2 कोरिन्‍थ 3:12 - पुना गच्छरना NT (BSI)

¹² औंगे एन्ने लेक्खा असरा एमा गे र'अना चड्डे ऎम कोड़हे डिढ गने र'अदम।

2 कोरिन्‍थ 3:12 ပူးပေါင်းရင်းမြစ်များ

यॊहनस 10:24

तहाँ यहूदीर आसी ओनबेंड़र'आ ख़ॊंड़रर ती मेंजर, “नीन ऎ उल्‍ला गूटी एमन ओदहा नू उइय्योय? नीन मसी हिकदय होले, एमन फरी तेंगा चि'आ।”

यॊहनस 16:25

ऎन निमन इबड़ा कत्‍थन ख़ीरी गुट्ठी ती कछनख्रकादन। लिकिन बेड़ा बर'आ लगी, आ बारी ऎन ख़ीरी गुट्ठी ती मल कछनख्र'ओन। लिकिन ऎन निमन बंगासी पत्त नू फरीफरी तेंगोन।

यॊहनस 16:29

तहाँ येसुसी चेलर आसिन बाचर, “अक्‍कुन गा नीन फरीफरी कछनख्रदय, ख़ीरी गुट्ठी ती मल कछनख्रदय।

त‍इरकर 14:3

पौलुस अरा बरनबास बग्‍गे उल्‍ला गूटी असन रहचर अरा डिढ गने उर्बस येसुसी पत्त नू तेंगा लगियर। उर्बस हूँ आर ती चिन्‍हा अरा अजगुत नलख गुट्ठी ऎद'आ गे आर गे सवंग चिच्‍चस ती आर ही कत्‍थन मानिम ऎदस।

त‍इरकर 4:13

पतरस अरा यॊहनसी डिढ आबोन ईरियर ती अरा आर मल्‍ला पढ़चका आलर अरा आर सोया आलर बाचर ती कोहाँ सभा ता आलर अकबक मंजर केरर। फिन आर चिन्‍हचर का ईर येसुस गने रहचका आलर हिकनर।

त‍इरकर 9:27

लिकिन बरनबास स‍उलसिन इंझ्रस ती आसिन त‍इरकर गुसन होच्‍चस ती तिंगियस का उर्बस डहरे नू स‍उलस गे ऎथ्रस अरा उर्बस आसी गने कछनख्रकाचस अरा स‍उलस एकासे दमसकोस नू डिढ ती येसुसी दौ कत्‍थन तिंका रहचस।

त‍इरकर 9:29

अरा आस युनानी भखा कछनख्र'ऊ यहूदी आलर गने कछनख्र'आ अरा आनानख्र'आ लगियस। आर गा आसिन पिटा गे चिहुट नना लगियर।

1 कोरिन्‍थ 14:19

अन्नु हूँ कलीसिया नू बलना भखा नू दस हजार कत्‍था कछनख्रना ती नन्‍नारिन सिखाब'आ गे बुझुरना बेसे पाँच गोटंग कत्‍था तेंगनन दिम ऎन कोड़हे पत्तार'ओन।

2 कोरिन्‍थ 10:1

अक्कु ऎन पौलुस मसीसी लुदऊ अरा सोग्‍गे ती निमन ने'आ लगदन। निम्है ती जोक्‍क आलर ब'अनर का, “ऎन निम्‍है मझी नू र'अना बारी सन्नी अरा पयहा र'अदन लिकिन गेच्‍छा नू र'अना बारी निम्है मइय्याँ डिढगर गने र'अदन।”

2 कोरिन्‍थ 3:11

ख़ने एकदा मड़ख़ना रहचा आद महबा गने बरचा होले, एकदा उर्मी उल्ला र'ओ अदही महबा एका कोड़हे र'ओ दने!

2 कोरिन्‍थ 4:13

नेम्‍हा पुथी नू एन्ने लिख्रकी र'ई का, “ऎन पत्ताचकन, औंगे बाचकन।” आ पत्त'अना ही ओन्टे बॊलता तिम ऎम पत्त'अदम, औंगे ब'अदम।

2 कोरिन्‍थ 7:4

ऎन निम्है पत्त नू कोड़हे डिढ गने र'अदन। ऎन निम्‍है पत्त नू कोड़हे फुलई मन्दन। ऎन जिया सालना ती नीन्द्रका र'अदन। ऎन एंग्‍है उर्मी खिलपत ही मझी नू हूँ रिझ ती नीन्द्रका र'अदन।

फिलिप्‍पी 1:14

अरा बग्गे पत्त'ऊ आलर एंग्है हॆंरका ती उर्बस संगरा ननोस ब'अरकी आस नू असरा नंजर ती मुन्द ती कोड़हे डिढ गने बिगर इल्चिक'आ धर्मेसी कत्‍थन मेन्त'आ लगनर।

फिलिप्‍पी 1:20

एंगा कोड़हे पत्तारना अरा असरा ईद र'ई का, एंगा इन्द्रिइम नू हूँ लज्‍जे मॊख़्रना अम्‍बो मनो, लिकिन ऎन उज्‍जोन महले खे'ओन एंगा बड़ियर डिढ ती अक्कु अरा सगरो मसीस एंग्‍है मॆद ती महबा ख़क्‍खोस।

कोलोस्से 4:4

अरा एकासे एंगा तेंगना चाड़ र'ई, अन्नेम ई कत्थन फरीफरी तेंगा गे एंगा गे गोहरार'आ।

1 थेस्‍सलोनिकॆयर 2:2

लिकिन नीम अख़दर का मुन्‍द फिलिप्‍पी नगरे नू सस्‍ती सारना पीख़्रना नू हूँ एम्‍है धर्मेस एमा गे एन्ने डिढ चिच्‍चस का ऎम बिगर अटकरका धर्मेसी दौ कत्‍थन तिंकम।

1 तीमोथियुस 3:13

एका ओर्तर ईरू-ख़ूजू नलखन बॆस लगे नन्नर, आर आलर ती म‍ईन गने दौ ख़ंजपा ख़क्‍खोर। अरा आर मसी येसुस नू पत्त'अना नू बग्‍गे डिढ मनोर।

फिलॆमॊन 1:8

औंगे ऎन पौलुस पच्चका केरकादन ती, अरा अक्कु मसी येसुसी पत्त ता दौ कत्थन तेंगना ही चड्डे जेहेल नू हॆंरका ती, निंगा एन्देर नन्ना र'ई अदन निंगा गे आना गे मसीस नू एंगा बग्‍गे डिढ र'ई। अन्नु हूँ अन्ने मल ननरकी चोन्हा ती निंगन ने'अदन।