2 कोरिन्‍थ 5:2 - पुना गच्छरना NT (BSI)

² नाम अक्कु ता ई मॆद नू रेकदत, अरा नाम पुना किचरी लेक्खा ता नम्है मेर्ख़ा मॆदन अत्ता गे चीबाख़ारदत।

2 कोरिन्‍थ 5:2 ပူးပေါင်းရင်းမြစ်များ

रोमी 7:24

ऎन करम फटरका आलन हिकदन। खे'अना नू हो'ऊ ई कया ती एंगन नॆ नाड़ोर?

रोमी 8:23

ई ख़ॆख़ेल लेका मला, लिकिन नाम हूँ पाब ऎरना ती भितरी भितरी रेक'आ लगदत। नाम गा नेम्‍हा बॊलतासिन ख़क्‍खकादत एकदा धर्मेसी गच्छरका ही पहिल ख़ंजपा हिके। औंगे नाम धर्मेसी गोद होच्चका ख़द्द मंज ख़च्‍चना ही पाब ऎरा लगदत। इदही माने का नम्‍है कया पाप अरा खिलपत ती नाड़रना।

1 कोरिन्‍थ 15:51

ऎरा! ऎन निमन ओन्‍टा नूख़्रका भेद ही कत्‍थन तेंगदन। नाम ओर्मत मल खे'ओत, लिकिन छेद्द पेंड़हे ख़रख़ना बारी, ओन घड़ी नू, ख़न्न मिटक'अना गनेम लेक्खा चाड़हेम नाम ओर्मत बदलार'ओत क'ओत। एन्‍देरगेका पेंड़हे ख़रख़ो ख़ने, केच्‍चकर जनमजुग उज्जा गे उज्‍जा चो'ओर, अरा नाम हूँ बदलार'ओत क'ओत।

फिलिप्‍पी 1:23

अक्कु गा ऎन इबड़ा दुयो पत्तारना ही मझी नू छेक्रकादन। ऎन ई उज्जनन अम्बरकी मसीस गने मेर्ख़ा नू र'आ गे बेद्ददन, एकदा एंगा कोड़हे बॆस र'ओ दने।