2 कोरिन्‍थ 4:4 - पुना गच्छरना NT (BSI)

⁴ ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 4:4 ပူးပေါင်းရင်းမြစ်များ

मत्तायोस 13:22

अरा एकदा अच्‍च-ख़ोप्‍पा नू चाँख़्रा, आद ईद हवे, एकासे कत्‍थन मेन्‍दस लिकिन ख़ॆख़ेल ता फिकर अरा खुर्जी अरा मया-मॊह आसिन अरबिया ख़ने आस ख़ंज'आ पोलदस।

यॊहनस 1:14

अक्‍कु आ कत्‍था आल मंजस ती मया दरा मानिम ती निंद्रका ती नम्‍है मझी नू उज्‍जियस। अरा नाम आसी महबन ईरकत, आद धर्मे बंगासी ओर्त लेका ख़द्दासी महबा ही जोक्‍खा महबा दिम रहचा।

यॊहनस 1:18

धर्मेसिन इकला हूँ नॆ हूँ मल ईरकानर। धर्मे बंगासी जिया हेद्दे र'ऊ आसी ओर्त लेका ख़द्दस धर्मेस, धर्मेसिन नमा गे दहदर नंजकादस।

यॊहनस 12:31

अक्‍कु दिम ई ख़ॆख़ेल ता नेंवई मन्‍ना ही बेड़ा हवे। अरा अक्‍कु दिम ई ख़ॆख़ेल ही अक्‍स'ऊ सैतान बहरी हेबड़तार'ओ।

यॊहनस 12:35

ख़ने येसुस आरिन बाचस, “बिल्‍ली अक्‍कुन निम्‍है गने जुक्‍किम बेड़ा गे र'ओ। ऊख़ा निमन कुलना ती मुन्‍द, बिल्‍ली निम्‍है गने र'अना बारिम नीम अइय्या नू ऎका। ऊख़ा नू ईकू आलस तान एसन कादस अदिन बलदस।

यॊहनस 12:40

“धर्मेस आर ही ख़न्‍नन कना, अरा आर ही जियन बेड़हा नंजका र'अस। एन्ने अम्‍बो मना का आर ख़न्‍न ती ऎरोर, अरा जिया ती बुझुर'ओर, अरा आर एंग्‍है गुसन किर्रोर बर'ओर, अरा ऎन आरिन कोड़े ननोन।”

यॊहनस 12:45

अरा नॆ एंगन ऎरदस आस एंग्‍है तइय्‍युसिन ऎरदस।

यॊहनस 14:30

ऎन निम्‍है गने अउर घड़ी मल कछनख्र'ओन, ईगेका ई ख़ॆख़ेल ता अक्‍स'उस बर'आ लगदस। आस गे एंग्‍है म‍इय्याँ अदिया मल्‍ला।

यॊहनस 15:24

एका अजगुत नलख गुट्ठिन नॆ हूँ मल नंजका रहचर आ अजगुत नलख गुट्ठिन आर ही मझी नू ऎन मल नंजका रहचकन होले, आर ही म‍इय्याँ पाप ही बदी मल लग्‍गो दने। लिकिन अक्‍कु गा आर ऎन एन्‍देर नंजकन अबड़ा ओर्मन ईरियर, अन्नु हूँ आर एंग्‍है गने अरा एम्‍बस गने हींड़का र'अनर।

यॊहनस 16:11

अरा ई ख़ॆख़ेल ही उर्बस नेंव‍ई मंज ख़च्चिका ती नेंव‍ई ही पत्त नू आस तेंगोस।

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

त‍इरकर 26:23

मसीस दुक्‍खे भोग'ओस अरा केचका मधेर ती उर्मी ती मुन्‍द उज्‍जा चो'ओस ती यहूदीरिन अरा नन-यहूदीरिन हूँ धर्मेसी बिल्‍लीन ओन्‍द्र'ओस।”

1 कोरिन्‍थ 10:20

मला। लिकिन एकाबड़न आर दाँड़े अरगनर, अबड़न धर्मेस गे मला नाद गुट्ठी गे दाँड़े अरगनर। अरा नीम नाद गुट्ठी गने मेस्र'आ गे ऎन मल बेद्ददन।

2 कोरिन्‍थ 2:11

सैतान नमन अम्‍बो बगड़'आ गे अन्ने नंजकन। एन्‍देरगेका नाम आसी चाल गुट्ठिन बलना लेक्‍खा मल्‍ला।

2 कोरिन्‍थ 2:12

एकाबारी ऎन मसीसी दौ कत्‍था मेन्‍त'आ गे त्रोआस नगरे नू बरचकन ख़ने, असन उर्बस एंगा गे ओन्‍टा बली तिसगस चिच्‍चस।

2 कोरिन्‍थ 3:11

ख़ने एकदा मड़ख़ना रहचा आद महबा गने बरचा होले, एकदा उर्मी उल्ला र'ओ अदही महबा एका कोड़हे र'ओ दने!

