2 कोरिन्‍थ 2:11 - पुना गच्छरना NT (BSI)

¹¹ सैतान नमन अम्‍बो बगड़'आ गे अन्ने नंजकन। एन्‍देरगेका नाम आसी चाल गुट्ठिन बलना लेक्‍खा मल्‍ला।

2 कोरिन्‍थ 2:11 ပူးပေါင်းရင်းမြစ်များ

मत्तायोस 4:10

ख़ने येसुस अदिन बाचस, “अनय सैतान कगरार'अय कलय! एन्‍देरगेका नेम्हा पुथी नू लिख्रकी र'ई, ‘नीन निंग्‍है धर्मे उर्बासिन ऒड़ लक्‍के अरा आसी लेका महबा ननके।’”

लू‍कस 22:31

फिन उर्बस बाचस, “सिमॊन हे सिमॊन, सैतान निमन निम्‍है पत्त'अनन गहूँ जब्‍बना बेसे निंग्‍है पत्त'अनन बिढ़'आ गे धर्मेस ती नीचकी होच्‍चकी र'ई।

यॊहनस 13:2

येसुस अरा आसी चेलर पुतबारी ता मंडी ओना उक्‍का रहचर। नाद सिमॊनसी तंग्‍दस यूदस इसकारियॊतसी जिया नू येसुसिन धरत'आ गे पपहर गे संगे चि'आ गे मतिन सज्‍ज ख़च्‍चकी रहचा।

त‍इरकर 1:25

का आस ई सुसर'अना नलख अरा त‍इरकर ही अड्डन हो'ओस, एकदन यूदस अम्‍बियस ती तंग्‍है अड्डा किर्रिम बिच्‍चियस।”

1 कोरिन्‍थ 7:5

नीम ओर्त इरिब नू अमके छिंड्रा। बिन्‍ती नना गे लेका नीम इरबर ही मने ती जोक्‍क बेड़ा गे छिंड्रा ओंग्‍दर। अदही ख़ॊख़ा नीम मेस्रका र'आ, ख़ने सैतान निमा सह'आ पोलना चड्डे निमन चिबाख़ारना नू अम्‍बो टिड़'आ।

2 कोरिन्‍थ 11:14

लिकिन ईद हैकट मन्ना ही कत्‍था मल्‍ली, एन्‍देरगेका सैतान हूँ गा बिल्‍चिना मेर्ख़ा पैकस लेक्खा भॆंस ननी।

2 कोरिन्‍थ 11:3

लिकिन ऎन एल्‍चदन का एकासे नेर्रद तंग्‍है चतरा ती हवा आबोन भुरियाचा, अन्नेम निम्‍है जिया नू मसीस गे र'अना मानिमन ती अरा मानिम भगती ती नीम बेहड़ार'ओर दने।

2 कोरिन्‍थ 4:4

ई सौंसार ही देंवता मल पत्त'ऊ आलर ही जियन अन्धहा नंजकी चिच्‍चकी र'ई। औंगेम आर मसीस नॆ धर्मेसी रूप हिकदस आसी महबा ही दौ कत्‍था ही बिल्‍चिनन ऎरा गे पोलनर।

2 तीमोथियुस 2:25

अरा आस गे तंगन बिड़दो ननुरिन लुद‍ऊ जिया मनरकी बुझाब'अना र'ई। धर्मेस अबड़ा आलर ही जियन किर्त'आ गे लूर चि'ओस नेकअन, अरा आर हों मानिम आबोन अख़'ओर।

1 पतरस 5:8

चिहुंक र'आ, अरा एज्रका र'आ। निम्है कोहाँ बैरी नाद मुर्ना लकड़ा लेक्खा इदिन बेद्दा कुद्दी का नॆकन चर्रोन मॊख़ोन।

दहदर मंजका कत्‍था 13:8

अरा ख़ॆख़ेल ही गढ़्रना बेड़ा तिम पिटतारकी र'ई आ भेंडो ख़द्द मसीसी उज्‍जना ही पुथी नू नामे मल्‍ला लिख्रका ख़ॆख़ेल नू ओक्रना ओर्मा आलर आ मेक्‍खोन महबा ननोर।

दहदर मंजका कत्‍था 2:24

थुअतीरा कलीसिया ता बछ्रका आलर निमा गे ऎन एन्देर ब'अदन का: नीम अदही सिखाब'अनन मल मन्चकर, अरा सैतान ही ख़ोड़ख़ा गम ही कत्‍था एन्ने आर ब'अना कत्था गुट्ठिन नीम मल सिख्रकर। औंगे ऎन निम्है मइय्याँ नन्ना एकअम बोझा आबोन मल लद'ओन।