2 कोरिन्‍थ 2:3 - पुना गच्छरना NT (BSI)

³ औंगे ऎन निमा गे एन्ने चिठी लिखचकन का, एंग्‍हा बरना ती नॆखा ती एंगा रिझ मन्‍ना रहचा, आर ती ऎन दुक्‍खे मना मल बेद्ददन। नीम ओर्मर एंग्‍है रिझ्रना नू मेस्रोर, एन्ने निम्‍है ओर्मर ही पत्त नू एंगा असरा र'ई।

2 कोरिन्‍थ 2:3 ပူးပေါင်းရင်းမြစ်များ

1 कोरिन्‍थ 4:21

नीम एन्‍देर बेद्ददर? ऎन टेम्पा धर'ओन ती बर'ओन का, महले चोन्‍हा अरा लुदऊ जिया ही बॊलता गने बर'ओन का?

2 कोरिन्‍थ 1:15

अरा ऎन ई असरा तिम नीम दुई गुना आसीस ख़क्‍खा गे बरना बारी ऎन निम्‍है गुसन मुन्‍द बर'आ गे चिताबुता नंजकन।

2 कोरिन्‍थ 1:23

अक्‍कुन ऎन निमन चेताबचकन ती दुक्‍खे मल चि'आ गे दिम कोरिन्‍थ नगरे गे मल बरचकन। इदगे धर्मेस दिम एंगा गोवाह र'अदस।

2 कोरिन्‍थ 12:11

ऎन गा बैहा आलर लेक्‍खा कछनख्रदन, लिकिन नीमिम एंगन एन्ने मना गे मंजकादर। नीम एंगन सुमर'अना र'ई। ऎन एन्‍द्रा हूँ मलदन, अन्नु हूँ निम्है ई “कोहाँ तइरकर” ती ऎन एन्‍देर कत्‍था नू हूँ ती सन्नी मलदन।

2 कोरिन्‍थ 12:21

अरा एन्ने अम्बो मना का ऎन निम्है गुसन अउर बरना बारी, एंग्‍है धर्मेस निम्‍है मुन्दहारे एंगन किय्या नन्त'ओस, अरा एंगा अबड़ा बग्‍गे आलर गे कलपारना मनो का नॆ मुन्द नंजका पाप ती सोतरा मन्ना, पेहरन ही सोतरा नलख, पसड़ा गुट्ठी ती जिया मल किरताचर।

2 कोरिन्‍थ 13:10

ऎन निम्है ती गेच्छा नू र'अना बारी इबड़ा कत्थन इदगे लिखदन का, ऎन निम्है गुसन बर'ओन ख़ने, उर्बस एंगा चिच्का अदिया ती निम्है गने सकत गने इन्द्रिइम नन्ना मल मनो। एन्‍देरगेका एंगा ई अदिया निमन बगड़'आ गे मला कम'आ गे चीतारकी र'ई।

2 कोरिन्‍थ 2:9

नीम उर्मी कत्‍थन पॆस्रदर का मला एन्ने निमन बिढ़'आ गे ऎन एंग्‍है चिठी नू एन्ने लिखचकन।

2 कोरिन्‍थ 7:12

मानिम नू ऎन आ चिठिन इदगे मल लिखचकन का मलदौ ननू आलर अरा मलदौ सह'ऊ आलर ही एंगा सोच रहचा। लिकिन धर्मेसी ऎरना नू नीम निमन एमा गे ऎ कोड़हे चिच्कादर एन्ने नीम अख़'आ गे दिम ऎन आ चिठिन लिखचकन।

2 कोरिन्‍थ 7:16

उर्मी कत्था नू एंगा निम्है मइय्याँ असरा र'ई, इत्रु ऎन रिझ्रदन।

2 कोरिन्‍थ 7:6

अन्नु हूँ लुदऊ आलर गे जिया सालना चि'ऊ धर्मेस, तीतुसी बरना ती एमा सल चिच्‍चस।

2 कोरिन्‍थ 7:8

ऎन निमा लिखचका चिठी निमा गे दुक्खे चिच्चा होले हूँ, ऎन अदिन लिखचका ती मल पस्तारदन। एंग्है चिठी निमन दुक्खे चिच्चा एन्ने ऎन अक्कन ख़ने, ऎन मुन्द पस्तारकन। नीम जुक्‍किम घड़ही लेका दुक्खे सारचकर।

2 कोरिन्‍थ 8:22

इबड़ा इरबर गने ऎम अउर ओन्टा एम्है भईसिन हूँ तइय्यालदम। ऎम घड़ीम घड़ी बिढ़चकम ती अक्कम का आस कयनो पत्त नू संगरा नना गे अंगिय'अना गने र'अस। अक्कु आस गे निम्है मइय्याँ कोड़हे असरा र'अना ती आस संगरा नना गे मुन्द तिम कोड़हे अंगिय'अना गने र'अस।

गलातिया 5:10

ऎन धर्मेस मइय्याँ निम्‍है पत्त नू असरा उइय्दन का नीम एकअम नन्‍ना सिखाब'अनन अम्‍बोर पत्त'आ। लिकिन नॆ निमन अकबकाब'अदस चि'अदस आस एकअम ओर्तस हूँ र'ओस दंडे ख़क्‍खोस।

2 थेस्‍सलोनिकॆयर 3:4

ऎम पॆसकादम अबड़न नीम नना लगदर फिन ननोर अन्नेम ऎम उर्बस ती असरा ननालदम।

फिलॆमॊन 1:21

ऎन निंग्‍है पॆस्रना मइय्याँ असरा नन्दन ती निंगा गे इदन लिखदन। अरा ऎन अख़दन का नीन एन्देर नना गे ऎन निंगन आनदन अदही ती बग्गे नीन ननोय।