2 कोरिन्‍थ 6:7 - पुना गच्छरना NT (BSI)

⁷ मानी कत्थन तेंगा कुद्दना नू, धर्मेसी सवंग नू, अरा उजगो ही कमहड़न तीना अरा डेब्‍बा ख़ेक्खा नू धरना नू ऎम एम्है गोवाह आबोन ऎद्ददम।

2 कोरिन्‍थ 6:7 ပူးပေါင်းရင်းမြစ်များ

मरकुस 16:20

अरा चेलर उरखरकी उर्मी अड्डा नू दौ कत्‍थन मेन्‍ताचर। अरा उर्बस आरिन अकबक नलख नन्‍त'अना नू आर ही गने नलख ननालियस। इबड़ा नलख गुट्ठी ई कत्‍थन मानिम साबित नंजा।] आमेन।

त‍इरकर 11:21

आर ही गने उर्बासी सवंग रहचा। ख़ने नगदे बग्‍गे आलर पत्ताचर ती उर्बस तरा बरचर।

1 कोरिन्‍थ 1:24

लिकिन यहूदीर ती अरा नन-यहूदीर ती धर्मेस नॆकन मॆख़्रकादस, आर गे मसीस दिम धर्मेसी सवंग अरा धर्मेसी लूर हिकदस।

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

2 कोरिन्‍थ 2:17

बग्‍गेर तम्‍है नफा गे धर्मेसी कत्‍था नू मेसाब'अनर, लिकिन ऎम अबड़ा आलर लेक्‍खा मलकम। ऎम गा धर्मेस ती तइरका आलर लेक्‍खा धर्मेसी मुन्‍दहारे मसीसी सवंग गने मानिम गने कत्‍थन तेंगा कुद्दम।

2 कोरिन्‍थ 4:2

अरा ऎम लज्‍जे ही नुड़ना लेक्खा नलख गुट्ठी मल नन्दम, अरा ऎम कसरहा मल नन्दम, अरा ऎम धर्मेसी कत्‍थन मल बदल'अदम। अन्‍ति मानिमन दहदहर'आ तेंगा कुद्दम ती धर्मेसी मुन्दहारे ओर्त ओर्त आलासी लखना नू ऎम उजगो आलम एन्ने ऎद्ददम चि'अदम।

2 कोरिन्‍थ 7:14

ऎन आसी मुन्दहारे निम्‍है पत्त नू फुलई मंजका ती बाचकन। इबड़ा कत्था नू ऎन लज्‍जे मॊख़ा गे नीम हूँ मल चिच्कर। ऎम उर्मी बेड़ा निम्है गने मानिमन दिम बाचकम। अन्नेम तीतुस गने ऎम निम्है पत्त नू फुलई मंजका ती बाचका कत्था मानिम मंजा।

इफेसुस 1:13

अन्नेम नीम हूँ गा मानिम कत्‍थन एन्ने हवे का निमा गे नाड़रनन चि'ऊ दौ कत्‍थन मेंजकर ख़ने, मसीस नू मंजकर केरकर। अरा नीम मसीसिन पत्ताचकर ख़ने, धर्मेस चि'आ गे गच्छरका नेम्‍हा बॊलतस ती आस निम्‍है मइय्याँ मरका नंजस।

इफेसुस 3:20

अक्कु नाम ने'अना ती महले सोचना ती कोड़हे बग्गे, नम्है नू नलख ननू आसी सवंग ही लेक्खा नमा गे नना गे सवंगिय र'अस, आस गे

इफेसुस 4:21

नीम मानिम नुम आसी पत्त नू मेंजकर। अरा येसुस नू र'ऊ मानी ही लेक्खा आसी पत्त नू नीम सिखाबाचका केरका रहचकर।

कोलोस्से 1:5

धर्मेस निमा गे मेर्ख़ा नू उइय्का रहचका ही मइय्याँ ता असरा तिम ई पत्त'अना अरा चोन्हा बर'ई। ई असरा ही पत्त नू मानी ही कत्था दौ कत्‍थन पत्ताचका बारी नू नीम मेंज ख़च्चकादर।

1 थेस्‍सलोनिकॆयर 5:8

लिकिन नाम गा उल्‍ला ही मंजकत ती जगचका र'अरकी पत्त'अना अरा चोन्‍हा ही कवच अत्तोत, अरा नाड़रना ही असरा आबोन पन्ना ही टोपी बेसे अत्तोत।

2 तीमोथियुस 2:15

नीन बिगर लजर'अम धर्मेसी जॊंख़स र'आ ती, मानिम कत्‍थन लहे लहे बॆस लगे सिखाब'ऊ र'आ ती निंगन धर्मेसी मुन्‍दहारे उजगो आल ऎद'आ गे चिहुट र'आ।

2 तीमोथियुस 4:7

ऎन पत्त'अना ही दौ लड़ाई आबोन लड़चकन। एंग्‍है बोंगनन ऎन बोंगकन मुंजकन। ऎन पत्त'अनन मल अम्‍बकन।

इब्रानी 2:4

धर्मेस हूँ चिन्‍हा अरा अजगुत नलख अरा रकम रकम ही हैकट नलख गुट्ठी ती अरा तंग्‍है मने लेक्‍खा नेम्‍हा बॊलतासी बरदानन ख़ट्टना ती इदही गोवाह चिच्‍चस।

याकॊब 1:18

आस तान गढ़चका उर्मी नू नाम ओन मदहे ती पहिल ख़ंजपा मना गे तंग्‍है मने ती तंग्है मानी कत्‍था ती नमन पुना गढ़चस।