2 कोरिन्‍थ 6:1 - पुना गच्छरना NT (BSI)

¹ धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

2 कोरिन्‍थ 6:1 ပူးပေါင်းရင်းမြစ်များ

मत्तायोस 23:37

अना येरुसलॆम ता आलारो, नीम धर्मेसी कत्‍था तिंगुरिन पिटकर अरा नॆकन निम्है गुसन ऎन त‍इरकन आरिन पखना ल'अदर ती पिटदर। ढ़ॆर हॆल धर्मेस बिद्दयस का ख़ॆर तंग्‍है ख़द्दन डेना किइय्या ख़िवड़'ई, अन्नेम धर्मेस हूँ निम्है ख़द्दारिन ख़ेवड़'ओस, लिकिन नीम एन्ने नना मल चिच्‍चकर।

त‍इरकर 11:23

बरनबास असन अंड़सियस ती धर्मेसी सोग्‍गे आबोन ईरियस ख़ने आस रिझ्रस। आस ओर्मारिन उर्बस नू सौंसे जिया ती मानिम गने बड़ियर र'आ गे रिझ्रताचस।

त‍इरकर 14:3

पौलुस अरा बरनबास बग्‍गे उल्‍ला गूटी असन रहचर अरा डिढ गने उर्बस येसुसी पत्त नू तेंगा लगियर। उर्बस हूँ आर ती चिन्‍हा अरा अजगुत नलख गुट्ठी ऎद'आ गे आर गे सवंग चिच्‍चस ती आर ही कत्‍थन मानिम ऎदस।

रोमी 12:1

अना भ‍ईरो! ऎन निमन बिन्‍ती नन्‍दन का धर्मेस निमा गे नंजकादस आ नलखन सुरता उइय्यरकी नीम निमन धर्मेस गे उज्‍जना दाँड़े बेसे चि'आ, अरा नेम्‍हा उज्‍जना ती आसिन रिझ्रत'आ, इदिम आसी महबा नन्ना ही मानिम डहरे हिके।

1 कोरिन्‍थ 3:9

ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

गलातिया 2:21

ऎन धर्मेसी मया आबोन अयंध'आ ठेकाब'आ पोलदन। नॆग ती उजगो मन्‍ना मनी होले मसीसी खे'अना सिथिया मंजा।

गलातिया 3:4

नीम ई कोड़हे सस्‍तिन सिथियम चॊदकर, अरा दौ कत्‍थन ख़क्‍खकर। अबड़ा उर्मी सस्ती अनभनियाँ अम्‍बो मना।

1 थेस्‍सलोनिकॆयर 3:5

औंगे एंग्‍है नू कयास मल मंजा ख़ने, निम्‍है पत्त'अना ही पत्त नू अख़'आ गे तीमोथियुसिन तइय्कन। इदगेका बिढ़'उस इन्द्रिइम कत्‍था नू बिढ़'ओस अइय्या खत्र'ओर होले, एम्‍है अर्ज'अना अनभनियाँ मनो ई चड्डे ऎन इल्‍चिकन।

तीतुस 2:11

एन्‍देरगेका धर्मेसी मया उर्मी अड्डा ता ओर्मा आलर गे नाड़रनन ओन्‍द्रा।

इब्रानी 12:15

चिहुंक नन्‍ते र'आ का नॆ हूँ धर्मेसी मया आबोन ख़क्‍ख'आ गे अम्‍बोर अम्‍बर'आ, अरा एक‍अम ख़ड़ख़ा निम्‍है मझी नू उरखा गे अमा चि'आ। आद निमा दुक्‍खे चि'अरकी बग्‍गे आलारिन सोतबोड़'आ ननो चि'ओ।

इब्रानी 12:25

औंगे चिहुंक र'आ का निम्‍है गुसन ब'ऊ धर्मेसिन मेना गे बिड़दो मुंही अमा नना। ख़ॆख़ेल नू मूसासी चेताब'अनन मेना गे इस्राऎल आलर बिड़दो मुंही नंजर ती आर पोल्‍लर बछर'आ। अन्ने होले नाम मेर्ख़ा ती चेताब'उसिन मेना गे बिड़दो मुंही ननोत ती एकासे बछर'ओत?

इब्रानी 4:1

धर्मेसी ख़न्न ऎख़्रना अड्डा नू कोरना ही पत्त ता गच्‍छरना अक्‍कु गूटी र'ई। औंगे नमा चिहुंक र'अना र'ई का निम्‍है ती नॆ हूँ अइय्या कोरना ती अम्‍बोर अम्‍बर'आ।

1 पतरस 4:10

नीम ओर्मर धर्मेस ती ख़क्खका इनामन बउरारकी ओर्त ओर्त गे सुसर नना। एन्नेम नन्ना नन्ना रकम ती बरना धर्मेसी मया आबोन मानी गने उय्यू-उस्र'ऊ मना।