा एंगा लिख'आ गे इन्द्रिइम ख़क्‍ख्र'ओ।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

रोमी 8:36

एकासे का नेम्‍हा पुथी नू लिख्रकी र'ई, “निंगा चड्डे गा ऎम गोट्टा उल्‍ला नू खे'अना ही अपलोक नू र'अदम, अरा आलर ती ऎम पिटरना भेंडो लेक्‍खा बुझुरदम।”

1 कोरिन्‍थ 11:32

अन्नु हूँ नाम नेंव‍ई मन्‍तारना बारी सौंसार गने दंडे अम्‍बोत मना गे उर्बस नमन कॊड़दस।

1 कोरिन्‍थ 15:31

अना भईरो! नम्‍है उर्बा मसी येसुस नू निम्‍है पत्त नू र'ई आ एंग्‍है फुलई ती ऎन किरया मॊख़दन ती ब'अदन का ऎन उर्मी उल्‍ला खे'अदन।

1 कोरिन्‍थ 4:9

लिकिन एंगा एन्ने लग्‍गी का, आलर नॆ खे'अना ही पेसेर ख़च्चिकानर आर लेक्‍खा धर्मेस ऎम तइरकारिन ओर्मर ती ख़ॊख़ा र'आ गे नंजकादस। ऎम ख़ॆख़ेल राजी गे अरा मेर्ख़ा पैकर गे अरा आलर गे बॆचना लेक्‍खा मंजकादम।

2 कोरिन्‍थ 11:6

ऎन भासन चि'अना नू सवंगिय मलदन, अन्नु हूँ लूर नू अन्ने मला। ऎम गा इदन उर्मी तरती उर्मी कत्‍था नू दहदर नंजकादम।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

2 कोरिन्‍थ 5:11

औंगे उर्बासिन एल्चना ही मनेन अख़ना ती ऎम आलारिन धर्मेस तरा किर्रा गे रिझ्रत'अदम। ऎम एका लेक्खा आलम एन्ने धर्मेस दौलेम अख़दस। ऎन असरा नन्दन का अन्नेम नीम हूँ इदन अख़दर।