2 कोरिन्‍थ 5:20 - पुना गच्छरना NT (BSI)

²⁰ औंगे धर्मेस एम्है तरती दिम तंग्है ने'अनन नन्ना लेक्खा ऎम मसीसी पैकम हिकदम। ई चड्डे नीम धर्मेस गने मेसाब'आ ब'अरकी मसीसी ऊजी नू ऎम निमन ने'अदम।

2 कोरिन्‍थ 5:20 ပူးပေါင်းရင်းမြစ်များ

लू‍कस 10:16

एका ओर्तस निम्‍हैन मेन्‍दस आस एंग्‍हैन मेन्‍दस। अरा एका ओर्तस निमन ख़ाँड़दस आस एंगन ख़ाँड़दस। अरा एका ओर्तस एंगन ख़ाँड़दस आस एंग्‍है त‍इय्‍कासिन ख़ाँड़दस।”

लू‍कस 14:23

उर्बस जॊंख़ासिन बाचस, ‘सड़क गुट्ठी नू अरा ख़ल्ल डहरे गुट्ठी तरा कला ती आलारिन बड़पेलहा नना ओन्‍द्र'आ, एकत्रु एंग्‍है एड़पा निन्‍दन नेक‍अन।’

यॊहनस 20:21

फिन येसुस अउरिम आरिन बाचस, “निमा कोड़े मनन। एकन्ने बंगस एंगन तइय्कादस अन्नेम ऎन हूँ निमन तइय्‍दन।”

रोमी 5:10

एन्‍देरगेका नाम धर्मेसी बैरी र'ओ बारी नाम धर्मेस गने आसी ख़द्दासी खे'अना ती निभ्रदत। अक्‍कुन नाम धर्मेस गने निभ्रकत ख़ने आस नमन तंग्‍दासी उज्‍जना ती दंडे ती नाड़ोस दिम।

2 कोरिन्‍थ 12:10

औंगेम ऎन मसीसी चड्डे एंगा मंजका पयहा ही पत्त नू, अरा लज्जे ही पत्त नू, अरा खिलपत ही पत्त नू, अरा खैतारना ही पत्त नू, सस्ती ही पत्त नू ऎन रिझ गने र'अदन। एन्देरगेका ऎन एकाबारी पयहा र'अदन, आ बारी ऎन सवंगिय र'अदन।

2 कोरिन्‍थ 3:6

आस एमन तंग्है पुना गच्छरना ही सुसर'ऊ मना गे जॊगे मंजकादस। आ गच्छरना लिख्रका नॆग ती मल्‍ली, लिकिन बॊलतस ती मन्रकी र'ई। एन्‍देरगेका लिख्रका नॆग गा पिटी, लिकिन बॊलतस गा उज्‍जना चि'अदस।

2 कोरिन्‍थ 5:11

औंगे उर्बासिन एल्चना ही मनेन अख़ना ती ऎम आलारिन धर्मेस तरा किर्रा गे रिझ्रत'अदम। ऎम एका लेक्खा आलम एन्ने धर्मेस दौलेम अख़दस। ऎन असरा नन्दन का अन्नेम नीम हूँ इदन अख़दर।

2 कोरिन्‍थ 6:1

धर्मेस गने नलख ननू आलम ऎम निमन ने'अदम का धर्मेस ती नीम ख़क्ख्रका मया आबोन अनभनियाँ मना अमा चि'आ।

इफेसुस 6:20

ई दौ कत्था ही चड्डेम ऎन धर्मेसी ओन्टा पैकन हिकदन अरा अक्कु जेहेल नू हॆंरका र'अदन। एंगा एकासे तेंगना र'ई अन्ने डिढ ती तेंगा गे गोहरार'आ।

कोलोस्से 1:20

अरा मसीस क्रुस नू बाहचका ख़ॆंस ती उर्मी आलॊ तंग्है गने सान्ति मना गे डहरे कमचस ती, ख़ॆख़ेल ता अरा मेर्ख़ा ता उर्मी आलॊन मसीस तिम तंग्‍है गने मेसाब'आ गे धर्मेस बिद्दियस।

1 थेस्‍सलोनिकॆयर 4:8

ई चड्डे एकास तिगाब'अनन हींड़दस आस आलारिन मला धर्मेसिन हींड़दस नॆ निमा गे तंग्‍है नेम्‍हा बॊलतासिन चि'अदस।