2 कोरिन्‍थ 6:16 - पुना गच्छरना NT (BSI)

¹⁶ धर्मेसी मन्दिर गे मूर्ति गुट्ठी गने एन्‍देर नता? नाम गा उज्‍जना धर्मेसी मन्दिर हिकदत। एकासे का, धर्मेस बाचकादस, “ऎन आर नू ओक्र'ओन, अरा आर ही मझी नू कुद्दोन नुंगोन, अरा ऎन आर ही धर्मे र'ओन, अरा आर एंग्है आलर र'ओर।”

2 कोरिन्‍थ 6:16 ပူးပေါင်းရင်းမြစ်များ

मत्तायोस 16:16

ख़ने सिमॊन पतरस आनाकिर्ताचस, “नीन मसी, उज्‍जना धर्मेसी ख़द्दय हिकदय।”

मत्तायोस 6:24

नॆ हूँ ऎंड़ उर्बर ही सुसर नना पोलदस। आस गा ओर्तासिन हींड़'ओस अरा नन्नासिन चोन्‍हा ननोस, महले ओर्तस गने मेस्रका र'ओस अरा नन्‍नासिन ख़ाँड़'ओस। ई लेक्‍खम नीम धर्मेसी अरा ख़ॆख़ेल ता खुर्जी ही सुसर नना पोलदर।

लू‍कस 5:36

आस ऎनोटा जोक्‍खा ख़ीरी हूँ आरिन तिंगियस, “नॆ हूँ पुना किचरी ती ओन्‍टा कुटका चर्रनर ती पच्चा किचरी नू मल सट‍ई तुन‍ई, अन्‍ने आस नन्‍दस होले पुना एटर'ओ कालो अरा आद पच्चा गने मेल मल मॊख़ो।

यॊहनस 14:23

येसुस आसिन किर्त'अर बाचस, “नीकईम एंगन चोन्‍हा नन्‍दस होले, आस एंग्‍है सिखाब'अनन मनदस। अरा एम्‍बस आसिन चोन्‍हा ननोस, अरा ऎम आसी गुसन बर'ओम, अरा आस गने उज्‍जोम।

यॊहनस 6:56

नॆ एंग्‍है अहड़न मॊख़दस अरा एंग्‍है ख़ॆंसन ओन्‍दस, आस एंग्‍है नू र'अदस अरा ऎन आस नू र'अदन।

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

रोमी 8:9

लिकिन नीम पाप मॆद सुबहा ही तबे नू मल र'अदर। अरा धर्मेसी बॊलता निम्‍है नू मड़'ई होले, नीम बॊलतस ही तबे नू र'अदर। एका ओर्तस नू मसीसी बॊलता मलकी होले आस मसीसी मलदस।

रोमी 9:26

“नीम एका अड्डा नू एंग्‍है आल मलनर बातारकर, आ अड्डा नुम नीम उज्‍जना धर्मेसी ख़द्दर बातार'ओर।”

1 कोरिन्‍थ 10:21

नीम उर्बासी डुभा अरा नाद ही डुभा दुनू ती ओना पोलदर। अरा नीम उर्बासी खुड़ती अरा नाद गुट्ठी ही खुड़ती दुनू नू मेस्र'आ पोलदर।

1 कोरिन्‍थ 6:19

नीम इदन बलदर का निम्‍है मॆद नेम्‍हा बॊलतासी मन्‍दिर हवे? अरा धर्मेस ती नीम ख़क्‍ख्रका नेम्‍हा बॊलतस निम्‍है नू ओक्रदस। नीम निम्‍है मलदर।

इफेसुस 2:20

अरा तइरकर अरा धर्मेसी कत्‍था तिंगुर नेव हिकनर, आ नेव ही मइय्याँ नीम कम्रकादर। इय्या कोंड़ा ता पखना मसी येसुस दिम हिकदस।

इफेसुस 2:22

अरा आसी नू नीम हूँ नेम्हा बॊलतस ती धर्मेसी ओक्करना अड्डा मना गे ओन संगे मेस्र'अरकी कम्रनुम कादर।

इफेसुस 3:17

अरा मसीस मइय्याँ ता निम्है पत्त'अना ही चड्डे मसीस निम्‍है जिया नू ओक्करदस नेकअन, अरा नीम चोन्‍हा नू मन्न ही पादा ख़ोड़ख़ा एत्तना लेक्खा मनरकी बन्चका र'अन नेकअन।

