2 कोरिन्‍थ 3:17 - पुना गच्छरना NT (BSI)

¹⁷ उर्बस दिम बॊलतस र'अस, अरा एक्‍सन उर्बासी बॊलतस र'अस, असन छछिन्द र'ई।

2 कोरिन्‍थ 3:17 ပူးပေါင်းရင်းမြစ်များ

यॊहनस 6:63

नेम्‍हा बॊलतस दिम उज्‍जनन चि'अदस, आल सवंग ती ईद मना पुल्ली, एका कत्‍था गुट्ठी निमन तिंकन अबड़ा उज्‍जना चि'ऊ बॊलतस ती हवे।

यॊहनस 8:32

अरा नीम मानिमन अख़'ओर, अरा मानिम आबो निमन छछिन्‍द ननो।”

रोमी 8:2

एन्‍देरगेका नेम्‍हा बॊलतासी नॆग एकदा मसी येसुस नू उज्‍जना चि'ई, आद निंगन पाप दरा खे'अना ही नॆग ती नाड़की र'ई।

1 कोरिन्‍थ 15:45

औंगे नेम्‍हा पुथी नू एकासे लिख्रकी र'ई अन्ने, “पहिल आलस आदमस उज्‍जना आल मंजस।” लिकिन छेद्द ता आदमस गा उज्‍जना चि'ऊ बॊलता मंजस।

2 कोरिन्‍थ 3:18

अरा नाम ओर्मत बिगर कुलकुटरका मुही तिम अयना लेक्‍खा उर्बासी महबन बिल्चदत। एन्नेम नाम महबा नू अउर महबा मनरकी आसी ऎथ्रना लेक्खा बदलतारदम। ईद उर्बस तिम बर'ई। आसिम बॊलतस हिकदस।

2 कोरिन्‍थ 3:6

आस एमन तंग्है पुना गच्छरना ही सुसर'ऊ मना गे जॊगे मंजकादस। आ गच्छरना लिख्रका नॆग ती मल्‍ली, लिकिन बॊलतस ती मन्रकी र'ई। एन्‍देरगेका लिख्रका नॆग गा पिटी, लिकिन बॊलतस गा उज्‍जना चि'अदस।

गलातिया 4:6

अरा नीम गा धर्मेसी ख़द्दर हिकदर। धर्मेस तंग्‍दासी बॊलतन नम्‍है जिया नू त‍इय्‍कादस। औंगे आस चिच्चियारदस ती मॆख़दस “अना बबा, अना बंगायो।”

गलातिया 5:1

नाम छछिन्‍द र'अदत अदगे मसीस नमन छछिन्‍द नंजस। औंगे नमा बड़ियर मनरकी र'अना र'ई। फेन नॆग नू जॊंख़ मना गे अमा पुन्‍द्र'आ।

गलातिया 5:13

भईरो, नीम नाड़र'आ गे मॆख़्रकादर एन्ने अम्‍बो मना का ईद मॆद ही नलख गे मोका मनो। लिकिन चोन्‍हा ती ओर्त ओर्त गे सुसर नन्नर नेकअन।

2 तीमोथियुस 1:7

एन्‍देरगेका धर्मेस एल्‍चना चि'ऊ बॊलतन मला लिकिन सवंग अरा चोन्‍हा अरा कयास चि'ऊ नेम्‍हा बॊलतासिन चिच्कादस।