2 कोरिन्‍थ 2:7 - पुना गच्छरना NT (BSI)

⁷ औंगे अक्‍कु नीम आसिन छमा नन्‍ना ती जिया सालत'अना र'ई। मला होले आस कोड़हे दुक्‍ख नू मुलख़ोस क'ओस।

2 कोरिन्‍थ 2:7 ပူးပေါင်းရင်းမြစ်များ

1 कोरिन्‍थ 15:54

औंगे एकाबारी ई नठारना मॆद मल नठारनन अत्तो अरा ई खे'अना मॆद मल खे'अनन अत्तो ख़ने, नेम्‍हा पुथी ही ई कत्‍था मनो का “जीत आबो खे'अनन नुलख़िया चिच्‍चा।”

2 कोरिन्‍थ 2:8

औंगे नीम निम्‍है चोन्‍हन आस गे ऎद'आ गे ऎन निमन ने'अदन।

2 कोरिन्‍थ 5:4

नाम मॆद ही ई कुम्‍बा नू र'अना बेड़ा गूटी ओत्‍था ती कज्रका रेक'अत र'अदत। ईद एन्ने मल्ला का नाम केचकत ती ई ख़ॆख़ेल ता मॆदन अम्बना कानन पत्तारदत। लिकिन नाम गा मेर्ख़ा मॆदन अत्ता गे दिम पत्तारदत। ख़ने ई खि'ऊ मॆद जनमजुग उज्जना ती नुलख़र'ओ क'ओ।

2 कोरिन्‍थ 7:10

एन्देरगेका एका दुक्‍खे धर्मेसी मने ती नमा इंझ्रना मनी अदही ऊजी जिया किर्त'अना मनी, अरा जिया किर्त'अना नाड़रना तरा कड़हाब'ई, अरा अत्रु खोबरारना मल मनी। लिकिन ख़ॆख़ेल ता दुक्‍खे ही ऊजी खे'अना मनी।

इफेसुस 4:32

अरा ओर्त ओर्तारिन मया नना अरा सोग्गे ऎरा। अरा एकासे धर्मेस मसीसी चड्डे निम्‍है अक्‍का-बलकन छमा नंजस, अन्नेम नीम हूँ ओर्त ओर्तारिन छमा नना।

फिलिप्‍पी 2:27

आस मानिम नू ई बेमार ती खे'आ बेद्दालियस। लिकिन धर्मेसी सोग्गे आसी मइय्याँ मंजा। आस नू लेका मला एंग्है नू हूँ मंजा, एकत्रु एंगा दुक्‍खे नू अउर हूँ दुक्‍खे चॊदना मल मनो।

कोलोस्से 3:13

अरा नीम ओर्त ओर्तोरिन सह'आ। अरा ओर्तोसी बिड़दो नू निमा गे इन्द्रिइम नालिस र'ई होले, अदिन आस गे छमा नना। उर्बस निमा गे छमा नंजका लेक्खा नीम हूँ ओर्त ओर्तारिन छमा नना।

1 थेस्‍सलोनिकॆयर 4:13

अक्‍कु भईरो, केचका आलर ही पत्त नू नीम बल्‍लुर लेक्‍खा र'आ गे, अरा अदही पत्त नू असरा मल्‍ला आर ही लेक्‍खा नीम दुक्‍ख नू र'आ गे ऎम मल बेद्ददम।

2 थेस्‍सलोनिकॆयर 3:6

अना भईरो! अक्‍कु नम्‍है उर्बस येसु मसीसी आकुस ती ऎम निमन पॆसदम का एका पत्त'ऊ आलर लंडी र'अनर अरा एम्‍है गुस्‍ते सिख्रका चाल लेक्‍खा मल नन्नर अरा मल ऎकनर आर ही ती तरकूटी र'आ।