2 कोरिन्‍थ 5:19 - पुना गच्छरना NT (BSI)

¹⁹ ईद एन्ने हिके का धर्मेस ख़ॆख़ेल ता ओर्मा आल जातियर ही अक्‍का-बलका गुट्ठिन मल गन'अरकी आरिन मसीस नू तंग्‍है गने मेसाबाचस ती ई मेसाब'अना ही कत्थन एमा सोंपचकादस।

2 कोरिन्‍थ 5:19 ပူးပေါင်းရင်းမြစ်များ

मत्तायोस 1:23

“ऎरा! डिं‍डा पेल्‍लो ओत्‍था ऎख़ मनो अरा ओन्‍टा ख़द्दासिन पाको अरा आसिन इम्मानुऎल ब'ओर अदही माने ‘धर्मेस नम्‍है गने र'अदस’।”

यॊहनस 14:20

इकला ऎन उज्‍जा चो'ओन, आ उल्‍लम नीम अख़'ओर का ऎन एम्‍बस नू र'अदन, अरा नीम एंग्‍है र'अदर, अरा ऎन निम्‍है नू र'अदन।

यॊहनस 17:23

ऎन आर ही नू र'अदन, अरा नीन एंग्‍है नू र'अदय, होले आर ओंटम र'अना नू पखड़ मन्नर नेकअन। औंगे नीनिम एंगन तइय्कादय, अरा एकासे नीन एंगन चोन्‍हा नन्दय, अन्नेम आरिन हूँ चोन्‍हा नन्‍दय, एन्ने ख़ॆख़ेल अक्‍ख ख़च्‍चो।

रोमी 11:15

एन्‍देरगेका आर ही अम्‍बरना ही चड्डे धर्मेसी ख़ॆख़ेल गने मेस्रना मंजकी किरकी र'ई, होले इकला आर ही इंझ्रना मनो, आद केच्‍कारिन उज्‍जना ओन्‍द्रना बेसे र'ओ दने।

1 कोरिन्‍थ 13:5

चोन्‍हा मल सोभना कत्‍था मल ननी, अरा आद तंगा दौ गे मल बिद्दी, अरा आद मल बरमार'ई, अरा आद नन्नर तंगा गे नंजका मलदौ ही लेखा मल उइय्यी।

कोलोस्से 2:9

एन्‍देरगेका मसीस नू धर्मे बारना ही उर्मी आलॊ आल रूपे नू मड़चकी र'ई।

1 तीमोथियुस 3:16

ओर्मर अख़नर का महबा ही गम नगदे कोहाँ र'ई। धर्मेस आल कया नू तान ऎथरस अरा नेम्‍हा बॊलतस ती आस धर्मेसी ख़द्दस एन्ने इजताचस अरा मेर्ख़ा पैकर हूँ आसिन ईरियर। आस यहूदी मलनर आ जातियर नू मेन्‍तारस। अरा आस सौंसे ख़ॆख़ेल ता आलर ती पत्ततारस अरा आस मेर्ख़ा नू चोतारस।

1 यॊहन 4:10

नाम धर्मेस मइय्याँ चोन्हा नंजका ती मला, आस नम्है मइय्याँ चोन्हा नंजका ती नम्है पाप गुट्ठिन ओथ्रना ही दाँड़े बेसे तंग्है ख़द्दासिन तइय्यस। ईदिम चोन्हा हवे।