2 कोरिन्‍थ 6:8 - पुना गच्छरना NT (BSI)

⁸ मईन ख़क्‍ख्रकी अरा लज्‍जे मॊख़रकी, ओहमा ख़क्‍ख्रकी अरा हींड़रकी, बहक'ऊ एन्ने सोचना ती हूँ ऎम मानिम जॊगे जॊंख़म र'अदम।

2 कोरिन्‍थ 6:8 ပူးပေါင်းရင်းမြစ်များ

मत्तायोस 10:25

चेलस गे तंग्‍है गुरुस लेक्‍खा अरा जॊंख़स तंग्‍है उर्बस लेक्‍खा मन्ना दिम कोड़हे र'ई। आर एड़पा उर्बस एंगन बॆलजेबूल बाचकानर होले, आसी एड़पातारिन एन्‍देर मल ब'ओर।

मत्तायोस 22:16

आर जोक्को तम्‍है चेलारिन अरा हॆरॊदॆरिन येसुस गुसन ब'आ गे तइय्यर, “अना गुरु! ऎम अख़दम का नीन उजगो आलय अरा नीन धर्मेसी डहरेन मानी गने तेंगदय, नीन आलर एन्‍देर सोच'ओर अदही पत्त नू गुनन मल नन्‍दय, अरा नीन तीना मल ख़ाँड़दय।

मत्तायोस 27:63

“अना बॆलायो, एमा सुरता र'ई का आ भुरइउस उज्‍जालियस ख़ने, बाचकाचस, ‘ऎन तीन उल्‍ला ख़ॊख़ा उज्‍जा चो'ओन।’

मरकुस 12:14

आर येसुस गुसन बरचर ती बाचर, “अना गुरु! ऎम अख़दम का नीन उजगो आलय, नीन आलर एन्‍देर सोच'ओर अदही पत्त नू गुनन मल नन्‍दय, अरा नीन तीना मल ख़ाँड़दय। नीन धर्मेसी डहरेन मानी गने तेंग‍दय। यहूदी नॆग नमन कैसरस गे मालगुजारी चि'आ गे पॆस'ई का मला?

यॊहनस 7:12

अरा गोंहड़ा नू आलर ढ़ॆर कत्‍था आसी पत्त नू तम्‍है नू कले कले कछनख्र'आ लगियर। जोक्‍क आलर ब'आ लगियर, “आस दौ आलस”, लिकिन नन्नर ब'आ लगियर “मला, आस आलारिन भेंवाब'अदस।”

त‍इरकर 10:22

ख़ने आर बाचर, “कोरनेलियोस नॆ सौ सैनर ही मुद्धस अरा उजगो आलस अरा धर्मेसी इल्‍चुस र'अदस। उर्मी यहूदी आलर आसी म‍ईन नन्नर। आस गे ओन्‍टा नेम्‍हा पैकस निंगन आसी एड़पा नू मॆख़ा ओन्‍द्र'आ गे पॆसस अरा निंग्‍है ती सिख्र'आ गे बारकी र'ई।”

त‍इरकर 16:39

औंगे आर‍ बरचर ती आरिन छमा नॆचर अरा आरिन बहरी होच्‍चर ती बिन्‍ती नंजर का नगरे ती बहरी किर्रिम बि'आ।

त‍इरकर 22:12

तहाँ हनानिया नामे आलस एंगन ऎरा बरचस। आस मूसासी नॆगन भगती गने पॆस्र'ऊ आलस रहचस। आस असन र'ऊ उर्मी यहूदी आलर नू बॆस नामे आलस रहचस।

त‍इरकर 24:5

एम्‍है अख़ना ती ई आलस गा हींड़'ऊ आलस हवे, अरा ख़ॆख़ेल ता ओर्मा यहूदीर नू लड़ाई नन्‍त'ऊ आलस हवे, अरा नासरेत ता ओर्तोसी धरम खोंड़हा ही मुद्ध आलस हवे।

त‍इरकर 28:22

लिकिन निंग्‍है ब'अना एन्‍देर र'ई अदिनिम ऎम मेना बेद्ददम। एन्‍देरगेका ऎम अख़दम का उर्मी अड्डा ता आलर ई धरम खोंड़हा ही बिड़दो नू कछनख्रनर।”

