2 कोरिन्‍थ 5:7 - पुना गच्छरना NT (BSI)

⁷ एन्‍देरगेका नाम ईरका कत्‍था ती मला पत्त'अना ती ऎकदत।

2 कोरिन्‍थ 5:7 ပူးပေါင်းရင်းမြစ်များ

1 कोरिन्‍थ 13:12

अक्‍कु गा नाम मड़ख़का ऐना नू धुमलहा ऎरना बेसे धर्मेसिन बड़ियर मल ऎरदत, लिकिन ख़ॊख़ा नाम उर्मी कत्‍थन बड़ियर फरीफरी ऎरोत। अक्‍कुन ऎन जुक्‍किम दिम अख़दन, लिकिन ख़ॊख़ा धर्मेस एंगन एकासे बनेम अख़दस अन्नेम ऎन उर्मिन बनेम अख़'ओन।

2 कोरिन्‍थ 1:24

ऎम निम्‍है पत्त'अना म‍इय्याँ आकुस नना गे मल बिद्दकम। ऎम निम्है गने निम्‍है रिझ गे नलख ननू र'अदम, एन्‍देरगेका नीम पत्त'अना नू पखड़ र'अदर।

2 कोरिन्‍थ 4:18

औंगे ऎम ऎथ्रना आलॊ गुट्ठी नू मला, लिकिन मल ऎथ्रना आलॊ गुट्ठिन ऎरते र'अदम। एन्देरगेका ऎथ्रना आलॊ गुट्ठी जुक्‍की उल्ला गे र'ई, लिकिन मल ऎरना आलॊ गुट्ठी जनमजुग गे र'ई।

गलातिया 2:20

ऎन मसीस गने क्रुस नू ठोकरकादन, अक्‍कु ऎन मल्‍ला उज्‍जना, लिकिन मसीस एंग्‍है नू उज्‍जा लगदस। अक्‍कु ऎन एंग्‍है कया नू उज्‍जा लगदन होले धर्मेसी तंग्‍दस येसु मसीस नू पत्त'अना ती उज्‍जा लगदन, एकास एंगन चोन्‍हा नंजस अरा एंगा गे तंग्‍है उज्‍जनन चिच्‍चस।

इब्रानी 10:38

एंग्‍है उजगो आलर पत्त'अना ती उज्‍जोर। लिकिन अबड़र नू एक‍अम ओर्तस पछली किरदस होले, ऎन आसिन मल पत्तार'ओन।”

1 पतरस 1:8

आसिन नीम मल्‍ला ईरका अन्नु हूँ आसिन चोन्‍हा नन्दर। नीम आसिन मल ईरका ती हूँ अक्कु आसिन पत्त'अदर ती तेंगा पोलना रिझ अरा कोड़हे मईन गने रिरयारदर।

1 पतरस 5:9

निम्है पत्त'अना नू बड़ियर मना ती आसी बिड़दो नू जुझर'आ। एन्देरगेका नीम अक्कर का, सौंसे ख़ॆख़ेल नू ता निम्है मसी भई बहिनर हूँ निम्है लेक्खम सस्ती सार'आ लगनर।