2 कोरिन्‍थ 3:14 - पुना गच्छरना NT (BSI)

¹⁴ लिकिन आर ही जिया गुट्ठी बेड़हा मंजकी किरकी रहचा। इन्ना गूटी हूँ गा पच्चा गच्छरनन पढ़ना बारी आ कुलकुटरना मल ओथ्रना बारिम र'ई। एन्देरगेका मसीस दिम अदिन चलख़'आ ओंग्दस।

2 कोरिन्‍थ 3:14 ပူးပေါင်းရင်းမြစ်များ

मत्तायोस 13:11

आस आनाकिर्ताचस, “निमा मेर्ख़ा राजी ही नूख्रका कत्‍था आबोन बुझ्र'आ गे चीरकी र'ई, लिकिन नन्‍नर गे ईद मल्‍ला चीरका।

मत्तायोस 16:17

येसुस आसिन आनाकिर्ताचस, “अना सिमॊन यॊनासी ख़द्दय नीन आसीस ख़क्‍ख्रका आलय, एन्‍देरगेका एक‍अम आलस मला लिकिन एकास मेर्ख़ा नू र'ऊ एंग्‍है बंगस ई कत्‍थन निंगा गे दहदर नंजकादस।

मत्तायोस 6:23

लिकिन निंग्‍है ख़न्न बगड़ारकी र'ई होले निंग्‍है सौंसे मॆद ऊख़ा र'ओ। अरा निंग्‍है भितरी ता बिल्‍ली दिम मल रफ'ओ होले नीन मानिम नू कोड़हे ऊख़ा नू र'अदय।

यॊहनस 12:40

“धर्मेस आर ही ख़न्‍नन कना, अरा आर ही जियन बेड़हा नंजका र'अस। एन्ने अम्‍बो मना का आर ख़न्‍न ती ऎरोर, अरा जिया ती बुझुर'ओर, अरा आर एंग्‍है गुसन किर्रोर बर'ओर, अरा ऎन आरिन कोड़े ननोन।”

यॊहनस 12:46

ऎन ख़ॆख़ेल नू बिल्‍ली लेक्‍खा बरचका र'अदन। औंगे नॆ एंगन पत्त'ओस आस ऊख़ा नू मल र'ओस।

यॊहनस 8:12

तहाँ येसुस अउरिम आलर गने कछनख्र'आ हेलरस, अरा बाचस, “ऎन ख़ॆख़ेल ही बिल्‍ली हिकदन। एकास एंग्‍है गने चॊंख़्रदस आस इकला हूँ ऊख़ा नू मल र'ओर, लिकिन आस उज्‍जना चि'ऊ बिल्‍लिन ख़क्‍खोस।”

त‍इरकर 13:15

पॆसका ही पुथी अरा धर्मेसी कत्‍था तिंगुर ही पुथी ती पढ़चका ख़ॊख़ा, गोड़हा एड़पा ता मुद्धर आरिन एन्ने बाचर त‍इय्यर, “भ‍ईरो! नीम आलारिन रिझ्रता गे इन्द्रिइम ब'आ बेद्ददर होले ब'आ।”

त‍इरकर 15:21

एन्‍देरगेका चिरान तिम नगरे नगरे नू मूसासी पॆसकन तिंगुर र'अनर अरा आद उर्मी ख़न्न ऎख़्रना उल्‍ला नू गोड़हा एड़पा गुट्ठी नू पढ़तार'ई।”

त‍इरकर 16:14

थुअतीरा नगरे ता लुदिया नामे ही बैजनी किचरी बीसू धर्मेसिन महबा ननू आली अदिन मेना लगिया। पौलुसी कत्‍थन मेना गे धर्मेस अदही जिया बलिन तिसगस।

त‍इरकर 26:18

ऎन आर ही ख़न्न चलख़'आ गे निंगन आर गुसन त‍इय्या लगदन। ख़ने आर ऊख़ा ती बिल्‍ली तरा किर्रा ओंगोर, अरा सैतान ही अदिया ती धर्मेस तरा किर्रा ओंगोर। फिन आर पाप गुट्ठी ही छमा ख़क्‍खा ओंगोर अरा एंग्‍है म‍इय्याँ ता पत्त'अना ती नेम्‍हा मन्रका आलर गने अड्डा ख़क्‍खा ओंगोर।’

रोमी 11:25

अना भ‍ईरो! ऎन निमन ई भेद ही मनेन बुझुरत'आ गे बेद्ददन, होले नीम निमन कोड़हे लूरगर अम्‍बोर बुझ्र'ओर। इस्राऎल ता कुदहा आलर अक्‍कुन बेड़हा मंजका र'अनर। लिकिन गोट्टा नन-यहूदीर हूँ आसिन पत्त'अना गूटी लेका आर एन्ने र'ओर।

2 कोरिन्‍थ 3:15

अरा इन्ना हूँ मूसासी नॆग पढ़ना बारी आर ही जिया गुट्ठी नू ओन्टा कुलकुटरना र'ई दिम।

2 कोरिन्‍थ 3:6

आस एमन तंग्है पुना गच्छरना ही सुसर'ऊ मना गे जॊगे मंजकादस। आ गच्छरना लिख्रका नॆग ती मल्‍ली, लिकिन बॊलतस ती मन्रकी र'ई। एन्‍देरगेका लिख्रका नॆग गा पिटी, लिकिन बॊलतस गा उज्‍जना चि'अदस।

2 कोरिन्‍थ 4:6

“ऊख़ा ती बिल्‍ली बिल्चन नेकअन” एन्ने बाचका धर्मेस तंग्है बिल्लिन एम्‍है जिया नू बिल्‍चताचस चिच्चस। येसु मसीस नू र'ई आ धर्मेसी महबा ही लूर ही बिल्लिन एमा चि'आ गे धर्मेस इदन नंजस।

इफेसुस 4:18

आर मानिम कत्थन बुझुरना नू पैहा र'अनर, अरा आर धर्मेसी चि'अना उज्‍जना ती छिन्‍डरका केरका ती उज्जनर। ईद तम्है जिया बेड़हा चड्डे मंजका आर ही लूर मलका ती मंजा।