2 कोरिन्‍थ 4:7 - पुना गच्छरना NT (BSI)

⁷ लिकिन ई खुर्जिन ख़ज्‍ज ही संजगी लेक्खा र'उर ऎम ख़क्खकादम। इत्रु अख़तार'ओ का ई कोहाँ सवंग एम्‍है ती मला धर्मेस ती हवे।

2 कोरिन्‍थ 4:7 ပူးပေါင်းရင်းမြစ်များ

मत्तायोस 13:44

अउरिम येसुस बाचस, “मेर्ख़ा राजी ख़ल्‍ल नू मंड्रका खुर्जी लेक्‍खा र'ई, अदिन एकअम आलस बिद्दियस ती आ ख़ल्‍ल नुम मंडियस चिच्‍चस, अरा रिझ ती केरस ती तंग्‍है उर्मिन बीसियस ती आ ख़ल्‍लन ख़िन्‍दियस।

मत्तायोस 13:52

तहाँ येसुस आरिन बाचस, “औंगे अबड़ा उर्मी नॆग सिखाब'उर नॆ मेर्ख़ा राजी ही पत्त नू सिख्रका र'अनर आर आ एड़पा आबस बेसे र'अनर, नॆ तंग्‍है भंडार ती पच्चा अरा पुना जिनिस गुट्ठिन ओथ्रदस।”

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

1 कोरिन्‍थ 1:28

ख़ॆख़ेल कोहाँ ब'ई अदन एन्‍द्रा हूँ मलका लेक्‍खा नना गे धर्मेस ख़ॆख़ेल ही ऎरना नू सन्नीरिन अरा आलर ही ऎरना नू हींड़रका बुझुरकारिन अरा ख़ॆख़ेल ही ऎरना नू एन्‍द्रा हूँ मलकर एन्ने बुझुरका आलारिन चज्जिकादस।

2 कोरिन्‍थ 10:10

एन्देरगेका एंग्है पत्त नू जोक्‍क आलर एन्ने ब'अनर का, “आसी चिठी गुट्ठी बोझा अरा अरबना र'ई। लिकिन आस एम्है गने र'अदस ख़ने, आस पयहा र'अस अरा कछनख्रना नू सवंगिय मलका बेसे र'अस।”

2 कोरिन्‍थ 13:4

मानिम नू आस पयहा आल कया नू क्रुस नू टोकतारस, अन्नु हूँ धर्मेसी सवंग ती उज्‍जालदस। अन्नेम ऎम हूँ गा आस नू पयहा र'अदम, लिकिन धर्मेसी सवंग ती निमा गे सुसर नना गे आस गने उज्‍जोम।

2 कोरिन्‍थ 4:1

धर्मेसी सोग्‍गे एम्‍है मइय्याँ मंजा ती एमा ई सुसर'अना ही नलख चीतारा, औंगे ऎम कहियों मल हदियारदम।

2 कोरिन्‍थ 5:1

नाम अख़दत का नम्है मॆद एकदा इसन ई ख़ॆख़ेल नू नाम उज्जना एड़पा धस्‍तार'ओ कालो, लिकिन नमा गे धर्मेस तरती मेर्ख़ा नू आलर ती मल कम्रका ओन्टा एड़पा र'ई, आद जनमजुग र'ओ।

2 कोरिन्‍थ 6:10

ऎम दुक्खे सार'ऊ एन्ने सोचना ती हूँ उर्मी बेड़ा रिझ्र'ऊ आलम हिकदम। ऎम कीड़र लेख्रदम अन्नु हूँ बग्‍गेरिन उर्ब कमदम। एम्‍है गुसन एन्दरा हूँ मलकी अन्नु हूँ उर्मी जिनिसन अर्ज'अदम।

इफेसुस 2:5

नाम नम्है अक्का-बलका गुट्ठी ही चड्डे केचका रहचकत ख़ने हूँ, आस नमन मसीस गने उज्‍जताचस। अरा आसी मया ती नीम नाड़रका र'अदर।

इफेसुस 3:8

ऎन उर्मी नेम्हा आलर ती सन्नी र'अदन, अन्नु हूँ एंगा गे ई मया चितारा का ऎन नन-यहूदीर गे मसीसी मल मुंज्रना कोहाँ खुर्जी ही पत्त ता दौ कत्‍थन तेंगोन।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

कोलोस्से 2:12

अरा नॊड़रना नू नीम मसीस गने माड़रदर कादर ती आसिन केचका मद्धेर ती उज्‍जा चॊचका धर्मेसी सवंग मइय्याँ ता निम्है पत्त'अना ती नीम हूँ मसीस गने पुना उज्जना गे उज्‍जा चॊचकादर।

कोलोस्से 2:3

उर्मी लूर अरा अक्किल मसीस नू नूख़्रकी र'ई।

1 थेस्‍सलोनिकॆयर 1:5

एम्‍है दौ कत्‍था निम्‍है गुसन कत्‍था लेका नू मल्‍ला अंड़सका, लिकिन नेम्हा बॊलतासी सवंग अरा कोड़हे पोकता गने हूँ अंड़सिया। एकासे का नीम अख़दर ऎम निमा गे निम्‍है मझी नू एकासे नंजकम ती रहचकम।

1 थेस्‍सलोनिकॆयर 4:4

अरा नीम ओर्मर नेम्‍हा अरा मईन गने निम्‍है मॆदन सम्ड़ह'आ गे सिख्र'आ,

2 तीमोथियुस 2:20

ओन्‍टा कोहाँ एड़पा नू सोना चाँदी ही लेका मला, लिकिन कंक अरा ख़ज्‍जो ही संजगी गुट्ठी हों मनी। एकदा एकदा महबा गे अरा एकदा एकदा सन्नी नलख गे र'ई।