2 कोरिन्‍थ 4:6 - पुना गच्छरना NT (BSI)

⁶ “ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

2 कोरिन्‍थ 4:6 ပူးပေါင်းရင်းမြစ်များ

लू‍कस 10:22

एम्‍बस एंगा गे उर्मी लूर अरा सवंगन सोंपचकादस। अरा नॆ हूँ बलनर का ऎन नॆ हिकदन एम्‍बस लेका अख़दस। अरा बंगस एकास अदिन नॆ हूँ बलनर ऎन लेका अख़दन, अरा ऎन नॆकन नॆकन बंगासिन ऎद'आ बेद्ददन आर अख़'ओर।”

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 11:40

येसुस अदिन बाचस, “ऎन निंगन नीन पत्त'ओय होले धर्मेसी महबन ऎरोय एन्ने मल बाचका रहचकन का?”

यॊहनस 12:41

यसायास येसुसी महबन ईरका चड्डे आसी पत्त नू तिंगियस ख़ने, इबड़ा कत्‍थन बाचस।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

1 कोरिन्‍थ 12:8

एकासे का ओर्तस गे नेम्‍हा बॊलतस ती हया ही कत्‍था, अरा नन्‍नस गे आ बॊलतस तिम लूर ही कत्‍था चीरकी र'ई।

2 कोरिन्‍थ 2:10

अक्‍कुन नीम नॆकन इन्द्रिइम छमा नन्‍दर, आसिन ऎन हूँ छमा नन्‍दन। ऎन छमा नना गे इन्द्रिइम र'ई होले, अदिन ऎन निम्‍है चड्डे मसीसी मुन्‍दहारे छमा नंजकादन।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

इफेसुस 1:17

अरा नीम धर्मेसिन अउरिम कोड़हे अख़'आ गे, आस निमन लूर अरा चलख़रनन चि'ऊ नेम्हा बॊलतस ती नीदा गे गोहरारदन। इदगे नम्है उर्बस येसु मसीसी धर्मेस महबा ही बंगस गुसन गोहरारते र'अदन।

इफेसुस 1:18

ऎन गोहरारदन का आस निमा जिया गे बिल्‍ली चि'अदस नेकअन। अत्रु तिम आस निम्है मॆख़ना ही असरा आबोन नीम अख़'आ ओंगोर, अरा तंग्है नेम्हा आलर गे मंजका आसीस ही महबा ही खुर्जी आबोन नीम अख़'ओर चि'ओर।

इफेसुस 5:8

एन्देरगेका मुन्द नीम ऊख़ा रहचकर, लिकिन अक्‍कु नीम उर्बासी र'अना ती बिल्‍ली र'अदर। औंगे बिल्‍लिन ता ख़द्दर लेक्‍खा ऎका।

फिलिप्‍पी 2:6

आस धर्मेसी रूपे नू रहचस, अन्नु हूँ धर्मेसी जोक्खा र'अनन धर'अर उइय्का र'आ गे मल सोच्चस।

कोलोस्से 1:15

मसीस गा मल ईथ्र'ऊ धर्मेसी रूपे नू र'अदस, अरा सौंसे गढ़्रका ही कोहाँ हिकदस, अरा धर्मेसी जेट्ठा ख़द्द हिकदस।

1 थेस्‍सलोनिकॆयर 2:12

ऎम निमन सिखाबाच‍कम अरा रिझ्रताचकम अरा घड़ी घड़ी बुझाब'आ लिक्‍कम का निम्‍है उज्‍जना ओक्‍कना धर्मेसी जॊगे मन्ना र'ई, एकास निमन तंग्‍है राजी अरा महबा नू मॆख़दस।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 6:4

एन्‍देरगेका नॆ ओंग्‍होन धर्मेसी बिल्‍ली नू रहचकर अरा धर्मेसी आसीस आबोन अगमाचकानर अरा तम्‍है बटा ही नेम्‍हा बॊलतासिन ख़क्‍खकानर,

1 पतरस 1:12

आर गे तेंगतारा केरा का इबड़ा कत्था गुट्ठी तम्है उज्जना बेड़ा नू मल मनो, लिकिन बग्गे चाँन ही ख़ॊख़ा निम्है बेड़ा नू मनो। अरा मेर्ख़ा ती तइरका नेम्हा बॊलतासी सवंग ती निमा गे दौ कत्था तिंगुर ती अक्कुन ई दौ कत्था मेन्तारकी र'ई। ईद कोड़हे बॆस हवे का मेर्ख़ा पैकर हूँ इबड़ा कत्‍था गुट्ठी मन्नन ऎरा गे चिबाख़ारनर।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

2 पतरस 1:19

ई अनुभव ही चड्डे ऎम धर्मेसी कत्था तिंगुर ती तिंका कत्था गुट्ठी नू अउर हूँ कोड़हे असरा उइय्दम। नीम ईर ही कत्था गुट्ठी नू कोड़हे चिहुट नन्ना र'ई। एन्देरगेका आर ही कत्था गुट्ठी, पहपहरना गूटी अरा मसीस बिज-बीनको निम्है जिया नू बिल्चना गूटी ऊख़ा नू बिल्चना बिल्ली लेक्खा र'ई।