2 कोरिन्‍थ 6:17 - पुना गच्छरना NT (BSI)

¹⁷ औंगे उर्बस एन्ने ब'अदस, “मलदौ आलर ही मझी ती उरखा ती तरकूटी र'आ, अरा सोतबोड़'आ आलॊन अमा एवंसड़'आ, ख़ने ऎन निमन इंझ्र'ओन।

2 कोरिन्‍थ 6:17 ပူးပေါင်းရင်းမြစ်များ

त‍इरकर 2:40

तहाँ पतरस अउरिम कोड़हे कत्‍थन मेन्‍ताचस अरा चेता बाचस, “नीम निमन ई कुचुरहा परिया ती बछाब'आ।”

रोमी 15:7

औंगे एकासे मसीस निमन इंझ्रकादस अन्नेम नीम अपन ती नन्नारिन इंझ्र'आ। इत्रु ती धर्मेसी म‍ईन मनो।

2 कोरिन्‍थ 7:1

अना एंगा चोन्हा भईरो! नमा एन्ने गच्छरना गुट्ठी ख़क्ख्रकी र'ई, औंगे नाम नम्है कया अरा जियन सोतबोड़'आ ननू उर्मी जिनिस ती नमन सुध मंज ख़च्चदत नेकअन। अरा धर्मेसी इल्चक'आ गने नमा नेम्हन पूरा मन्ना ही तरा नलख नन्दत नेकअन।

दहदर मंजका कत्‍था 18:4

फेन ऎन मेर्ख़ा ती अउर ओन्टा सड़ा एन्ने ब'अना मेंजकन, “अना एंग्‍है आलारो, आद ती उरखा बरा, होले नीम अदही पाप गुट्ठी नू मल मेस्र'ओर, अरा अदही मइय्याँ बरना सस्ती निम्‍है मइय्याँ मल बर'ओ।