2 कोरिन्‍थ 2:14 - पुना गच्छरना NT (BSI)

¹⁴ लिकिन धर्मेसी धन्‍यावाद मनन, आस सगरो जित'आ गे मसीस नू नमन कड़हाब'अदस, अरा आसी पत्त ता लूरन एम्‍है ती गोट्टा अड्डा नू महकारना लेक्खा बींड़दस।

2 कोरिन्‍थ 2:14 ပူးပေါင်းရင်းမြစ်များ

यॊहनस 16:33

ऎन इबड़ा कत्‍थन निमन तिंकादन का नीम एंग्हा नू कोड़े ख़क्‍खा ओंग्‍दर। ई ख़ॆख़ेल नू निमा खिलपत मनो, लिकिन डिढ मना, ऎन ख़ॆख़लन जितिचका र'अदन।”

रोमी 1:8

मुन्‍द ऎन निमा ओर्मर गे येसु मसीस ती नम्‍है धर्मेसी धन्‍यवाद नन्‍दन का निम्‍है पत्त'अना ही हुही गोट्टा सौंसार नू मना लगी।

रोमी 15:19

अबड़ा चिन्‍हा अरा अजगुत नलख गुट्ठी ही सवंग धर्मेसी बॊलता ही सवंग ती मंजा। ई लेक्‍खा ऎन येरुसलॆम ती इल्‍लुरिकोन ही ओनबेंड़र'आ मसीसी दौ कत्‍थन तेंगा कुद्दकन।

रोमी 6:17

धर्मेसी धन्‍यवाद नन्‍दन का नीम गा मुन्‍द पाप ही बिट्ठी ननू जॊंख़ रहचकर, लिकिन अक्‍कु नीम मानिम नू आ सिखाब'अना ही डहरे नू ऎका हेलरकर, एकदन ऎम निमा सिखाबाचकम।

रोमी 8:37

लिकिन इबड़ा उर्मी कत्‍था गुट्ठी नू नाम धर्मेस ती एकास नमन चोन्‍हा नंजकादस जितनन ख़क्‍खका ती हूँ कट्टिका र'अदत।

1 कोरिन्‍थ 12:8

एकासे का ओर्तस गे नेम्‍हा बॊलतस ती हया ही कत्‍था, अरा नन्‍नस गे आ बॊलतस तिम लूर ही कत्‍था चीरकी र'ई।

1 कोरिन्‍थ 15:37

अरा नीम एकदन चाँख़दर आद मॆद मल्‍ली एकदा कुन्‍दना र'ई, लिकिन बिहनिन लेका चाँख़दर। आद गहूँ महले इन्द्रिइम नन्‍ना बिहनी र'ओ।

1 कोरिन्‍थ 15:57

लिकिन नम्‍है उर्बस येसु मसीस ती नमा गे जीत चि'ऊ धर्मेस गे धन्‍यवाद मनन नेकअन।

2 कोरिन्‍थ 1:11

नीम हूँ निम्‍है गोहरारना ती एम्‍है सहाड़ा नना। औंगे ई लेक्‍खा बग्‍गे गोहरारना चड्डे एमा आसीस मनो, अरा अदगे नगदे आलर धर्मेसिन धन्‍यावाद ननोर।

2 कोरिन्‍थ 8:16

ऎन निम्है मइय्याँ एका लेक्खा अंगिय'अना ती रहचकन, अन्नेम धर्मेस तीतुस गे आ अंगिय'अना आबोन चिच्का ती ऎन धर्मेसिन धन्‍यवाद नन्दन।

2 कोरिन्‍थ 9:15

धर्मेस चिच्कादस आ थाह'आ पोलना बरदान गे धन्‍यवाद।

इफेसुस 5:2

एकासे मसीस तंगन धर्मेस गे पत्तारना महकारना दान अरा दाँड़े बेसे नम्है चड्डे चिच्चस ती नम्‍है गने चोन्‍हा नंजस, अन्नेम नीम हूँ चोन्हा ही उज्जना उज्जा।