2 कोरिन्‍थ 3:14

लिकिन आर ही जिया गुट्ठी बेड़हा मंजकी किरकी रहचा। इन्ना गूटी हूँ गा पच्चा गच्छरनन पढ़ना बारी आ कुलकुटरना मल ओथ्रना बारिम र'ई। एन्देरगेका मसीस दिम अदिन चलख़'आ ओंग्दस।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

गलातिया 1:4

येसुस दिम धर्मेसी अरा बंगासी मने ती ई मलदौ ख़ॆख़ेल ती नमन नाड़ा गे नम्‍है पाप गुट्ठी गे केच्‍चस।

इफेसुस 2:2

आ बेड़ा नू नीम ई ख़ॆख़ेल ता मलदौ डहरे नू ईक्कर। अरा नीम ताका राजी ता बॊलता ही सवंग गुट्ठी मइय्याँ राजी ननुस गेम पॆस्रकर। अरा आ बॊलता दिम धर्मेसिन मल पॆस्र'उर मइय्याँ अक्कु नलख ननी।

इफेसुस 6:12

एन्‍देरगेका नम्‍है ई अरबानख्रना ख़ॆंस अरा अहड़ा ती लेका मला। ईद मलदौ राजी ननुर गे, अरा मल ऎथरना सौंसे ही अदिया गुट्ठी गे, अरा ई ख़ॆख़ेल ही ऊख़ा ही कोड़हे सवंग गुट्ठी गे, अरा ताका ही राजी ता मलदौ बॊलता गुट्ठी गे बिड़दो नू र'ई।

फिलिप्‍पी 2:6

आस धर्मेसी रूपे नू रहचस, अन्नु हूँ धर्मेसी जोक्खा र'अनन धर'अर उइय्का र'आ गे मल सोच्चस।

कोलोस्से 1:15

मसीस गा मल ईथ्र'ऊ धर्मेसी रूपे नू र'अदस, अरा सौंसे गढ़्रका ही कोहाँ हिकदस, अरा धर्मेसी जेट्ठा ख़द्द हिकदस।

कोलोस्से 1:27

धर्मेस ई गम ही महबा ही मॊल आबोन नन-यहूदीर गे हूँ अख़त'आ गे बिद्दियस। इदिम आ गम का मसीस निम्है नू उज्जदस। ईद निमन आसी महबा नू मेस्रना ही असरा चि'ई।

1 तीमोथियुस 1:11

ई दौ सिखाब'अना उर्मी ती धन्‍य धर्मेसी महबा ही दौ कत्‍था ती बर'ई, एकदा एंगा सोंपरकी र'ई।

तीतुस 2:13

नाम ई कोहाँ असरा ती पाब ऎरदत का इकला नमन उबर ननू नम्‍है कोहाँ धर्मेस येसु मसीसी महबा ही बरना र'ई।

इब्रानी 1:3

आस धर्मेसी महबा ही त्रास ऎथ्रदस अरा आसी सुबहा आबोन अन्नेम ऎद्ददस। आस तंग्‍है सवंगिय कत्‍था ती ओर्मा जिनिसन समड़'अदस। आस नम्‍है पाप गुट्ठिन सुध नंजस ती उर्मी सवंग ती निन्‍द्रका धर्मेसी तीना पक्‍खे उक्‍का र'अदस।

इब्रानी 6:4

एन्‍देरगेका नॆ ओंग्‍होन धर्मेसी बिल्‍ली नू रहचकर अरा धर्मेसी आसीस आबोन अगमाचकानर अरा तम्‍है बटा ही नेम्‍हा बॊलतासिन ख़क्‍खकानर,

2 पतरस 1:19

ई अनुभव ही चड्डे ऎम धर्मेसी कत्था तिंगुर ती तिंका कत्था गुट्ठी नू अउर हूँ कोड़हे असरा उइय्दम। नीम ईर ही कत्था गुट्ठी नू कोड़हे चिहुट नन्ना र'ई। एन्देरगेका आर ही कत्था गुट्ठी, पहपहरना गूटी अरा मसीस बिज-बीनको निम्है जिया नू बिल्चना गूटी ऊख़ा नू बिल्चना बिल्ली लेक्खा र'ई।

1 यॊहन 2:11

लिकिन एका ओर्तस तंग्है संगे मसी भईसिन हींड़दस, आस ऊख़ा नू र'अदस अरा ऊख़ा नू ऎकदस, अरा आस एसन कालदस अदिन बलदस, एन्देरगेका ऊख़ा आसिन अन्धहा नंजकी चिच्की र'ई।

1 यॊहन 2:8

अन्नु हूँ एका पॆसकन ऎन अक्कुन लिखदन, आद पुना हवे। ई पॆसका ही मानिम मसीस नू अरा निम्है नू हूँ ईथ्र'ई, एन्देरगेका ऊख़ा तरकूटी मनाली अरा मानी बिल्ली अक्कु बिल्चाली।

1 यॊहन 5:19

नाम अख़दत का, नाम धर्मेसी हिकदत, अरा सौंसार ता उर्मी मलदौ आलर मलदौ आबोन नन्त'ऊ सैतान ही तबे नू र'अनर।