2 कोरिन्‍थ 4:8 - पुना गच्छरना NT (BSI)

⁸ ऎम ओनबेंड़र'आ ती ख़ॊसरदम, लिकिन हार मल मन्दम। अकबक गा मन्दम, लिकिन मल हेन्‍दो मन्दम।

2 कोरिन्‍थ 4:8 ပူးပေါင်းရင်းမြစ်များ

यॊहनस 14:18

ऎन निमन टुरा गुट्ठी लेक्‍खा मल अम्‍बोन, ऎन निम्‍है गुसन किर्रोन बर'ओन।

1 कोरिन्‍थ 10:13

आलर गे बर'ई आ बिढ़्रना ती नन्‍ना बिढ़्रना निमा गे मल बर'ई। धर्मेस पत्त'अना जॊगे र'अस। आस निमन चॊद'आ पोलना बिढ़्रना नू मल मना चि'ओस, अरा बिढ़्रना ही गने अइय्या ती उरखना ही डहरे हूँ ऎद'ओस, एकत्रु नीम अदिन सह'आ ओंगोर।

2 कोरिन्‍थ 12:10

औंगेम ऎन मसीसी चड्डे एंगा मंजका पयहा ही पत्त नू, अरा लज्जे ही पत्त नू, अरा खिलपत ही पत्त नू, अरा खैतारना ही पत्त नू, सस्ती ही पत्त नू ऎन रिझ गने र'अदन। एन्देरगेका ऎन एकाबारी पयहा र'अदन, आ बारी ऎन सवंगिय र'अदन।

2 कोरिन्‍थ 6:12

ऎम निम्‍है मइय्‍याँ गोट्टा जिया ती चोन्हा नन्दम, लिकिन नीम गा एम्है मइय्याँ गोट्टा जिया ती चोन्हा मल नन्दर।

2 कोरिन्‍थ 6:4

लिकिन ऎम धर्मेसी मानिम जॊंख़म एन्ने उर्मी मदहे नू एम्है उज्‍जना ओक्‍कना ती ऎद्ददम। कोड़हे खतीर नन्ना नू, कलपारना नू, कीड़ा नू, सस्ती नू,

2 कोरिन्‍थ 7:5

एन्‍देरगेका ऎम मकेदोनिया बरचकम ख़ने हूँ, एमा गे सल्‍ल मल ख़क्ख्रा। लिकिन ऎम उर्मी तरती खिलपत ख़क्खकम, बहरी नग्गानख्रना अरा भितरी इल्चका रहचा।

गलातिया 4:20

मने गा लग्‍गी का अक्‍कु ऎन निम्‍है गुसन बर'ओन ती नन्‍ना घत ती ब'ओन, एन्‍देरगेका एंगा निम्‍है पत्त नू दोभिदिया मनी।