2 कोरिन्‍थ 4:16 - पुना गच्छरना NT (BSI)

¹⁶ औंगे ऎम पछली मल किर्दम। बहरी ता एम्‍है मॆद गा खे'आली, लिकिन भितरी ता एम्है बॊलता उल्‍लन ती पत्ती पुना मन्नुम क'ई।

2 कोरिन्‍थ 4:16 ပူးပေါင်းရင်းမြစ်များ

लू‍कस 11:3

एम्‍है उल्‍ला उल्‍लन्‍ता ओन्ना-मॊख़नन उर्मी उल्‍ला एमा गे चि'आ।

रोमी 12:2

ई ख़ॆख़ेल ता आलर ही लेक्‍खा अमा मना, लिकिन धर्मेस ती निम्‍है जिया सुबहन बदल'आ। होले नीम अख़'ओर का निमा एन्‍देर नन्‍ना र'ई एकन्ने धर्मेस बेद्ददस, अरा एन्‍देर दौ र'ई अरा एन्‍द्रा धर्मेसिन रिझतार'ई अरा एन्‍द्रा कोड़हे बॆस र'ई।

रोमी 7:22

एंग्‍है जिया नू ऎन धर्मेसी नॆग आबोन पत्तारदन।

1 कोरिन्‍थ 15:58

औंगे एंग्‍है चोन्‍हा भईरो! बड़ियर अरा ठिमठिम ने र'आ, अरा उर्बासी नलख नू सगरोम पर्दनुम कला, एन्‍देरगेका नीम इदन अख़दर का उर्बस नू निम्‍‍है नलख अनभनियाँ मल मनो।

2 कोरिन्‍थ 12:15

औंगे ऎन निमा गे कोड़हे रिझ ती एंग्हा उर्मिनिम खेजाब'ओन, अरा एंगन हूँ खेजार'आ गे सपड़ारकादन। ऎन एवंदा कोड़हे निम्‍है ती चोन्‍हा नन्दन होले, नीम एंग्‍है ती जुक्‍की चोन्‍हा ननोर का?

2 कोरिन्‍थ 4:1

धर्मेसी सोग्‍गे एम्‍है मइय्याँ मंजा ती एमा ई सुसर'अना ही नलख चीतारा, औंगे ऎम कहियों मल हदियारदम।

इफेसुस 3:16

अरा ऎन गोहरारदन का, आस तंग्‍है महबा ही खुर्जी ही लेक्खा नीम निम्है भितरी ता आल नू बड़ियर मना गे तंग्है बॊलतस ती सवंग चि'अदस नेकअन।

इफेसुस 4:23

अरा निम्‍है जिया अरा बॊलता नू पुना मन्नुम कला।

कोलोस्से 3:10

अरा निमन गढ़'उसी रूपे लेक्‍खा आसी पत्त नू ठौका गने अख़'आ गे नीम पुना मंजका पुना आल सुबहन अत्तकादर।

तीतुस 3:5

ख़ने आस नमन नाड़ियस। ईद नम्‍है नंजका बॆस नलख चड्डे मल्‍ली, लिकिन आसी सोग्‍गे चड्डे मंजा। अरा आस नम्‍है पाप गुट्ठिन नूड़ियस ती ओथ्रस चिच्‍चस। अरा नमन नेम्‍हा बॊलतस ती दौ उज्‍जा गे पुना कमचस।

1 पतरस 3:4

लिकिन निम्है सिंगार गा निम्है भितरी उज्जना ही सिंगार र'अना र'ई। नीम निमन लुदऊ अरा सल जिया ती सिंगार'आ। ईदिम मल नठारना सिंगार हवे, अरा धर्मेसी ऎरना नू कोड़हे मान ही र'ई।

1 पतरस 4:14

नीम मसीसिन पत्त'ऊ र'अना चड्डे निम्है निंदा मनी होले, नीम धर्मेस ती आसिस ख़क्खुर दिम हिकदर। एन्देरगेका महबा ती निंद्रका धर्मेसी बॊलतस निम्है नू मड़दस।