2 कोरिन्‍थ 5:10 - पुना गच्छरना NT (BSI)

¹⁰ एन्‍देरगेका नाम ओर्मत मसीसी नेंवई बॆल-गद्दी ही मुन्दहारे इज्जना मनो। ख़ने नाम ओर्त ओर्त कया नू र'अना बेड़ा नंजका दौ मलता मलदौ ही ऊजिन ख़क्‍खोत।

2 कोरिन्‍थ 5:10 ပူးပေါင်းရင်းမြစ်များ

मत्तायोस 16:27

मनवा ख़द्दन ऎन एम्‍बासी महबा अरा आसी पैकर गने किर्रोन। अरा आ उल्‍ला ऎन ओर्मर गे तम्‍‍है तम्‍‍है नलख लेक्‍खा ख़ंजपा चि'ओन।

त‍इरकर 10:42

अरा आस एमन पॆसस का ऎम आलारिन तेंगोम अरा गोवाह चि'ओम का धर्मेस आसिन उज्‍जना आलर अरा केचका आलर ही नेंव‍ई ननू कमचकादस।

त‍इरकर 17:31

एन्‍देरगेका आस ओन उल्‍लन ओकताचकादस। अउला आस आसी चाजरका आलस ती गोट्टा ख़ॆख़ेल ता आलारिन उजगो ती नेंव‍ई ननोस। आ आलासिन आस केचका ती उज्‍जा चॊदताचस ती ई कत्थन ओर्मारिन मानिम ऎदका र'अस।”

रोमी 2:16

ऎन निम्‍है नू तिंका दौ कत्‍था ही लेक्‍खा धर्मेस म‍सी येसुस ती आ उल्‍ला नू उर्मी आलर ही नूख़ुरका कत्‍था गुट्ठी ही नेंव‍ई ननोस।

रोमी 6:19

ऎन निम्‍है मॆद सुबहा पयहा चड्डे निमन सेब्‍बा ती बुझ्र'आ गे ई कत्‍थन ब'अदन। नीम मुन्‍द निम्‍है मॆद ही अंग गुट्ठिन पाप अरा मलदौ गे जॊंख़ मना चिच्‍चकर, अरा नीम मलदौ गे लेका उज्‍जकर। अन्नेम नीम निमन उजगो उज्‍जना ही जॊंख़ मना गे चि'अना मनो। एकत्रु नीम नेम्‍हा मनोर क'ओर।

1 कोरिन्‍थ 4:5

औंगे ठंचका बेड़ा ही मुन्‍द नीम नॆख'आदिम नेंवई अमा नना, उर्बासी बरना गूटी पाब ऎरा। आस ऊख़ा नू नूख़्रका कत्‍था गुट्ठिन बिल्‍ली नू ऎद'ओस, अरा आलर ही जिया गुट्ठी ही सोच गुट्ठिन दहदर ननोस। आ बारी धर्मेस तरती ओर्त ओर्त तंग्‍है ओहमन ख़क्‍खोर।

2 कोरिन्‍थ 7:3

ऎन निमन बदी टिड़'आ गे इदन मल ब'अदन। अन्‍ति ऎन गा मुन्देम बाच ख़च्‍चकन का ऎम निम्है गने उज्जा गे अरा खे'आ गे हूँ सपड़ारका र'अदम, ई लेक्खा नीम एम्है जिया नू अड्डा ख़क्खका र'अदर।

इफेसुस 6:8

एन्‍देरगेका नीम अख़दर का नेकईम बिट्ठी ननू जॊंख़ महले छछिन्द र'अस, तंग्है तंग्है नन्ना दौ नलख ही लेक्खा उर्बस ती इनामन ख़क्खोस।

इब्रानी 9:27

एकासे का आलर गे ओंग्‍होन खे'अना अरा अदही ख़ॊख़ा नेंवई मन्ना ओक्‍तारकी र'ई।

1 पतरस 4:5

लिकिन सुरता उइय्या का एकास केचका अरा उज्जना आलारिन नेंवई नना गे सपड़ारका र'अदस आस गे आर लेखा चि'अना र'ओ।

दहदर मंजका कत्‍था 2:23

अरा ऎन अदही गने चॊंख़्र'उरिन पिटोन। होले उर्मी कलीसिया गुट्ठी अख़'ओ का जिया अरा मन गुट्ठी ही बिढ़'ऊ ऎनिम हिकदन। अरा ऎन नीम ओर्त ओर्त गे नीम नंजका नलख गुट्ठी ही लेक्खम किर्रत'ओन चि'ओन।

दहदर मंजका कत्‍था 22:12

येसुस ब'अदस, “ऎरा, ऎन चाँड़हे बर'आ लगदन। अरा ओर्त ओर्त नंजका ही लेक्‍खा आस गे ऎन चि'अना इनाम एंग्‍है गुसन र'ई।