इफेसुस 5:20

अरा सगर घड़ी उर्मी कत्‍था गे नम्‍है उर्बस येसु मसीसी नामे ती धर्मे बंगासिन धन्यवाद नना।

फिलिप्‍पी 4:18

ऎन नीम तइय्का उर्मिन ख़क्खकन, ईद एंग्है चाड़ ती बग्गे र'ई। नीम एपाफ्रोदितोस ती तइय्का इनाम गुट्ठिन ख़क्‍खकन ती ऎन उड़चकन केरकादन। आद गा महकारना दान अरा इंझ्रना जॊगे दाँड़े बेसे हवे, एकदा धर्मेस गे दौ लग्‍गी।

कोलोस्से 1:23

नीम दौ कत्थन मेंजकर ख़ने, निमा ख़क्ख्रका असरा आबोन मल अम्बर ती पत्त'अना नू बड़ियर अरा बन्चका र'आ। ई दौ कत्था दिम मेर्ख़ा किय्या ता ओर्मा आलर गे तेंगरा केरा। ऎन पौलुस ई दौ कत्था गेम सुसर ननू मंजकन।

कोलोस्से 1:6

निम्है नू अंड़सका ई दौ कत्था दिम ख़ॆख़ेल नू उर्मी अड्डा नू बींड़रनुम काला लगी। अरा धर्मेसी कोड़हे मया ही मानिम ही पत्त नू नीम मेंजर ती बुझुरका आ पहिल उल्ला ती एकासे ई दौ कत्था निम्है उज्जनन बदल'अरकी निम्है नू ख़ंजपा ची'ई, अन्नेम ई दौ कत्था उर्मी ख़ॆख़ेल नू आलर ही उज्जनन बदल'अरकी ख़ंजपा चि'ई।

कोलोस्से 2:15

ई लेक्खम धर्मेस अक्स'ऊ अरा अदिया उइय्यू मलदौ बॊलता गुट्ठी ही सवंगन ओथ्रस चिच्चस। अरा मसीस क्रुस नू केच्चस ती धर्मेस अबड़न जितचस ती अबड़ा सवंग मलका एन्ने ख़ॆख़ेल गे ऎदस।

1 थेस्‍सलोनिकॆयर 1:8

एन्‍देरगेका निम्‍है गुसले मकेदोनिया अरा अख़ाया नू लेका उर्बासी दौ कत्‍था मल तेंग्रा। लिकिन धर्मेस नू निम्‍है पत्त'अना र'ई आद उर्मी अड्डा बींड़रकी किरकी र'ई का एमा ब'अना ही चाड़ मलकी।

1 थेस्‍सलोनिकॆयर 3:9

निम्‍है चड्डे ऎम धर्मेसी मुन्‍दहारे ख़कख्रका उर्मी रिझ गे ऎ बग्‍गे धन्‍यवाद धर्मेसिन चि'ओम अन्नु हूँ जुक्‍की मनो।

1 तीमोथियुस 2:8

ऎन बेद्ददन का धर्मेसिन ओहमा नन्ना उर्मी अड्डा नू मॆतर गे नेम्‍हा उज्‍जना ती बिगर कैर-कुसर अरा नग्‍गा नखरना ती ख़ेक्खा गुट्ठिन चोदना ती बिन्‍ती नन्ना र'ई।

2 तीमोथियुस 2:2

एंग्‍है एका सिखाबाचका कत्‍थन नीन नगदे गोवाह आलर ही मुन्‍द मेंजकादय, अदिन असरा जॊगे आलारिन सिखाब'आ। होले आर नन्नारिन हों सिखाब'आ ओंगोर।

दहदर मंजका कत्‍था 7:12

अरा अबड़र बाचर, “आमेन! नम्‍है धर्मेस गे ओहमा, अरा महबा, अरा लूर, अरा धन्यवाद, अरा मईन, अरा सवंग, अरा पया हुल्‍लो ती हुल्‍लो गूटी मनन नेकअन, आमेन।”