2 कोरिन्‍थ 4:11 - पुना गच्छरना NT (BSI)

¹¹ एन्‍देरगेका ऎम नॆ उज्जालदम येसुस चड्डे सगर घड़ी खे'अना ही अपलोक नू र'अदम, ईगेका येसुसी उज्‍जना एम्‍है खि'ऊ कालू मॆद नू दहदर मनी क'ई नेकअन।

2 कोरिन्‍थ 4:11 ပူးပေါင်းရင်းမြစ်များ

रोमी 8:11

एकास येसुसिन केचका ती उज्‍जताचस, आसी बॊलता निम्‍है नू मड़'ई होले, एकास मसी येसुसिन केचका ती उज्‍जताचस आस एकदा निम्‍है नू मड़चकी र'ई आ तंग्‍है बॊलता ती निम्‍है नठारना कयन उज्‍जत'ओस।

रोमी 8:36

एकासे का नेम्‍हा पुथी नू लिख्रकी र'ई, “निंगा चड्डे गा ऎम गोट्टा उल्‍ला नू खे'अना ही अपलोक नू र'अदम, अरा आलर ती ऎम पिटरना भेंडो लेक्‍खा बुझुरदम।”

1 कोरिन्‍थ 15:31

अना भईरो! नम्‍है उर्बा मसी येसुस नू निम्‍है पत्त नू र'ई आ एंग्‍है फुलई ती ऎन किरया मॊख़दन ती ब'अदन का ऎन उर्मी उल्‍ला खे'अदन।

1 कोरिन्‍थ 15:49

एकासे नाम ख़ज्‍जो ती कम्रका आलासी रूप नू र'अदत, अन्नेम नाम मेर्ख़ा आलासी रूपे नू मनोत।

2 कोरिन्‍थ 4:10

ऎम उर्मी बेड़ा दुक्‍खे सारना ती येसुसी खे'अनन एम्‍है मॆद नू चॊददम, ईगेका येसुसी उज्‍जना एम्‍है मॆद नू दहदर मंज ख़च्‍ची नेक'आ।

2 कोरिन्‍थ 4:12

ई खोदहा एम्‍है नू खे'अना नलख ननाली, लिकिन उज्‍जना निमा गे ख़क्ख्र'ई।

2 कोरिन्‍थ 5:4

नाम मॆद ही ई कुम्‍बा नू र'अना बेड़ा गूटी ओत्‍था ती कज्रका रेक'अत र'अदत। ईद एन्ने मल्ला का नाम केचकत ती ई ख़ॆख़ेल ता मॆदन अम्बना कानन पत्तारदत। लिकिन नाम गा मेर्ख़ा मॆदन अत्ता गे दिम पत्तारदत। ख़ने ई खि'ऊ मॆद जनमजुग उज्जना ती नुलख़र'ओ क'ओ।

2 कोरिन्‍थ 6:9

ऎम चिन्‍हार मल्‍कम एन्ने सोचना ती हूँ बॆस चिन्हार आलम र'अदम। ऎम खे'आ बेद्दालदम एन्ने सोचना ती हूँ उज्‍जू आलम र'अदम। ऎम पस्‍का कोड़रका र'अदम, लिकिन मल पिटरदम।