2 कोरिन्‍थ 4:15 - पुना गच्छरना NT (BSI)

¹⁵ इबड़ा उर्मी निमा दौ गे दिम र'ई। अरा एकासे धर्मेसी मया बग्गे ती बग्गे आलर नू अंड़सत'ई, अन्नेम धर्मेसी महबा गे धन्‍यवाद ही गोहरारना हूँ बग्‍गे मन्नुम क'ओ।

2 कोरिन्‍थ 4:15 ပူးပေါင်းရင်းမြစ်များ

रोमी 8:28

नाम अख़दत का एकार धर्मेसी चिताबुता ती मॆख़रका र'अनर अरा आसिन चोन्‍हा नन्नर, आर गे धर्मेस आर ही दौ गे दिम उर्मीन नन्‍दस।

1 कोरिन्‍थ 9:19

ऎन छछिन्‍द र'अदन, नॆखा हूँ एंग्हा म‍इय्याँ अदिया मलकी। अन्नु हूँ ऎन ओर्मर ही बिट्ठी ननू जॊंख़ मंजकन का बग्‍गे आलारिन मसीस नू ओन्‍द्र'ओन।

2 कोरिन्‍थ 1:11

नीम हूँ निम्‍है गोहरारना ती एम्‍है सहाड़ा नना। औंगे ई लेक्‍खा बग्‍गे गोहरारना चड्डे एमा आसीस मनो, अरा अदगे नगदे आलर धर्मेसिन धन्‍यावाद ननोर।

2 कोरिन्‍थ 8:19

ईद लेका मला, अरा उर्बासी महबा गे अरा संगरा नना गे एमा गे र'अना अंगिय'अना आबोन ऎद'आ गे ऎम दान आबोन येरुसलॆम हो'ओम ख़ने, एम्है डहरे ऎकना नू एम्है गने संगे चि'आ गे कलीसिया आसिन चज्जकी र'ई।

गलातिया 1:24

अरा अबड़ा कलीसिया एंग्‍है पत्त नू धर्मेसी ओहमा नना लगिया।

कोलोस्से 1:24

अक्‍कु ऎन निम्है चड्डे सारचका एंग्है सस्‍ती गुट्ठी ही पत्त नू ऎन रिझ्रदन। औंगे मसीसी मॆद कलीसिया गे मसीसी कलपारना गुट्ठी नू ऎन हूँ मेस्र'आ गे एंग्‍है मॆद नू सस्ती सारदन।

1 तीमोथियुस 1:14

नम्‍है उर्बासी मया गा एंग्‍है म‍इय्याँ कोड़हे ती कोड़हे मंजा अरा अदही संगे मसी येसुस नू र'ई आ पत्त‍'अना अरा चोन्‍हा चीतारा।

2 तीमोथियुस 2:10

ख़ने ऎन चज्जरका आलर गे दौ ही चड्डे उर्मी दुक्‍खेन सारदन। होले अबड़र हों मसी येसुस नू पत्त'ओर ती नाड़नन जनमजुग ही महबा गने ख़क्‍खनर नेक‍अन।

1 पतरस 2:9

लिकिन नीम गा ओन्टा चज्‍जिका जंईपुंई, अरा ओन्टा बॆल नैग ख़ोंड़हा, अरा ओन्टा नेम्‍हा जाती, अरा धर्मेसी तंग्‍है आलर हिकदर। नॆ निमन ऊख़ा ती ओथ्रस ती तंग्है अजगुत लौकारना बिल्‍ली नू मीख़ियस ओन्द्रस, आसी कोहाँ नलख गुट्ठिन आलर गे तेंगा गेम नीम एन्ने मन्रकादर।

1 पतरस 4:11

ओर्तस गे कत्था मेन्त'अना ही इनाम र'ई होले, आस धर्मेस तान आसी ती ब'अना लेक्खा कत्था मेन्त'अना र'ई। ओर्तस गे सुसर नन्ना ही इनाम र'ई होले, आस धर्मेस चि'अना सवंग ती अदन नन्ना र'ई। ख़ने नीम नन्ना उर्मी कत्था गुट्ठी येसु मसीस संगरा ती धर्मेस गे महबा ओन्द्रना र'ई। आस गेम उर्मी महबा अरा सवंग उर्मी उल्ला मनन नेकअन। आमेन।