2 कोरिन्‍थ 2:12 - पुना गच्छरना NT (BSI)

¹² एकाबारी ऎन मसीसी दौ कत्‍था मेन्‍त'आ गे त्रोआस नगरे नू बरचकन ख़ने, असन उर्बस एंगा गे ओन्‍टा बली तिसगस चिच्‍चस।

2 कोरिन्‍थ 2:12 ပူးပေါင်းရင်းမြစ်များ

त‍इरकर 14:27

असन आर अंड़सियर ती कलीसियन ख़ॊंड़चर ती तिंगियर का धर्मेस आर ही ती एन्‍देर एन्‍देर नलख नंजकाचस, अरा नन-यहूदीर हूँ पत्त'आ गे एकासे बलिन तिसगस चिच्‍चस।

त‍इरकर 16:11

फिन ऎम त्रोआस ती डोंगा अरिगकम ती उजगोम समोत्राकॆ टापू केरकम अरा दोसर उल्‍ला नियापुलिस बरचकम।

त‍इरकर 16:8

ख़ने आर मूसिया कट्टियर ती त्रोआस केरर।

त‍इरकर 20:8

एका पाटन एड़पा नू ऎम ओकरका रहचकम असन नगदे गोटंग बिल्‍ली लघ्र'आ लगिया।

रोमी 1:1

ऎन म‍सी येसुसी जॊंख़न पौलुस धर्मेसी त‍इरका मना गे मॆख़रका र'अदन। अरा आसी दौ कत्‍थन तेंगा कुद्दा गे चजरका र'अदन।

1 कोरिन्‍थ 16:9

एन्‍देरगेका एंगा गे इसन ओन्‍टा कोड़हे नलख गे ओन्‍टा कोहाँ बली तिसगिरकी र'ई, लिकिन अइय्या छेंका ओरदू आलर हूँ बग्‍गेर र'अनर।

1 कोरिन्‍थ 9:12

निम्है नू दौ कत्‍था तिंका नन्‍नर गे निम्‍है नू ती जोक्‍क ख़क्‍खा गे अदिया र'ई होले, एमा गे हूँ अदही ती बग्‍गे अदिया र'ई। लिकिन ई अदियन ऎम आलर नू मल लच्‍चकम। ऊजी नू मसीसी दौ कत्‍था गे बधा मल मना गे ऎम उर्मी खिलपत आबोन सारदम।

1 कोरिन्‍थ 9:14

ई लेक्‍खम उर्बस आनकादस का, दौ कत्‍था तेंगा कुद्दुर आर ही उज्‍जना बिज्‍जना ही चाड़न अत्रुतिम ख़क्‍खना र'ई।

1 कोरिन्‍थ 9:16

अन्नु हूँ ऎन दौ कत्‍था तेंगदन होले, इदगे एंगा फुलई मना गे अड्डा मल्‍ली, एन्‍देरगेका ऎन इदन नना गे धर्मेस एंगन बड़पेलहा नंजस। ऎन दौ कत्‍था मल तेंगोन होले एंगा गे ओहरे।

2 कोरिन्‍थ 10:14

ऎम एम्‍है सिवान ती मल चाड़दम, अन्नु हूँ ऎम निम्है गुसन बरचकम रहचकम। नीम एम्‍है सिवान ही भितरी र'अदर, एन्‍देरगेका ऎम मुन्द तिम निम्‍है गुसन मसीसी दौ कत्‍थन ओन्द्रकम बरचकम।

2 कोरिन्‍थ 11:4

एन्देरगेका नीकईम निम्है गुसन बर'अरकी ऎम मल्‍ला तिंका एकअम नन्ना येसुसी पत्त नू तेंगदस, मलता नीम ख़क्ख्रका नेम्हा बॊलतासिन अम्बरकी एकअम नन्ना बॊलता ही पत्त नू ब'अदस, मलता नीम इंझ्रका दौ कत्था ती एकअम नन्ना दौ कत्‍थन ओन्द्रदस होले, नीम सेब्‍बा तिम अबड़न इंझ्रदर।

2 कोरिन्‍थ 11:7

ऎन निमन कोहाँ कम'आ गे एंगन सन्नी नंजकन ती ऎन निमन धर्मेसी दौ कत्‍थन सिथियम तिंकन। ऎन एन्ने नंजकन ख़ने एन्‍देर इन्द्रिइम पाप नंजकन का?

2 कोरिन्‍थ 4:3

अन्‍ति एम्‍है दौ कत्‍था नू इन्द्रिइम ओदहा र'ई होले, आद नॆ नठारनर कानर आर गे अन्ने र'ई।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 कोरिन्‍थ 8:18

ऎम आसी गने ओर्त भईसिन हूँ तइय्यालदम, नॆ दौ कत्‍था तेंगा कुद्दना चड्डे उर्मी कलीसिया नू कोड़हे नामे ख़क्खका र'अस।

2 कोरिन्‍थ 9:13

निमा ई सुसर'अना नलख ती नीम निमन पुरुब मंजका र'अदर। आर धर्मेसी ओहमा ननोर, ईगेका नीम उर्मी पॆस्रना गने मसीसी दौ कत्‍थन इंझ्रकर, अरा आर ही गने अरा ओर्मर ही गने हरग जिया ती दानन ख़ट्टकर चिच्कर।

कोलोस्से 4:3

अरा इदही गने एमा गे हूँ गोहरार'आ का धर्मेस एमा गे दौ कत्‍था तेंगा गे बलिन तिसगदस नेकअन। होले ऎम मसीसी पत्त ता गम ही कत्‍थन तेंगा ओंगोम। ई नलख ही चड्डेम ऎन जेहेल नू हॆंरकादन।

1 थेस्‍सलोनिकॆयर 3:2

अरा ऎम तीमोथियुसिन निम्‍है हेद्दे तइय्कम। आस एम्‍है भईस अरा मसीसी दौ कत्‍था तेंगना नू धर्मेसी जॊंख़स हिकदस। अरा आस निम्‍है पत्त'अना नू निमन बड़ियर ननोस अरा रिझ्रत'ओस, इदगे ऎम आसिन तइय्कम।