1 तीमोथियुस 3:15

एन्‍देरगेका एंग्‍है बरना नू घड़ही मनो होले, नीन अख़'ओय का आलर गे धर्मेसी एड़पातर नू एकासे उज्‍जना र'ई, आ एड़पातर दिम उज्‍जना धर्मेसी कलीसिया हवे। ई कलीसिया दिम मानिम सिखाब'अना ही खुटा अरा नेव हवे।

2 तीमोथियुस 1:14

निंगा पत्त'अना ती चिच्का बॆस कत्‍थन नम्‍है म‍इय्याँ मड़चकी र'ऊ नेम्‍हा बॊलतासी सवंग ती बॆस ख़ापा।

इब्रानी 3:6

लिकिन मसीस धर्मेसी आलर नू पत्त'अना जॊगे ख़द्दस र'अदस। नाम डिढ नन्ना ती मसीसी मइय्याँ ता नम्‍है असरा नू बड़ियर इज्‍जका र'ओत होले, नाम धर्मेसी आलत हिकदत।

इब्रानी 8:10

उर्बस फिन ब'अदस का, ‘अबड़ा उल्‍ला ही ख़ॊख़ा ऎन इस्राऎल आलर गने पुना गच्‍छरनन गच्‍छर'ओन, आद ईद का, ऎन एंग्‍है नॆग गुट्ठिन आर ही जिया नू उइय्योन अरा अबड़न आर ही जिया नू लिख'ओन, अरा ऎन आर ही धर्मे मनोन, अरा आर एंग्‍है आल मनोर।

याकॊब 4:5

“नम्है नू ओक्कर'आ गे धर्मेस नमा गे चिच्का नेम्हा बॊलतस, नाम आसी आलर र'आ गे दिम कोड़हे पत्तारदस,” एन्ने नेम्हा पुथी नू अनभनियाँ ती लिख्रकी र'ई एन्ने नीम अमा सोच'आ।

1 पतरस 2:5

नीम हूँ उज्‍जना पखना गुट्ठी लेक्‍खा र'अदर का धर्मेसी बॊलता कमना धर्मेसी एड़पा कम्रनुम कादर। अरा नीम आसी नेम्‍हा नैग खोंड़हा हूँ हिकदर। अरा येसु मसीस एन्देर नंजकादस अदही चड्डे नीम बॊलता दाँड़े गुट्ठिन अरगदर, एकदा धर्मेसिन पत्तार'ई।

1 यॊहन 4:12

धर्मेसिन नॆ हूँ इकला हूँ मल्ला ईरका। लिकिन नाम ओर्त ओर्त गने चोन्हा नन्दत होले, धर्मेस नम्है नू बन्चकादस, अरा आसी चोन्हा नम्है नू बड़ियर मन्र'ई।

1 यॊहन 4:15

एका ओर्तस येसुस धर्मेसी ख़द्दस एन्ने तेंग्रदस, आस नू धर्मेस बन्चकादस, अरा आस हूँ धर्मेस नू बन्चकादस।

दहदर मंजका कत्‍था 2:1

इफेसुस नगरे ता कलीसिया ही पैकस गे एन्ने लिख'आ का: नॆ तंग्‍है तीना ख़ेक्खा नू सात गोट बीनकोन धरचका ती सात गोट सोना ही बिल्‍ली पटनी ही मझी नू कुद्ददस, आस इबड़ा कत्थन ब'अदस का:

दहदर मंजका कत्‍था 21:3

फेन ऎन बॆल-गदिया ती एन्ने ब'अना ओन्टा जॊरसरिया ब'अनन मेजकन, “ऎरा, अक्कुन धर्मेसी डेरा आलर मझी नू र'ई। आस आर ही गने डेरा ननोस अरा अबड़र आसी आलर मनोर। अरा धर्मेस तानिम आर ही गने र'ओस ती आर ही धर्मे मनोस।

दहदर मंजका कत्‍था 21:7

नॆ मलदौ ही मइय्याँ जीत ख़क्‍खोस आस इबड़ा उर्मी आसीसन ख़क्खोस, अरा ऎन आसी धर्मे मनोन, अरा आस एंग्‍है ख़द्द मनोस।