त‍इरकर 4:21

ख़ने आर पतरस अरा यॊहनसिन फिन एलेकताचर ती अम्‍बियर चिच्‍चर। अरा आर आरिन दंडे चि'आ गे एन्‍देर ओट्टा हूँ मल ख़क्‍खरा, एन्‍देरगेका ई मंजका पत्त नू उर्मी आलर धर्मेसी ओहमा नना लगियर।

त‍इरकर 5:13

नन्ना आलर नॆखा हूँ ‍आर ही गने मेसरा गे डिढ मल मना लगिया। अन्नु हूँ आलर आरिन नगदे म‍ईन नना लगियर।

त‍इरकर 6:3

औंगे अना भ‍ईरो, निम्‍है ती सात गोटंग आलारिन चाजा, नॆ नेम्‍हा बॊलतस अरा लूर ती निन्‍द्रका ती बॆस नामे ख़क्‍खका र'अनर, आरिन ई नलख नू ओक्‍त'ओत।

रोमी 3:8

एन्ने होले “दौ ख़क्‍खा गे मलदौ ननोम” एन्ने एन्‍देरगे मल ब'ओम? जोक्‍क आलर ऎम हूँ एन्ने ब'अदम ब'अनर ती निं‍दा नन्नर। औंगे एन्ने आलारिन पपहा ठेकाब'अना बॆस र'ई।

2 कोरिन्‍थ 1:18

लिकिन धर्मेस पत्त'अना जॊगे र'अदस, अन्नेम एम्‍है कत्‍था निमा गे “हाँ” एन्ने बाचका ख़ॊख़ा “मला” एन्ने ब'अना लेक्‍खा मल्‍ला।

2 कोरिन्‍थ 11:21

ऎन लज्‍जे मॊख़्रदन ती इदन ब'अदन का ऎम गा इबड़न नना गे सवंग मलका नू रहचकम। अन्नु हूँ नीकईम एका पत्त नू फुलई मना गे डिढ नन्नर होले, अन्नेम ऎन हूँ फुलई मना गे डिढ मनोन। ऎन ओन्टा बोया बेसे इदिन हूँ ब'अदन।

2 कोरिन्‍थ 12:16

निम्है ती जोक्कोर मन्नर का ऎन निमा गे बॊझा मल मंजकन, लिकिन नन्नर सोचनर का ऎन चतरा आलन अरा ठगचका ती निमन बझाबाचकन।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

1 थेस्‍सलोनिकॆयर 2:3

एन्‍देरगेका एम्‍है सिखाब'अना लहर'अना ती मला, महले मलदौ मने गुट्ठी मला, महले ठकना मला।

1 तीमोथियुस 3:7

आस सौंसरिहर नू हूँ बॆस नामे ख़क्ख्रका आलस मन्ना र'ई। औंगे आस निन्‍दा ख़क्‍ख्रकी सैतान ही फंदा नू मल खत्र'ओस।

1 तीमोथियुस 4:10

ओर्मर गे कोड़हे गा आसिन पत्त‍'उर गे बछाब‍'ऊ उज्‍जना धर्मेस म‍इय्याँ नम्‍है असरा र'ई। इदगेम नाम चिहुट अरा तिहा नन्‍तेम र'अदत।

इब्रानी 13:13

औंगे आसी चॊदका हींड़रनन नाम हूँ चॊद'अरकी बखड़े ही बहरी आस गुसन क'ओत।

1 पतरस 4:14

नीम मसीसिन पत्त'ऊ र'अना चड्डे निम्है निंदा मनी होले, नीम धर्मेस ती आसिस ख़क्खुर दिम हिकदर। एन्देरगेका महबा ती निंद्रका धर्मेसी बॊलतस निम्है नू मड़दस।

3 यॊहन 1:12

दॆमॆत्रियोसी पत्त नू ओर्मर बॆस गोवाह तेंगनर, अरा मानी हूँ आसी पत्त नू बॆस गोवाह चि'ई। अरा ऎम हूँ आसी पत्त नू बॆस गोवाह चि'अदम। अरा नीन अख़दय का एम्है गोवाह मानिम र'ई।

दहदर मंजका कत्‍था 3:9

ऎरा, यहूदी मलनर ती तमन यहूदी एन्ने ठक'ऊ सैतान ही गोड़हा एड़पा ता जोक्क आलारिन निंगा गे ऎन चि'ओन। अरा आर बर'ओर ती निंग्है मुन्दहारे ख़ेडमूली खत्र'आ गे नन्त'ओन। अरा आर अख़'ओर चि'ओर का ऎन निंगन चोन्‍हा नंजकादन।