2 कोरिन्‍थ 5:13 - पुना गच्छरना NT (BSI)

¹³ ऎम पूरू र'अदम होले आद धर्मेस गे अन्ने र'अदम, अरा ऎम बॆस लूर नू र'अदम होले आद निम्‍हा दौ गे अन्ने र'अदम।

2 कोरिन्‍थ 5:13 ပူးပေါင်းရင်းမြစ်များ

मरकुस 3:21

आसी एड़पान्‍तर इदन मेंजर, ख़ने आर आसिन तम्है आकुस नू उइय्‍या गे उरखर, एन्‍देरगेका आलर ब'आ लगियर, का आसी बुधि बेड़ारकी र'ई।

रोमी 12:3

एन्‍देरगेका धर्मेस एंगा त‍इरका मन्ना ही मया चिच्‍चस, आ आकुस ती ऎन निमन ओर्मारिन आनदन, एकासे नीम निमन बुझ्रना र'ई अत्रु ती कोड़हे अमा सोच'आ। एकासे का धर्मेस निमा ओर्मर गे ऎ बग्‍गे पत्त'अना ही ख़ंजपा ख़ट्टिका चिच्का र'अदस अदही लेक्‍खा निमन लूरगर गने जोक्ख'आ।

2 कोरिन्‍थ 11:1

एंगा असरा का नीम एंग्‍है बयहन जोक्‍क सह'ओर दने। लिकिन मानिम नू नीम एंग्‍हैन सहदर दिम।

2 कोरिन्‍थ 12:11

ऎन गा बैहा आलर लेक्‍खा कछनख्रदन, लिकिन नीमिम एंगन एन्ने मना गे मंजकादर। नीम एंगन सुमर'अना र'ई। ऎन एन्‍द्रा हूँ मलदन, अन्नु हूँ निम्है ई “कोहाँ तइरकर” ती ऎन एन्‍देर कत्‍था नू हूँ ती सन्नी मलदन।

2 कोरिन्‍थ 12:6

एन्ने ऎन फुलई मना बेद्ददन होले हूँ, ऎन बोया मल मनोन, एन्देरगेका ऎन मानिमन दिम तेंगदन। अन्नु हूँ ऎन एन्ने मल ननोन, एन्देरगेका नॆ हूँ एंग्है नू एन्द्रन ऎरदस अरा एंग्है ती एन्द्रन मेन्दस, अदिन ती कोड़हे एंग्है पत्त नू अम्‍बोर सोच'आ।

2 कोरिन्‍थ 7:12

मानिम नू ऎन आ चिठिन इदगे मल लिखचकन का मलदौ ननू आलर अरा मलदौ सह'ऊ आलर ही एंगा सोच रहचा। लिकिन धर्मेसी ऎरना नू नीम निमन एमा गे ऎ कोड़हे चिच्कादर एन्ने नीम अख़'आ गे दिम ऎन आ चिठिन लिखचकन।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।