2 कोरिन्‍थ 5:1 - पुना गच्छरना NT (BSI)

¹ नाम अख़दत का नम्है मॆद एकदा इसन ई ख़ॆख़ेल नू नाम उज्जना एड़पा धस्‍तार'ओ कालो, लिकिन नमा गे धर्मेस तरती मेर्ख़ा नू आलर ती मल कम्रका ओन्टा एड़पा र'ई, आद जनमजुग र'ओ।

2 कोरिन्‍थ 5:1 ပူးပေါင်းရင်းမြစ်များ

मरकुस 14:58

“ऎम ईसिन एन्ने ब'अना मेंजका र'अदम, ‘ऎन आलर ती कमचका ई धर्मेसी मन्दिर आबोन धस'ओन चि'ओन, अरा तीन उल्‍ला नू ऎन नन्ना कम'ओन, आद आलर ही ख़ेक्खा ती कमरका मल र'ओ’।”

त‍इरकर 7:48

अन्नु हूँ उर्मी ती कोहाँ धर्मेस आलर ही कमचका एड़पा नू मल र'अदस। एकासे का धर्मेसी कत्था तिंगुस बाचस,

1 कोरिन्‍थ 3:9

ऎम गा धर्मेस गने नलख ननू हिकदम, अरा नीम धर्मेसी ख़ल्ल अरा एड़पा लेक्खा हिकदर।

2 कोरिन्‍थ 4:7

लिकिन ई खुर्जिन ख़ज्‍ज ही संजगी लेक्खा र'उर ऎम ख़क्खकादम। इत्रु अख़तार'ओ का ई कोहाँ सवंग एम्‍है ती मला धर्मेस ती हवे।

2 कोरिन्‍थ 5:4

नाम मॆद ही ई कुम्‍बा नू र'अना बेड़ा गूटी ओत्‍था ती कज्रका रेक'अत र'अदत। ईद एन्ने मल्ला का नाम केचकत ती ई ख़ॆख़ेल ता मॆदन अम्बना कानन पत्तारदत। लिकिन नाम गा मेर्ख़ा मॆदन अत्ता गे दिम पत्तारदत। ख़ने ई खि'ऊ मॆद जनमजुग उज्जना ती नुलख़र'ओ क'ओ।

कोलोस्से 2:11

नीम निम्है पाप ही सुबहा आबोन अम्बका ती नीम हूँ मसीस नू खतना ख़क्खकादर। ई खतना आलर ही ख़ेक्खा ती मल मंजकी र'ई, लिकिन मसीस ती मंजकी र'ई।

2 तीमोथियुस 1:12

औंगेम ऎन ई दुक्‍खेन हों चॊद्दन, लिकिन मल एल्‍चदन। एन्‍देरगेका नॆकन ऎन पत्त'अदन अदन अख़दन। एंगा असरा र'ई का आस एंग्‍है नलखन रायबड़ी उल्‍ला गूटी ख़ापा ओंग्दस।

इब्रानी 11:10

एन्‍देरगेका आस धर्मेसी ती चिताबुता नंजका अरा कमचका जनमजुग ही नगरे ही पाब ऎरा लगियस।

इब्रानी 9:11

लिकिन मसीस बरना दौ आबोन चि'ऊ कोहाँ नैग मंजस ती बरचस ख़ने, आस इत्रु ती कोहाँ अरा कोड़हे पखड़ मेर्ख़ा ता कोहाँ कुम्‍बा नू कोरचकादस, एकदा आलर ही ख़ेक्खा ता कम्रका मल्‍ली अरा ई गढ़्रका सौंसे ही हूँ मल्‍ली।

इब्रानी 9:24

मसीस गा आलर ही ख़ेक्खा ती कम्रका कोड़हे नेम्‍हा अड्डा नू मल कोरचस, एकदा मेर्ख़ा नू र'ऊ मानिम कोड़हे नेम्‍हा अड्डा ही रूपे लेक्‍खा नू र'ई। लिकिन आस मेर्ख़ा नुम कोरचस ती नमा संगरा नना गे अक्‍कु धर्मेसी मुन्‍दहारे र'अदस।

1 पतरस 1:4

इदही गने धर्मेस निमा गे ओन्टा कोड़हे आसीसन मेर्ख़ा नू उइय्कादस। आद इकला हूँ मल नठार'ई अरा सोतरा मल मनी अरा मल चड़मी।

2 पतरस 3:11

ई लेक्खम इबड़ा उर्मिम नठारना र'अना ती, नीम एका लेक्खा आलर र'अना र'ई? नीम धर्मेस गे इल्चका ती नेम्हा उज्जनन उज्जना र'ई।

1 यॊहन 3:14

नाम अख़दत का नाम नम्है संगे मसी भईर गने चोन्हा नन्ना ही चड्डे खे'अना ती उरखकत ती उज्जना नू कोरचकत। लिकिन एका ओर्तस तंग्है संगे मसी भईर गने चोन्हा मल नन्दस, आस अक्कु गूटी खे'अना ही तबे नू र'अदस।

1 यॊहन 3:19

इत्रुम नाम अख़'ओत का नाम नम्है उज्जनन मानिम कत्था ही लेक्खा उज्जदत। होले धर्मेसी मुन्दहारे नाम डिढ गने इज'आ ओंगोत।

1 यॊहन 3:2

अना दुलारो, अक्कु नाम धर्मेसी ख़द्दत र'अदत। लिकिन अक्कु गूटी दहदर मल्ला मंजका का बरना बेड़ा नू नाम एका लेक्खा र'ओत। इवंदम अख़दम का इकला मसीस किर्रोस नाम हूँ आसी लेक्खा र'ओत, एन्देरगेका आस एकासे र'अस अन्नेम नाम आसिन ऎरोत।